شاركـ الجميع في أبــداعــاتــهم

http://www.saudinokia.com/vb/images/...404d6adaf9.gif





شباب وأعضاء المنتدى ..


بما ان هذه اول موضوع لي بالمنتدى ..


حبيت ان الجميع يشاركني بهالموضوع ..


بسم الله ماشاء الله >>> علي انا طبعاً :d


شريت لي اكورد 2009 سبيشل ( اللون اللؤلؤي :cool: )


الموتر من وكالته مافيه اي اضافات

يعني مثل الصوره الملصقه فوق عالــمنتدى


خخخخخخخخخخخخخخ :d


الموتر مافيه تخشيبه ولا فيه كشافات

( تعرفون انتم مواصفات السبيشل الاربعه سليندر )


وبما اننا تونا معطلين من الجامعه .. ( وقلق الامتحانات )


ودي ازبط موتري ..
والمشكله ماعندي اي خلفيه عن الاكورد وايش تقدر تضيف فيها ..


واللي من القصيم يدلني على محلات سنعه ..


او تنصحوني بس اطلع للريااض ..

وبرضو وين المحلات اللي بالرياض

ياشباب انا ابي موتري يتزبط على ايدينكم ..


وان شاء الله ابي انزل صورهــ بالمنتدى بليلة العيد بعد التعديلات ..


اتمنى تفاعل الجميع معي ..


شاكر ومقدر للجميع

حياك الله بالمنتدي .,

وشسمه .., منتدي محي هوندا ., بوه خاصيه ., بحــث .,
تراها كويسه بالحيــل .,

الشئ الثاني ., كم حدك ., يعني كم راح تدفع للسياره ؟.,

AHN << وجودك حماس الصراحه :d


انا ماعندي شئ بهالعطله الا هالسيارهــ ...

<< من يوم مابدأت الدراسه واهو ماتهنا بهالسيارهــ .. ياحووووول :(


وحدي اللي يمديني اسويه قبل العيد

<< الولد مهايطي



بس انا ما ادري اغير اشياء اساسيه بالسيارهـ او لااا :confused:

يعني ., ركب اشياء مهمه ., وحلوه اب نفس الوقت .,

يعني كشافات .,
شبك نيكل .,
مقابض نيكل .,
واذا ودك ., جنوط الفــل .,

ويطلع موترك ., نصــــــــــــبــــــه

وشسمه ولا تنسي كفرات خط ., << أستعبط :d

على البركه الموتر ويعطيك خيرها ويكفيك شرها
تبي نصيحتي وانا اخوك خل الموتر وكاله لا تسوي فيه الا اشياء بسيطه
مثل ما قال اخوي ahn سبقني بالرد

طيب ..

الكشافات + التخشيبه هذي شئ اساسي

بس الكشافات تكون زينون او عاديه ( احس لو اشبكهن مع النور العادي يزنون تطلع نصبه .. او وشلون ؟ )

والتخشيبه يبن الحلال يقولون الشباب ان فيه ( تخشيبه ( عباره عن لزقات )

وفيه لا تخشيبه مثل الوكاله ( عبارهـ عن صب )

وان اللي عندنا بالقصيم كله خرابيط ( يعني اللزقات )

وسالفة الجنوط الــ 17 ولد جيراننا مزعجني ازعاااج يقوول لاززم تطقهن :d

والظاهر انه ناوين على زرفتهـن :d

خخخخخخخخخخخخخخخخخخخخ :d

وانا راعي خطوط للجامعه يعني اخاف بعدين تاكلني الـ 17 بقيمت كفراتهن ..

كم تفرق قيمة ال16 عن ال17 بالبيرجستون ذي اللي يمدحونها ( الرياضيه ) :d

حياك الله اخوي عاشق سيفيك4999

الله يبارك فيك ويسعدك يا رب :d

انا معك ان الموتر اذا كان جديد زينته بنظرت الوكاله ..

بس قسم بالله فيه حاجات ضروريه للموتر ولا يصير عايدي

( مثل اللي بـ محلات الاجار :d

يعني الانوار الزينون انا اشوفهاا اهم شئ بالاكورد

( الانوار الصفر اوقسم بالله قبيحه على موتري )

وطبعا الداخلي لابد لك من التخشيبه :d

ولا وش رايك اخوي عاشق سيفيك4999 :confused:

شف ع حسب ذوقك .,
بس الاغلبيه ., تكون الكشفات ., عاديه .,
والنوار الواطيه ., زينون .

أما بالنسبه للتخشيبه ., مااعندي اي علم بهن . :d


وسالفه الجنوط ., ع راحتك .,
وبالنسبه للكفرات ,. أكيد بتكون أغلا ., لاكن كمده استهلاكيه ., ما اتوقع يكون ذااك الفرق؟.

أخوي نصيحة لا تعدل في السيارة كثير لأن بعدين بتكرهها

في أشياء خفيفة ممكن تضيفها زي:

مقابض نيكل
شبك نيكل
جناح
كشافات
وأنا رأيي من رأيك أحس السيارة مهمة بالتخشيب وفي محل اسمه نهر الفنون بالرياض يجيب لك نفس نقشة الوكالة بالضبط !

أمى بالنسبة للجنوط فلا تغيرها (رأيي الشخصي) هي حلاة السبشل جنوطها
و إذا ميزانيتك تسمح لك تجيب شاشة نفقيشن فلا تقصر:cool:

<< فاطس ضحك

يازين سوالفكم يالقصمان :d

ارفع الموتر وركب كفرات خط وجنوط سود وفك المرايات الجانبية او صفطها وغبرالموتر من فوق وحط خطوط هلي 2010 وانصبه في مكان زين ..:d << امزح :d

المهم ركب زونون وركب كشافات الوكالة وسوي تغيم 02 مخلوط اممم وش بعد وركب النياكل اللي قالها لك AHN اممم وش بعد وش بعد ايه والتخشيبة ..

وبالنسبة للجنوط خلها على رواقه ركبها بعدين لاحق عليها ..

حلات السيارة تتعدل حبه حبه ..

ههههههههههههههه يا D. Mohammad أولا مبروك [ الموتر ] :d الله يطعمك خيره ويكفيك شره

تعريف كلمة الموتر لسكان خارج دولة القصيم المتحدة : السيارة تسمى في بريدة فقط بالموتر وهذا يدل على إن صاحبنا بريداوي :p

والله ياعليك سواليف الظاهر ما فهمك إلا ANH و أنا مجووووودي خخخخخخ ( يزرفهن و اطقهن و.....و...و..ووو ) :d

لا تزعل علي حبيت أضحك معك و إذا بغيت أي شيء ترانا بالخدمه

ولاتنسى الشرائح الخلفيه خوقاااق

اجل غريبهــ هالقصمنجي ..


بدال الهلي 2010 طاقن اكورد

خخخخخخخخخخخ

عاد يقولوون ان القصمان تجاار

واذا طار بوزهم يعني الولد يبي يفسق

طقله اكوووورد

خخخخخخخخخخخخخخخخخ

بس يارجال عادي

سوااء قصمنجي ولا من القهر ... ( ماودي احد يفهمني غلط وابلش به :d



ايه الدعوهـ عالـــ الشخص نفسه ;)


بس ياشباب

انا مريت محل ببريدهــ ( طحنا بــه :d ) = اي تم اكتشاف موقعه


<< يبي يوصل المعلومه :d



اسمه = ( سيليلوز ) = ( Celelose ) >>> موب السيليلوز حق الـ الخليه

محل تخشيب وبرضو انوار زينون ..

( موقعه بصناعية الرواف )


ابي استشيركم يا قـدعــان :d

لقيت تخشيبه مثل الوكاله بــ 600 ريال

وتخشيبه زيادهـ عن الوكاله ( يعني يخشب لك كل اللي بالسيارهــ ) >>


بــ 800 ريال


وعليهن ضمان خمس سنوات ...


وش رايكم .. ؟؟


ولقيت عندهــ انوار زينون HID الماني تجميع مدري وشو ..

قوته 50 واط ( الظاهر )



عالي + كباس بـــ 900 ريال

اما العالي بس بــ 500 ريال

مع التركيب والكتاوت


وعليهن ضمان 3 سنوات على كل شئ ..




والموتر ( حتى الان )

انا ضللته وكيسته طبعا مثل الوكاله



انتظر تعليقكم .. أبدأ بالشغل عندهــ

او انقز للرياض ارخص لي ( وبكم بالرياض )

وياليت توصفولي لمحلات عليها الكلام ..

اقتباس:

---

لقيت عندهــ انوار زينون HID الماني تجميع مدري وشو ..

---

والله ياهو ينصب عليك
يا انه قالك تجميع كوري
او ماليزي
او صيني

يارجال الزنون الي بالسوق كله صينيxصيني

عندك المراقب كاكاشي سان يبيع زينون طيب وفيه كم عضو يمدحه
وأنصحك تاخذ اللون 430 كلفن (زي لون اللكزس)

اقتباس:

---

والله ياهو ينصب عليك
يا انه قالك تجميع كوري
او ماليزي
او صيني

يارجال الزنون الي بالسوق كله صينيxصيني

عندك المراقب كاكاشي سان يبيع زينون طيب وفيه كم عضو يمدحه
وأنصحك تاخذ اللون 430 كلفن (زي لون اللكزس)

---

ايه اهو قالي انه الماني بس تجميع الظاهر ماليزي ...


طيب الــ HID ذا ما كد احد جربه


( انا شفته على الاكورد المعروضه بالمحل الصراحه انه حلوو


وبعدين الزينون حق المراقب بكم هو بـه ( يعني كم سعرهـ ؟؟


وكم واط ؟؟ << واحد يسمع بالواطــ :d


وياليت احد الشباب الخبرهــ ( من اللي ساكنين بالرياض )

يعطوني رايهم اسوي الشغل هينا بالقصيم .. او اطلع للرياض ؟؟

والفرق بالسعر ..






العيد قرب ومابقى الا كم يووم :d

اقتباس:

---

المشاركة الأصلية كتبت بواسطة مجوووودي

<< فاطس ضحك

يازين سوالفكم يالقصمان :d

ارفع الموتر وركب كفرات خط وجنوط سود وفك المرايات الجانبية او صفطها وغبرالموتر من فوق وحط خطوط هلي 2010 وانصبه في مكان زين ..:d << امزح :d

المهم ركب زونون وركب كشافات الوكالة وسوي تغيم 02 مخلوط اممم وش بعد وركب النياكل اللي قالها لك ahn اممم وش بعد وش بعد ايه والتخشيبة ..

وبالنسبة للجنوط خلها على رواقه ركبها بعدين لاحق عليها ..

حلات السيارة تتعدل حبه حبه ..

---

يا لبااااااااااا الهلي بسســـ

انا ودي أبيعــ الاكورد وأشتري هليــــ2010 بس مغصوبـ على الاكورد

لا والحينـــ جاء البرررد وطلعت البرانـ يعني تنغبنـ وتنقهر تشوف العالمــ يطلعونـ وانت حدك الزفلتــ

او تقعد تشحد العالمـ يسلفونكـ موترهمـــ

هلي وبسسـ والفجي بعد حلوو وقوي بالطعس بس احسهـ قبيح أشوي

اذكر انه كان يبيعه 430 يمكن خفض سعره
على العموم عندك اي سؤال حطه في موضوعه او راسله على الخاص
هذا رابط الموضوع
http://www.hondaarabia.com/club/showthread.php?t=20500

برضوا لمبات الكزس الي تجي في الوحه حلوه >>> شوف التوقيع

ياشباب انتم ماقصرتم ..


بس مافيه احد جاوبني :d



ايهن اغلى التخشيب بالمحل اللي ذكرت ولا بالرياض ؟؟

وكم يفرق عني ؟؟

والزينون برضوو مافيه احد يدري بكم الــ HID ذا بالرياض ؟؟ :confused:


او فيه نوعن ازين منه ؟؟ :confused:



:rolleyes:

أنا ركبت زنون بالرياض نفس إلي تقول عنه وسألته إذا له فرع أو موزع بالقصيم قالي موجود في بريدة بصناعية الرواف إلي هو محل تخشيب السيارات وسعره بالرياض 500 والتخشيب والله ما أعرف فيه شيء لكن الشباب في المنتدى مايقصرون معك إنشاء الله

الـ HID هو الزنون يابو الشباب

مافيه انواع ولا شيء اي زنون يسمى HID

الأنوار الصفراء الوكالة تسى Halogen و الزنون يسمى HID طبعا اختصار لثلاث كلمات

اخوي .. التخشيبة اللي عندكم غالية ..وين 600 و800 صاحي انت .. :d

تعال الغرابي .. اسم المحل المبدع او واحه الفنون .. اذا ماني غلطان بالاسم ..

ويخشب لك السيارة كلها لو تبي من برى ما تزيد عن 450 او 500 ..