موظف السنترال..."الكول سنتر"

.
.

ميزه في الدول المتقدمه...

لو الواحد يتصل على اي جهة حكوميه او قطاع خاص عشان يستفسر عن حاجة موظف السنترال يرد سريع ومايسيب العميل ملطوع في التليفون وكانه طالب شحته...

والاجمل لمن يرد يرد بنفس مفتوحه وبيخدم العميل...

ليش...

لانو هناك الي يتابعهم ويعاقبهم على اقل غلطة وكل شي محسوب على الموظف...

اما عندنا...

لو الشخص يتصل على اي جهة يتمرمط كرامته قبل كل حاجة و يتلطع ساعه ساعتين عبال مايردو ولو رد الموظف والعميل قله ليش مارديتو ليه ساعه اتصل ومحد بيرد يقول...
متاسفين لانه الي يتصلو ناس كتار ويادوب نرد...

وهدي اكبر كدبه...

صحيح في ناس يشتغلو بذمه وضمير لاكن مو الكل...

معظمهم يامشغول يلعب في السوليتر او الي يهرج مع صاحبه وينكت والي يفطر مع صاحبه ويشرب شاهي بلعربي تسيب...

وهدا كله بسبب انه مافي رقابه ومافي اي عقاب...

والشخص الي يرد في السنترال اغلبهم مالهم نفس يردو ويردو بأجحاف وكانه العميل متصل عشان بياخد منه جيبه شي...

هدي اكبر مشكله...

لحد متى ونحنى متخلفين ولحد متى كل مانحاول نتطور ونتقدم لقدام نرجع عشرة للخلف...

وكمان الهرجة هدي مو في القطاع الخاص وبس للاسف حتى القطاع الحكومي فيه الأستهتار والتسيب هدا...

من جد الدول العربيه دول متخلفه...

السلام عليكم

كيفك اخوي ان شاء الله تكون بخير وباقي الشباب

كلامك شدني وبكل احترام وتقدير لك ولاسلوبك في الطرق

وعندي مداخله بصسيطة وان شاء الله ماراح اطول وادخل بالموضوع ع طول

انا اشتغلت بشركة قطاع خاص ع السنترال والاستقبال وعارفين كلنا المسمى الوظيفي هذا وعارفين المهام ومتطلباته

استمريت ع هذا الموضوع تقريبا سنة كاملة في هذي الوظيفة والحمدلله ربي وفقني وجتني الافضل بخصوص كنت اكمل دراستي الجامعية

صحيح ان تمر ايام يجيك ضغط ع التلفون وانت شخص واحد !

وفيه ناس يعني تجيك وتستقبلها بابتسامه خصوصا ع التلفون او يجون عندك بالمكان اللي انت فيه وماشاء الله عليه ينحطون فوق الراس

وفيه ناس لا والله اقولها وبين قوسين ( ناس ماتستحي ع وجهها ) ولا تقدر الشخص الموجود اللي جالس ويعطيها المعلومة او الشئ اللي يبي يوصله او الهدف

وبنهاية كلامي احب اشكرك واحييك ع موضوعك وان شاء الله بموازين حسناتك

وتقبل تحياتي وتقديري لك ..

بسمه تعالى :


موظف السنترال لديه قوة تحمل نفسية و توازن أريحي للرد على بعض المكالمات التي تسبب صداع الرأس و كثرت الإتصال بدون فائدة تذكر...و تكمن بعض المشاكل بقلة الموظفين و تقاعس بعضهم عن أداء واجبهم لأن مسمى وظيفتهم موظف سنترال على بند الأجور...نحن دولة تعتمد على الرفاهية بشكل مطلق حتى أن بعض الموظفين سامحهم الله يتخذون مكاتبهم ملجأ للنوم و الكلام الذي لا فائدة منه و مخرجآ من ضغط البيت و أهواله .......الحل هو وجود سنترال آلي للرد على المكالمات آليآ وفق أمر المتصل ..ستحل هذه المشكلة من كثرت الشكاوي و تقاعس الموظفين عن أداء واجبهم و إذا حصل خلل ما فيمكن أن يحل محله موظف السنترال مؤقتآ لحين إصلاحه و من ثم الرجوع لقيد وظيفة أخرى يستفيد منه بواجبات أخرى ....الحلول كثيرة لكن أين تذهب ...شكرآ لكم.

لاداع للغضب فالسكر بإنتظارك :d

http://www.bankblog.info/wordpress/w...ngry_phone.jpg

اخوي ღღ 3eo0oney...ღღ...

ربي يكتبلك الي فيه الخير ويارب تتوظف افضل الوظايف يارب...

وصحيح فيه نس بيشتغلو بذمة وضمير امثالك بارك الله فيك وفي ناس للاسف مثل ماقال الاخ العزيز جوجو متسيبين...

اخي جوجو بارك الله فيك ياستاذي وهدي مشكله والرد الالي افضل حل...
والله يعين موظفين السنترال من الضغوط الي هم عايشينها...

ماشاء الله عليك كثرت مواضيعك المتنوعة ولو وضعتها بمدونة خاصة اراها أفضل بكثير :)

يعطيك العافية على هيك موضوع

يعطيك العافية انمار وخلها على ربك ابتسم انت في السعودية

اقتباس:

---

المشاركة الأصلية كتبت بواسطة المباشر

ماشاء الله عليك كثرت مواضيعك المتنوعة ولو وضعتها بمدونة خاصة اراها أفضل بكثير :)

---

انا اقول لو تفتحولَه قسم يكون افضل بكثير :)

^^ جبتها صحححح ^^:onlinelong:

<< هذا المستخدم موب فاقع من الضحكـ ابداً :rofl:.. يجي منك يا سوليتر ;) خخخخ

كلامك جدا واقعي وصحيح ....

والله يوفق اللي يشتغل بذمه وظمير ....

ويعاقب المتسيب ....... امين

طبعا أنا كلامك موافق على ميه بالميه
بس تصدق بعض الأحيان الواحد ماله إلا الصبر على هالحالة وياخذ الأشياء ببرودة دم لأنه مهما عصب ورفع صوته مارح يتغير الوضع ...

وتصدق كنت بقولك( ابتسم إنت في بلد عربي ) لكن صراحة على كذه أكون ظلمت كثير من الدول العربية اللي تملك حضارة أكثر منا لكن صدقني الجواب الصحيح هو (ابتسم انت في السعودية):d

وعموما هي لا على انك عربي ولا سعودي ولا..... هي على أمانتك وضميرك وحب مساعدة الغير <<<< هذه الأشياء اللي موجودة عند الأجنبي زيادة عليها المراقبة الشديدة زي ما قلت فعلشان كذه الإخلاص بالعمل موجود عند كل شخص منهم..:)