استفسار عن البلوتوث في 2007
صباح الخير حبايبي
اولا اتمنى قبولي كعضو جديد بينكم ومستخدم لهوندا اكورد 2007 فل كامل
طبعا استفساري حول البلوتوث اللي جاي معاها بحكم انها خليجية . زر البلوتوث طبعا يكون بجانب الزر على ما اعتقد خاص برساوة السيارة وبجانبه زر فتحة السقف وبجانبه التحكم في الإضاءة الأمامية
كيف عمله ؟؟ زطريقة اقترانه بالجوال حيث انه في حالة الضغط المستمر على الزرار يصدر صوت من خلال السماعات نغمة قصيرة وفي حالة الاستمرار يصدر نغمتين ورى بعض وفي حالة الاستمرار كذلك يصدر ثلاث نغمات وفي حالة انهاء الضغط تطفي شاشة المسجل لثواني ويصدر صوت بالسماعات كصوت خط الهاتف ومن ثم يفصل وتعود تشتغل الشاشة مرة اخرى وعند البحث بالجوال تظهر سماعة بلوتوث ولكن عند محاولة الاقتران يطلب كود وللاسف انا ما املك هذا الكود فكيف تتم عملية التشغيل والاقتران ..
ثانيا في الجهة من الأعلى يوجد كمايبدور لي اسبيكر او مايك ولكن ما ادري ما فائدته كذلك وكيف عمله ؟
ثالثا : الزرار اللي يكون بجانب زرار فتحة السقف وش فايدته لانه يظهر في الطبلون مثلث بداخله علامة استفهام ويقولو للرساوة او الانزلاق ما ادري.. بس ما ادري ما مدى فاعليته ومتى استخدمه ؟
رابعا كشافات الضباب التي بالصدام الأمامي ليس لها فاصل وضع مكانه زرار الرساوة اللي قلت عليه فهل يوجد فاصل والا كيف ؟
اخيرا اريد الحصول على كتالوجات السيارة كاملة من وين اجيبها ؟ وكم تكلف ؟
وابغى اعرف وش يجي بالعادة في الاكورد 2007 داخل الشنطة هل يوجد حقيبة اسعافات أو اي اكسسوارات لمن عندهم معرفة حول هذا الأمر ممن اشترو السيارة من الشركة .
ولكم خالص الدعاء بالتوفيق
