نصيحة حافظو على مسامير الكفر وخاصة الامامي في موديلات 2008 و طالع
السلام عليكم .
ياشباب امس جيت افك الكفر تعرفون انا توني شاري السيارة مستعملة وراعيها الاول كان يشد الكفر بالمطور الكهربائي عاد انتم عارفين اليمنيين ما عندهم الا شغل بربسة يعني حط الصاموله في المطور وعلى طول شغل وشد المسمار .
المهم انفك معي ثلاث والرابعة والخامسة حصلتهم بايزة <<< قلب صعيدي :d
المهم ياخوان اضظريت اني اكسرهم لان الكفر مبنشر وصلحت الكفر على ثلاث مسامير ومشيت حالي فيها باقي اليوم . واليوم رحت اركب مسامير رحت للوشة قلت كم تركب المسامير قال كل مسمار بـ 4 ريال المهم من هنا ومن هنا وافق يركبهم كل مسمار 2 ريال . قلت تم فكها ياسنايدي <<< المهندس هندي كيرلا اللي يجون اشناب :d
الهندي مبسوط يحسبها على كيفة مثلها مثل اي سيارة ويوم فك الكفر وجاء يضرب المسمار على شان يطلع من الداخل حصل خلفة صاجة على كافة المسامير قال صديق هذا سيارة اول مرة شوف لازم ودي مخرطة قلت يالللليل البعارين :mad:
وانا ااناظر لهو صادق المسمار وراه صاجة من نفس الهوب على كل المسامير قلت يالله مشينا للمخرطة ويوم جينا المخرطة قال لازم نفك الرمان حق الفلنجة ويمكن يطلع فيه صوت بعدين يعني لافك لازم من اشد الاحتمالات يصير فيه صوت يعني لازم جديد .
واروح للموزع في الصناعية قلت كم رمان الفلنجة امامي قال 285 ريال وكاله قلت اطرح لنا وعيا وحاولت فيه وعيا واسعر المحل اللي جنبة واحصلة بـ 310 وارجع لخوي اللي قبل شوي قلت هاته بس واشتري معة 5 مسامير لان الاولة مو مضبوطة وقلت لا تخرب علي بعد ثم احوس من جديد خلني اطقم الخمس مسامير وافتك من المخرطة من جديد المهم واخذ 5 مسامير كل مسمار مع الصامولة بـ 29 ريال وكاله . تعالو نحسب كم كلفني كله :
عدد المسامير 5 في 29 للواحد = 145 + سعر الرمان 285 = 430
والمخرطة 60 ريال وشغل المهندس 50 ريال = 110
110 + 430 = 540 ريال <<<<< شوفوا كيف المسمار جنى علينا بالقيمة لا بارك الله فيه ولا في الموديلات الجديدة . ولا في اليمنيين وشغلهم لشد الكفر ما عندهم الا حفش :mad:
ياليت تنتبهون اذا بغيتوا تغيرون كفركم خاصة اللي معة هوندا اكورد من موديل 2008 وطالع لان طريقة مساميرها الامامية ما تقدر تفك المسمار لو انكسر معك الا بالمخرطة ولا فكيته لابد تغير الرمان لان الرمان لا فك خلاص لازم جيد لا يطلع لك بسالفة ثانية ,
نصيحة لكم ياخوان لاني احوبكم . :o
حتى كنت اول ابي ناوي اروح اغير زيت الدركسون الى باور على نصيحة واحد من الاخوان هنا ما فضيت والله راح وقتي اطرد ورى هالمسمار ومشاكلة لا بارك الله فيه :p
