عرض للطباعة
السلام عليكم
كيفكم عساكم بخير
ذي اول مشاركه لي بالمنتدى وماكنت اتمناها تكون كذا اول مشاركه
ع العموم خيره ان شالله
شباب انا طلعت اكورد سبيشل 2009 والحمدلله ماشفت فيها اي عيب من العيوب الي اقراها بالمنتدى
بس بالصدفه طالعتها من تحت ولقيت الكندس والشكمان كامل وكم مسمار من تحت السياره فيه نقط صدا :(
وحديده المساعد الي طالعه لبرى من قدام فيها صدا من فوق
والسياره انا مطلعها الحين ماكملت الاسبوع لها 4 ايام والله انقهرت
ابيكم تفيدوني وش السواة
رجعها للوكالة
وإذا مانفع معاك الوكالة , فيه بخاخ يبيعونه ساكو حق الصدا استعمله .. ^-^
مشكور king ع الرد السريع
توني دقيت ع المندوب الي باعني هي قالي دام مافيها اصوات ولا فيها عيوب خليها لصيانه 1000 كم وقول للصيانه شوف وش بيوسون
وش رايكم لانه والله مالي علم بالسيارات اخاف لا سبتها تضر واخاف اني مكبر السالفه
ولا اشتر راسي واشوف البخاخ الي قالي عليه اخوي كنج وياليت الي يعرف كم قيمته ووين ساكو بجده يعلمني
افيدوني الله لايهينكم
بالفترة هذه انتظر إلى صيانة الـ 1000 كم
قولهم عن الصدا وإذا كان عندك ملاحظات على السيارة هذه فرصتك
بخصوص باقي الصيانات بالمستقبل
كل 5000 كم تغيير زيت وسيفون عند الوكالة بـ 110 ريال
كل 40.000 تغيير زيت القير بـ 182 ريال
(طبعا ً صيانة الـ 40.000 ألف انصحك تدخلها الوكالة لأن راح يغيرون فيها أشياء مهمه للسيارة منها البواجي وفلتر البنزين وأشياء كثيرة ..)
* تغيير الزيوت والفلاتر يتم بالوكالة لأن لو حصل حاجة يكون عندك دافع وإثيات على صيانة السيارة بالوكالة ..^-^
:a035:
الله يسعدك اخوي كنج
ومشكور ع المعلومات كانك عارف اني من جمبها والله مادري وين الله حاطني بس ادق سلف وامش :o
اخوي اذا تتكلم عن اثار صدأ بسيطة
اتوقع هالشي عادي
انا سيارتي كل ماسورة الشكمان والكنداسة فيها اثار صدأ
بس لما اودي سيارتي للوكالة للصيانة
كل السيارات اللي اشوفها مرفوعة لتغيير الزيت نفس الشي
وفي سيارات تحس ان الكنداسة كلها مصدية
واتوقع هالاثار تجي بسبب حرارة الشكمان مو بسبب صدأ
انت اتأكد من الشباب في الوكالة لما تشييك 1000 كم
واذا صار معك شي خبرنااا
تحياتي لك ومبروك الموتر يعطيك خيره ويكفيك شره :)
الحمدلله طمنتني يابو جواد بزود الله يطمنك
انا زيك بس الي خوفني اني شفت مسمار ورى الجنط عليه صدى والحديده الي فوق المساعد عشان كذا بدت الوسوسه
وترى موتري اخو موترك بالون وكل شي
وابشر حبيبي اول ماروح الوكاله واعرف منهم شي بيوصلك الخبر