أكلنا حفرة بالكوبيه وجبنا العيد ,, الرجاء المساعدة يا إخوان
السلام عليكم ورحمة الله وبركاته
إخوتي الغاليين ,, ربي باركلي واشتريت أكورد 2008 كوبيه 6 سلندر .. والسيارة ما خلصت 15000 يعني لسه بصحتها ,, وأنا ماشي في خط العوالي في مكة جات حفرة الله لا يبارك فيها ولا في اللي سفلتو الشارع واكلتها ,,
الله لا يوري فيكم أحد زي هذي الحفرة ,, الضربة حسيتها في قلبي مو بس في السيارة ,, والسيارة طاحت يسار بعد الضربة مباشرة ,,
جنبت طوالي بسرعة ونزلت شفت الكفر ناااااااااايم عالآخر ,, غيرته بالإستبنة وانتبهت إنو اسبتنت الأكورد الكوبية كأنها إستبنت دراجة ماهي زي كفرات الإستبنة حقت السيدان تجي نفس كفرات السيارة ,,
وبعد التغيير ,, مشيت بالسيارة وللأسف صارت تحذف يسار بجنون :(:(:( ,, قلت يمكن من الكفر غيرت الكفر وركبتله واحد مقاس 18 نفس حق السيارة ومازالت مشكلة الحذفة المجنونة موووجودة ,,
ياليت إخواني الغاليين تنصحوني ويش أسوي الحين ,, وإذا لازم أوديها ميزان ,, أنا أبى ميزان كهربا لأنو أشوفه أفضل وياليت تشورون علي بأفضل محل في مكة أو جدة ,,
ودرجة الإنحراف هل تنصحون أخليها صفر على كل الكفرات ولا -5 زي ما ذكر أحد أعضاء المنتدى الحبيب ؟؟
معليش طولت عليكم لكن والله حرام السيارة جديدة وقلت أشور إخواني وما بيقصرون معاي إن شاء الله ,,
دمتم بود ,,
