عرض للطباعة
السلام عليكم
يشرفني الانضمام إلى هذا المنتدى المهم والرائع
عندي استفسار بخصوص المساعدات
قبل يومين طبيت في مطب عدم سيارتي
رحت لورشتين قال الأول يبغالك مساعدات ومقصات علوية
ورشة الجنوبي قالي يبغالك مساعدات وجلب مقصات
سألت عن المقصات لقيت الوكالة طبعاً من محل عادي بسعر 1100 ريال وال kyb 350 ريال ما رأيكم؟ وش أغير؟
وبالنسبة للمقصات هل أغير المقصات؟ أم الجلب؟ طبعاً بحسب خبرتكم ؟
مع الشكر مقدماً
يا الغالي على حسب الشي التالف عندكـ غيره
اذا متاكد انها بس الجلب غيرها فقط اوفر لكـ
دمت بود
مشكور أخوي على الرد
نسأل الله التوفيق
ايش نوع المطب هل هو عالي وايش نوع الاصوات اللي تسمعها؟؟
مطب غرف التفتيش اللي إذا زفلتوا ـ أعزكم الله ـ الشوارع من جديد يتركون مربع محاذي لهذه الغرفة أكبر من الغطاء
طبعاً كنت مسرع نوعاً ما ولم أنتبه له فوقعت فيه فانفجر إطار سيارتي لكن الحمدلله على كل حال وبعد أن غيرت الكفر بدأت أسمع أصوات طقطقة من الأمام مع المطبات الخفيفة
تحياتي
اول خطوة تسويها هي التربيط دائما سوي التربيط لما تواجهك نفس المشكلة
ثاني خطوة تسويها انك تعرف ان المطبات القوية ما تكسر لك على المدى القريب الا شي واحد بس وهو جلود المقصات قيمة الجلدة الواحدة هي 60 ريال وقيمة المخرطة للمقص الواحد من 100 ريال الى 200 ريال كحد اقصى
ولو تلقى واحد يخاف الله راح يسويها لك بجهاز خاص يضغط الجلدة بالتساوي وتدخل مضبوط
وعليكم السلام
عندنا وعندكم الخير ياخوي
يفتح الله على شوارعنا
نصيحتي لاتغير المقصات الا بعد ماتتأكد تماماً منها
غالبا اللي يخرب هو جلود المقصات او جلدة العكس
وبرضو شيك على كراسي المساعدات لاني سبق واكلت حفرة وراح عندي كرسي المساعد
انا سويت بحث من فترة وسويت احصائية بسيطة لمحلات قطع الغيار هوندا في الصناعية القديمة
قالوا ان الاشياء اللي تمشي بشكل قليل وتباع بشكل قليل هي المساعدات وكراسي المساعدات الخاصة بهوندا اكورد وهذه ميزة رائعة جدا جدا علشان كذا استبعدت عنك المساعدات
بس تأكد من الخطوتين اللي قلتهم لك فوق وان شاء الله سيارتك مافيها شي
يعطيكم العافية شباب
أنا أن شاء الله يوم الخميس من الساعة سبعة ونصف سأكون في الصناعية القديمية للتشيك
أخ بلال العلمي رحت لورشتين اتفقوا على المساعدات واختلفوا على المقصات واحد قال جلب مقصات والآخر قال المقصات نفسها
وللمعلومية
المساعدات الوكالة لقيتها 1100 الطقم الله يرحم الصني شاري الطقم وكالة ب 180 ريال شوف الفرق
لكن عندي سؤال
هل جلود المقصات المقصود بها الجلب؟
تحياتي
مادام انك تحس بالمطب والحفر بأي نزله ورقيه جسم الموتر يتحرك بسهاله اكيد المساعدات انعدمت وإذا كان فيه صوت فأكيد جلب المقصات توني مغير وعندي خبره في هذا الموضوع .
تحياتي،،،
اقتباس:
المشاركة الأصلية كتبت بواسطة aboali441
المقص ما يبدل الا في حالة واحدة وهي انه ينعوج او يتكسر لكن اذا اهترت الجلود تستبدل قيمة الجلدة الواحدة 60 ريال
ياشباب بما ان الموضوع انفتح وش رياكم باللي يقول ان المقصات تبع الاكورد منعوجه على طول؟
وش رايكم باللي يقول ان الاكورد من اول ماتصدم صدمه قويه في الواجهه تشتعل، او من اسرع السيارات اشتعالاً؟
عطنا من خبرتك شوي دحومي
وبعدين معلوماتك هذي كيف توصلت إليها؟
هاي قايز........:d
احب اخذ رايكم ابغى اهبط السيارة وركب يايات رياضية
اش رايكم..:confused:.....عاجل
وشكرا;)
بالنسبة لي لاأرى ذلك
تحياتي
أبوعلي أنا لي تقريباً الآن اسبوع مغير المساعدات الأمامية طبعاً كانت واضحة جداً بحيث لما تمشي على اي حفرة او تأكل مطب حتى لو كنت تمشي 40 تحس ان السيارة فيها رجه مو طبيعية + قساوه ، اهملت المساعدات بديت احس بصوت جديد علي خاصة من سرعة 120 يبدأ الصوت وهو جلب المقصات تحس الموتر بالعربي (يتخلخل) كأنك ماربطت على الجنط بقوة ، مشان كذا اقول لك لحق قبل لاتبدل مساعدات أمامية وجلب مقصات لأنه احسب حسابك انها راح تكلف القطع + شغل اليد ، وإذا تبغى نصيحتي ركب مساعدات أصلية وليست يابانية او تجارية قيمتها راح تكون ارخص من اللي عندي لأن اللي معاي v6 أغلى ، ركب اصلي مشان ترتاح لأن الاكورد ميزتها الهدوء والراحة وإذا راحت رح بعها احسن لك
يعطيك العافية دحوم على نصائحك
سلمك الله أنا رحت الخميس وغيرت المساعدات الامامية وجلب المقصات وسأفرد موضوع كامل للفائدة عن اسعار القطع وشغل اليد
تحياتي