عرض للطباعة
مساء الخير
وجمعه مباركه
بأختصار
معاي أكورد أسبشل موديل 2008 مطلعها وكالة من زمان
وبعد مرور سنيتن قررت أغير الكفرات
جاء في بالي أغير الجنوط معاها مقاس 17
ابي أعرف كم سعر جنط17 بالوكالة وهل هو أصلي ولا من دبي؟
وإذا فيه احد ركب من الوكالة ياليت يعلمني هل الجنط فيه رجه أو غيرهــ
وكيف أفرق بين الجنط الأصلي والتقليد لأني غشيم اخاف اتوهق بتقليد
وأخر شي وش أحسن أنواع الكفر اللي تكون هادية وخفيفه في المطبات
مابي تقولون ركب كفر مثل حق الوكالة لأنه قاسي وبقووووة
وآسف على الإزعاج والإطالة
مساء النور ..
بالنسبه للجنط الموجود بالوكاله فيه نوعين ..
الأول وارد من المصنع ( مصنع هوندا ) والثاني وارد من شركة الجنوط نفسها الي صنعت الجنط الأصلي وهو وراد دبي .. يعني كلها نفس الشي لكن يختلف المورد ,,
والسعر طبعا فرق السما عن الارض ..
الأصلي يجي بحدود ال 1700 على ما اظن .. ووارد دبي يجي في حدود ال 400 ريال ,,
أما الموجوده في البناشر هذي كلها تجاري ,, وماتصلح لأصحاب الخطوط الطويله ,
موضوع الكفرات بصراحه طويل وعريض وتختلف النوعيات على حسب الميزانيه ,, يعني اذا عندك سيوله كافيه خذ لك بريجستون ادرينالين ,., أما اذا ميزانيتك محدوده وتبي شي جيد ,, عندك أنواع كثيره منها اليوكوهاما والفايرستون والدنلوب وو ..
الله يعينك ويكتب لك الي فيه خير
تسلم يالغالي وشاكر لك مشاركتك
يعني اللي في الوكالة نفس بعض؟؟
معقول والسعر متفاااوت
أخاف أن اللي من دبي يرج؟
خصوصاً وانا جنطي 16 وكالة لايرج ولاشي ومن احلى مايكون ومابي ابدل بشي يعور لي راسي
اليوم رحت للوكالة وقال
جنط 17 نوعين
الأول غالي ونسيت كم قالي
والثاني كل الأربع بــ1600
ويقول اكثر شي يمشي عندنا الثاني
أما الأول الغالي يقول أكثر من يطلبه شركات التأمين
ولازلت محتار اخاف أشتري النوع الثاني ويطلع فيه رجه أو غيره
الغريب جنوط السبشل مقاس 16 الواحد
بــ 2000 ريال