اصحاب الاكورد وخاصة 6v !!!! بليزززز

بسم الله الرحمن الرحيم

اول شي انا توي مسجل جديد واتشرف ياطوال الاعمار اني اصف معاكم في اخر السرى وناوي ان شاء الله اني اشتري اكورد سته سلندر وابي مشورتكم الله يجزاكم خير بخصوص خبرتكم في ها السيارة الاكثر من الرائعه ...

اول شي ابي اشرح لكم وضعي انا رجال راعي طريق يعني جلاد طريق من بيتنا لدوامي رايح جاي 316 كم
هذا مشوار اساسي يعني مافي الا الويكند اريح الموتر
سيارتي الي كانت معي ومازالت كامري موديل 2000 والله يجزاها خير ماقصرت معي كرفتها كرف الويل ومتحملتني بس بدت تطلب شويات ......

وعلى وشك زواح نبي نركب المحروصه في موتر يجمل هذااا وضعي

الي ابي اسالكم عنه :
& هل الاكورد الخليجة افضل من السعوديه من ناحية المواصفات ؟
& هل الاكورد تتحمل الطريق مقارنة بالكامري وايش سالفة الفصلة الي اسمعها عند 200 كم ..؟
& هل قطع السته سلندر اغلى من الاربع سلندر بكثير تقريبا كم في المائة ؟؟؟
& هل السته سلندر يمسك سعره في السوق لو انحديت على بيعها مقارة بالاربعه ؟؟


تكفون لاتحرموووني من اجاباتكم
هذى الاسئلة الي تحضرني الان

ودمتــــــــــم بصحة وعافيه

هلا وغلا فيك أخوي ان شاء الله انك تستفيد معنا بالمنتدى وأيضا نستفيد منك
بالنسبة للجواب على اسئلتك بأجاوب بالي اعرفه

ج1 ما أنصحك بالخليجية عشان الضمان وما أعتقد في فرق بالمواصفات
ج2 الأكورد ان شاء الله بتتحمل الطريق أفضل من الكامري ومريحة بالخط جدا
ج3 بالنسبة للقطع فأغلب القطع متشابهة ماعداحاجات خفيفة ممكن
ج4 من ناحية انه يمسك سعره الأكورد بصفة عامة مرغوبة لاكن الستة مو مثل الأربعة ينزل اكثر وهذا شي طبيعي بأي سيارة ستة سلندر ايا كانت ماركتها

أتمنى اني افدتك

هلابك ياخوي
انا مثلك كانت معي كامري لكن 2003 وراعي خطوط برضه
وبعتها وشريت اكورد2009 6سلندر والحقيقة حسيت بفرق واضح بينها وبين الكامري
الحقيقة الاكورد سياره روعه ما اقدر اوصفها ولا اقدر اسوي مقارنه بينها وبين الكامري لانه الفرق كبير طبعا" لصالح الاكورد
وانصحك خذلك 6سلندر والله ما راح تندم ابد انا كنت متردد لكن الحمدلله اني اخذت الاكورد لاني والله كارفها كرف والحمد لله ماشفت منها الاكل خير والسياره تتحمل بمعنى الكلمه
والسياره مع انها 6سلندر لكن اقتصاديه
وقطعها نفس قطع الاربعه الاختلافات بسيطه في سعر القطع
وبالنسبه للسعر بعد البيع حتى لو ينزل انا ناوي استخدم مو ناوي ابيع
واي استفسار انا مستعد

ما أدري عن الخليجية

و لكن ال 6 سلندر الي في البحرين ما تجي مثلكم بالسعودية 8 سماعات تجي بدون السماعة الوسطية

شوف انصحك اذا موديل الاكورد 2008 و2009 تاخذ 6 سلندر لانه فيها ضمان للقير والمحرك مدى الحياة واذا بتاخذ 2007 و2006 انصحك تاخذ 4 سلندر لانه لانه 6 سلندر القير والمكينة حسااس جدا في 2006 و2007 عشان كذا سوى في 2008 و2009 للستة سلندر ضمان مدى الحياة للقير والمكينة

اقتباس:

---

المشاركة الأصلية كتبت بواسطة ac_cord

شوف انصحك اذا موديل الاكورد 2008 و2009 تاخذ 6 سلندر لانه فيها ضمان للقير والمحرك مدى الحياة واذا بتاخذ 2007 و2006 انصحك تاخذ 4 سلندر لانه لانه 6 سلندر القير والمكينة حسااس جدا في 2006 و2007 عشان كذا سوى في 2008 و2009 للستة سلندر ضمان مدى الحياة للقير والمكينة

---

متأكد مدى الحياة ؟

لانه أعتقد 3 سنوات أو 100000 كيلو

اذا انت راعي استخدام و كرف خذ 6 سلندر اذا انت راعي تغيير كل فتره خذ 4 سلندر وكلها بتعمر معك ومن احسن ما يكون في الخطوط و من ناحية الفصله كلها تفصل على ال215 والله اعلم بس الله لا يحدك على السرعه والموتر راسي ومرررريح
الكلام اللي سبق ( عن تجربه )

ولا تنسى الاستخاره والله يوفقك

توكل على الله وخذ اكورد 6 سلندر جديد وبتشوف الفرق ،

والله يهدينا إلى سواء السبيل

تحية لك عزيزي

حبيبي نصيحه توكل على الله خذ اكورد وبس يا ولد وربي عز لا في خط ولا في
قومه ما شاء الله عليها واي خدمات حاضرين