دخلت السياره تلميع وبعد ما استلمتها حصلت المكيف معلق والمسجل فيه لحسه .. :) وش الراي

مساكم الله بالخير يالربع


انا من من عرفت نادي محبي هوندا وانا صاير اهتم بسيارتي وادللها ;)


رحت امس ودخلت السياره محل تلميع ولأول مره في حياتي وطلبت منه يلمعها من برا ومن جوا ويلمع الكبوت والصراحه السياره طلعت جديده لكن الغريب ان المكيف والمسجل جاهم لحسه واذا اشتغل تحتار معه معد تعرف وش يشغله وش يطفيه ونفس الشي الراديو والمسجل مره تشتغل ومره لا :confused:

انا والله محتار ماودي اضلم المسكين واكلفه شي ممكن حله بسيط


السياره اكورد 2004 فل كامل اربع سلندر


انا فصلت الاصبع حق البطاريه قلت يمكن تأثرت من المويه والرطوبه :(


سؤال موجه للي عنده خبره وش المشكله وهل هي بسيطه وممكن تنحل بدون تكلفه

حياك الله اخوي مساك نور وسرور

يعجبني فيك اسلوبك وطريقة تفكيرك

ربي يحفظك ويوفقك

اخوي عالاغلب السبب في المشكلة
دخول رطوبة وماء لسويتش المكيف والراديوا
والاجزاء الداخلية بسبب التلميع والغسيل الداخلي
وهذا امر شبه طبيعي بسبب التلميع

حاول انك ما تشغلهم وتوقف بالشمس عالاقل يوم كامل مع تنسيم الدرايش حاجة بسيطة

ومر عالمحل اللي لمعت فيه او اي محل بنشر انفخ هوا جهة المشكلة

وان شالله الامور بتزيين معاك

عادة الغسيل الداخلي يحتاج اربع ايام وقوف بالشمس
حتى تنشف السيارة بشكل كامل
بس اغلب المراكز تسلم السيارة للعميل بظرف يومين
وبفترة يومين ممكن تنشف الاسيات والارضية
بس الاجزاء الداخلية والصغيرة تحتاج وقت اكثر

لا تشيل هم جرب اللي قلتلك على و ان شالله الامور خير

وان لاسمح الله ما اشتغلت معك بعد هالعملية راجع المحل وان شالله حقك مايضيع

تحياتي لك

راجعهم من بدري افضل
واذا قلك نفس كلام ابو جواد .. لاتشيل هم ان شاء الله بسيطة
وتحياتوو

نفس المشكلة والحل جدا بصيط

روح البنشري اللله لا يهينك .. اللي حقي الهواء واديها حبيتن هواء علا الاماكن اللي ما تشتغل .. وان شاء الله تضبط معاك

خلها بالشمس وانسى سالفه الهواء على المسجل لاتجيب العيد فيه اكثر

لان المسجل داخل فيه بلاوي صغيره مع الهواء ممكن تحوسها

اهلن بالشباب الحلوين والمتعاونين لبا قلوبكم كلكم


ابشركم المشكله انحلت ولله الحمد وكل شي رجع لطبيعتة كل مافي الموضوع ان خليت السياره فالشمس وفصلت اصبع البطاريه يوم كامل وبعدها رجعت طبيعيه ولله الحمد والمنه فعلن مثل ما قالو الشباب المفروض نصبر عليها شوي موب نطلعها فنفس اليوم هههههههههههههههه بس وش نسوي مافيه صبر


ابو جواد اسعدني مرورك ومشكور ياعمي طمنتني وافدتني بردك طال عمرك منور


المايسترو & معز & المسافر منورين حبايب قلبي