الـmr-v ينقص زيـــــــــــــت !!!

بسم الله الرحمن الرحيم

السلام عليكم

السالفة كالتالي : على الـ55,000 كيلو رحت أبدل زيت لموتر الوالد الـmr-v في محطة خارج الوكالة وتفاجأنا أنا والعامل أن السيارة ما فيها الا لتر واحد تقريبا من الزيت بدل أكثر من 4 لترات !!

من بعدها صرت أركز في الكراج وصرت أشوف بقع صغيرة تحت السيارة في بعض الأحيان ..

على الـ59,800 كيلو وهو آخر فحص لدى الوكالة على الضمان قلت لهم أن السيارة تنقص زيت وقالوا راح يشيكوا السالفة .. استلمتها بعد كم يوم وبعد اسبوع شفت بقع مرة ثانية في الكراج !! .. رجعت للوكالة وسويت هوشة خفيفة وقالوا لي أنهم ما شافوا تهريب في السيارة من المرة الأولى .. بس أنا أصريت أنهم يدخلوها مرة ثانية ودخلتها عندهم ..

استلمتها بعد يومين وقالوا أنهم ما حصلوا تهريب من أي مكان !!

الغريب في الموضوع أني بعد هالمرة صرت ما أشوف بقع في الكراج !! .. لكن أمس لما رحت أبدل زيت على الـ65,000 كيلو .. لقيت أن الزيت لترين فقط !!

يعني الزيت ينقص وبكميات كبيرة نسبيا لكنه ما يهرب من تحت السيارة!! ..

ممكن أحد يقول لي وش السالفة ؟؟ ويش الحل ؟؟ .. ومشكورين ..

:)

زيت الماكينة مغلق بالماكينة لا يمكن ان يخرج من جهة آخرى !

شيك على الماكينة وقت النهار وشوف من جوانب الماكينة ومن جهة الكرسي الخلفي

حط كرتون تحت السيارة تحديدا ً تحت الماكينة , وتأكد من الصره انها مغلقة بإحكام وغطاء الماكينة ومعيار الزيت مايكون فيه اي تهريب , ورد لي خبر ..

محجوب حبيب قلبي
مافي الا شي واحد

اكيد انه في جني من شرابين الزيوت :d

وين يروح اجل بالله ؟

المشكله السياره طلعت من الوكاله وقالو مافيها شي ...

شيك مثل ماقال كنج على حواف المكينه والصره ... يبيلك تتعمق في المكينه ... وياليت تسوي الحركه هذي بعد الغسيل اليدوي من تحت ... عشان كل شي يكون واضح

اقتباس:

---

المشاركة الأصلية كتبت بواسطة king

زيت الماكينة مغلق بالماكينة لا يمكن ان يخرج من جهة آخرى !

---

اي مو هذا اللي مجنني !

اقتباس:

---

شيك على الماكينة وقت النهار وشوف من جوانب الماكينة ومن جهة الكرسي الخلفي

---

في المرة الثانية عند الوكالة أول ما قابلت المهندس رفع السيارة معاي ووقفنا ربع ساعة نطالع فيها من تحت .. ولا شفنا حد من الحدود او مكان مزيت ! .. البلوك كله نظيف من تحت !!!

اقتباس:

---

حط كرتون تحت السيارة تحديدا ً تحت الماكينة , وتأكد من الصره انها مغلقة بإحكام وغطاء الماكينة ومعيار الزيت مايكون فيه اي تهريب , ورد لي خبر ..

---

الظاهر يبيلها كرتون علشان اتأكد صح .. بأشيك من ألحين للأسبوع الجاي وان شاء الله خير ..

اقتباس:

---

المشاركة الأصلية كتبت بواسطة عاشق هوندا اكورد

محجوب حبيب قلبي
مافي الا شي واحد

اكيد انه في جني من شرابين الزيوت :d

وين يروح اجل بالله ؟

---

هذا اللي مطلع عيوني يا عاشق :mad: أني ما أدري كيف شلون لماذا من أين :d

اقتباس:

---

المشكله السياره طلعت من الوكاله وقالو مافيها شي ...

شيك مثل ماقال كنج على حواف المكينه والصره ... يبيلك تتعمق في المكينه ... وياليت تسوي الحركه هذي بعد الغسيل اليدوي من تحت ... عشان كل شي يكون واضح

---

باجرب الحركة وان شاء الله خير ..

ومشكورين ع الردود ..

سمعت بعض الشباب يقولون ان زيت كاسترول ماجناتيك ينقص معاهم .. وخاصة اصحاب الـ v6

هل تستخدم زيت هوندا لو كاسترول لو موبيل 1 لو ... ؟؟

ممكن نوع الزيت يكون له دور ...

محجوب الله يعينك وحاول تبدل نوع الزيت وجرب

اذكر راعين التويوتا كانوا يشتكون من زيت تويوتا ينقص ويوم بدلوه بنوع ثاني ضبط معهم الوضع

اهلين يا هلا وغلا محجوب يا محجوبي
والله في احتمالية من الزيت الي تستخدمه,, للأن اذا كان الزيت لزوجته قليلة و الجو حـار يحدث تبخر !
أو
كثرة الدعس بإستمرار و وصول الآر بي ام قبل الخط الأحمر ينقص الزيت و بذات في الجيوب
أو
Oil pan فيه بربلم
و هذا النتاج من البقع
http://z.about.com/d/autorepair/1/0/4/2/89392908.gif

و آخر احتمال يمكن غطاء زيت المحرك خربانه

نحن راعين التيوتا الحمد لله لا نشكي من زيتناا :cool:

السلام عليكم ،الله يعينك ، أنا صابتني مشكلتك أيام الميرسدس و قيل أن الزيت مغشوش لا سيما نوعية كاسترول و قيل ان الأصلي منها مرسوم ع القصديرة الي تحط الغطا شعار شركة الزيت كاسترول ، و ابتعدت عنهم أنا و السيارة ذيك ما دامت و ألحين الهوندا البايلت زيت سوبر جي تي الأسود الأغراش السودا و الحمد لله تمام التمام ، ان شاء الله قريب أبحث عن وأنقل موضوع الزيوت المغشوشة للمنتدى ، و الله ولي التوفيق

اقتباس:

---

المشاركة الأصلية كتبت بواسطة honda pilot

السلام عليكم ،الله يعينك ، أنا صابتني مشكلتك أيام الميرسدس و قيل أن الزيت مغشوش لا سيما نوعية كاسترول و قيل ان الأصلي منها مرسوم ع القصديرة الي تحط الغطا شعار شركة الزيت كاسترول ، و ابتعدت عنهم أنا و السيارة ذيك ما دامت و ألحين الهوندا البايلت زيت سوبر جي تي الأسود الأغراش السودا و الحمد لله تمام التمام ، ان شاء الله قريب أبحث عن وأنقل موضوع الزيوت المغشوشة للمنتدى ، و الله ولي التوفيق

---

جميع سياراتي سابقآ ومنها جيب تويوتا كنت أستخدم الزيت اللي قلت عنه فوكس سوبر جي تي العلبة البلاستيك بلون أسود ويمدحونه كثير وانا ماشفت منه مشاكل وهو ممتاز جدآ

مجموع استخدامي له لعدد السيارات اللي اقتنيتها يعني 8 سنوات وشوي الا الهوندا أستخدم لها زيت هوندا وينقص بعد 3500 كيلو ربع علبه والظاهر اني بغير الى نوع ثاني اذا جاء الصيف وبجرب ينقص ولا نفس المشكلة

في سبب لنقص الزيت بهذه الطريقة ( بعد ما سألت احد فاهم في السيارات )

ان تكون السيارة مشنبرة و عادة تطلع دخان من الشكمان و لكن بعض السيارات تكون مشنبرة لكن ما تطلع دخان
و من الاسباب لهذا الخراب عدم التصخين قبل استخدام السيارة و السرعة و كرف المكينة

نصحيتي لك يا محجوب لا وكالة بتنفع و لا شي روح الورشات العادية صناعية صفوى ( شارع الورشات ) او التركيا افضل اولاد البلد مواهب مدفونه و خبرة

و الله ولي التوفيق

اذا بقع موجودة تحت هذه تكون احد الاسباب التالية:

1- وجيه الكارتير ويلاحظ تسربات حول الكارتير

2- الصرة اذا مهترئة او فيها مشاكل

3- الصوفة الخارجية وهي تجي بعد بكرة الكرنك

4-الصوفة الداخلية وهذه لازم تفك القير علشان تغيرها وهذه اكبر مصيبة

اذا الصوفة الداخلية تهرب زيت راح تلاحظ مكان التهريب بين القير والماكينة

وعليكم السلام ورحمة الله

نقص زيت المكينة ناتج عن اسباب عديده نذكر منها على سبيل المثال:

- تبخير وهذه الحالة ابسطها، وليس لها حل خاصة ان الصيف عندنا ما شاء الله شي ما يوصف، لذا يجب ان يكون في السيارة علبتين على الاقل في حالة النقص تضيف الى المقدار المناسب.

- تهريب لذا يجب فحص صوفة المكينة.

- الحالة الثالثة ظهور خلل في الشنبر وفي هذه الحالة يحتاج فحص دقيق بحيث ان كان تالف يستبدل فوراً.

- للمعلومية سيارتي بي ام دبليو جديده وتنقص من نصف علبه الى علبه كامله كل بعد 2500 كيلو، والوكاله يقولون امر طبيعي، والزيت نوعه كاسترول ماجنتيك، واستخدمت موبيل ون ومازال ينقص. مع العلم مافيه اي تهريب.

لكن ارى نقص اربع علب امر خطير... على فكره كل كم تغير الزيت ؟ وما نوع الزيت ؟ ومتى يظهر النقص عندك ؟