يسعدلي مساكم يا اخوان
عندي هوندا اكورد 2006 وماشيه للحين 200 الف كيلو وودي اعمل صيانه لها
وشرايكم باالوكاله وكم تكلف الصيانه كامله او اروح لورشه واعمل عندهم الصيانه وياليت اللي يعرف ورشه
ذمه ويخافون الله واسعارهم حلوة ياليت يفيدنا بأسمها وموقعها (في الرياض )
ودمتم سالمين
اخوي اذا كنت بالرياض عندك ورشة الجنوب في الصناعية القديمة شغلهم مره حلو واسعارهم معقولة .....
انا بكرة الصباح بروح للوكالة اللي على خريص واشوف وش اللي احتاج اغيرهـ ونتقابل هناك :d
عشان تعزز لي وانا اعزز لك :d
تحياتي ..
الأفضل لك تشتري القطع من الوكالة قطع الغيار او من النعماني
وتصلحها برى بورشة ام الحمام رقم 20 بما انها معروفه في صيانة السيارات وتصليح مشاكلها سواء بالميكانيكا او بالكهرباء
كل ماعليك انك تجيب القطع للورشة واترك الباقي عليه
ورشة الجنوب وين موقعهم او رقم التليفون حقهم .
انا اكوردتي 2005 فل كامل 4 سلندر ..
وديتها الوكاله بجده في رمضان اللي رااح ..
وماشيه 200
وسويت فحص كاامل عالسيارة
وكلفتني تقريبا 650 ريال
وكان الفحص .. شامل ( للميكانيكا - والكهربا - والمكيف )
وكل وحده مستقله ولها سعرها ...
يعني فحص الميكانيكا له سعره
وفحص الكهربا له سعره
وفحص المكيف له سعره ..
السعر طبعا ... فحص بس بدووووووون تصليح اي شي ..
>> للفاائدة ..
تحياتي ..
.اقتباس:
بالنسبة للورشات المختصة بالهوندا في صناعية أم الحمام تجدها بعد الباب الشرقي للصناعية.
والطريق إليها إما من طريق أم الحمام تتجه شرقاً حتى تصل إلى إشارة تقاطع شارع أم الحمام مع طريق الأمير تركي ، عندها لاتقف عالإشارة وأدخل يمين مع الخدمة وتعدى باب الصناعية بحوالي 200 متر تجد هناك عدد من الورش المتخصصة بالهوندا فقط ومنها ورشةالجنوب أيضاً.
أو أن تدخل من طريق الملك فهد على شارع العروبة غرباً ثم تدخل يسار بطريق الأمير تركي الأول ونفس الوصف السابق بعد بوابة الصناعية.
هناك طرق أخرى ولكن أحس إني كثرت الوصف عليك.
وللعلم صناعية أم الحمام تختلف عن صناعية العروبة --- مع كل التقدير للعضو
d7ooom2009.
وطبعاً محلات قطع الغيار تجدها في نفس طريق أم الحمام مقابل مسجد الملك خالد ، ونصيحة إذا بتشتري من هذه المحلات أن تطلب خصم (discount) لأنهم أحياناً إذا لم تطلبه منهم يعطيك القطعة بسعرها الأصلي.
عذراً عالإطالة وبالتوفيق