عرض للطباعة
السلام عليكم
اخواني عندي نفضه بالسياره اذا مشيت تقريبا 180 وفوق..كانت تجي وتروح مو كل مره وكنت اظن انها من الكفرات..
اليوم ولله الحمد غيرت الكفرات واشتريت الكفرات الي مدحوها بعض الشباب الي هي الميشلان الصامت(بريمس)
ولكن يوم طلعت من الوكاله مسكت فيها خط وكأني حسيت بالنفضه شوي مع اني سويت لها وزن اذرعه عند نفس وكيل الميشلان..
السؤال:
من ايش تتوقعون هالنفضه؟؟؟او الرجه؟؟
تكفون لايجاوب الا واحد فاهم او مرت عليه هالحاله..
ومشكورين مقدما..
هل الجنوط تجاري ؟؟
هااااي قايز......:)
انا كمان عندي نفس الحالة بس بعد 130:confused:
غيرت كفرات بريلي وترصيص ارضي بس نفس الهرجة.....:(
اعتقد من الهوبات الامامية والله اعلم....
كمان عندي تفتفة من 40 الى 70 تقريبا غيرت بواجي وفلتر ما صار شئ....
بالتوفيق للجميع......:)
اقتباس:
المشاركة الأصلية كتبت بواسطة سياحي
لا والله اخوي الجنوط شد بلد الحديد مقاس 16
اشكرك على التفاعل
اقتباس:
المشاركة الأصلية كتبت بواسطة abu al3noood
الله يوفق الجميع يارب..صدقت يمكن من الهوبات الاماميه ليش لا هي الي مسويه لي ازمه بحياتي هالهوبات والقماشات..وبالنسبه للتفتفه والله ودي افيد ك بس ماعندي علم بس ان شاء الله الاخوان مايقصرون..
الف شكر على التفاعل..
وعليكم السلام ورحمة الله وبركاته
الف مبروك التواير الجديدة والله يعطيك خيرهم ويكفيك شرهم يارب
بخصوص مشكلتك فمن عندي راح أقول لك الله يعينك بس :d
مشكلة مسوية لي أرق يوميآ لمدة 3 شهور
طبعآ حل مشكلتك هو ( ترصيص X ترصيص X ترصيص )
بقولك قصتي وقصة حياتي ومعاناتي بشكل مختصر الى يومك مع الترصيص
ركبت تواير تورنزا ورصصت
1- رجه : الحل - ترصيص مرة ثانية
2- رجه مازالت : الحل - ترصيص وكل مرة اروح لمركز بريجستون يطلع في اختلاف بالترصيص ووجود رجة
3- ( قبل تركيب التواير تورنزا سويت ترصيص للميشلان اللي جات على السيارة عند مركز بريللي وصحيح غالي فوق الـ 100 ريال ولكن كان ترصيص يحبه قلبك وراحت الرجة ) المهم
4- مازلنا على الرجه مع كفرات بريجستون والمرة الثالثة صار في تحسن بعد ترصيصهم
5- طار الترصيص من الجنط ومادري وين راح وكل اسبوعين يطير ترصيص من جنط
6- مداخلة : ودي اصور لك الترصيص كيف صاير بالجنط علشان تضحك
7- سويت تدوير للكفرات وترصيص عند القحطاني ماريتايم ومانفع السيارة ترج بشكل أكبر من قبل
8- رجعت لهم وسويت ترصيص مرة ثانية وللأسف تحسفت لو رايح لمركز بريللي يمكن ارتحت
9- رحت سويت ترصيص عند يماني سويت عنده قبل وضبطها وهذا قبل لكن هالمره للأسف مازالت الرجة وقبل كم يوم طار الترصيص من الجنط الخلفي اليمين والباقي تضحك لو تشوفهم
10 - الحل الظاهر مالي غير مركز بريللي
طبعآ الرجة تطلع بعض المرات عند السرعات التالية في كل مرة يختلف الترصيص
65 / 119 / 124 / 95 وهكذا
اقتباس:
المشاركة الأصلية كتبت بواسطة المباشر
جنوطك اعتقد اصلية
اذا انه يطير تاكد من ترصيص الجنط نفسه اذا كان متاثر من ضربة او فيه اعوجاج
كونك تمشي بسرعات معقولة والترصيص يطير هذه مشكلة الجنط في العادة قد تكون مشكلة في الاطار لكن نادر
اقتباس:
المشاركة الأصلية كتبت بواسطة بلال العلمي
الجنوط مافيها الا العافية ولكن للأسف الرصاص للترصيص تغير وصار حجمة كبير ومشوهه ومايركب بالجنط مضبوط بسبب الحديد اللي يمسك بالجنط ولاحظتها بكذا محل منتشره بكثرة وشكلها من النوع الرخيص وان شاء الله بحاول اصور الترصيص علشان نضحك شوي :d عليه قبل مايطير مثل اخوانه السابقين
اقتباس:
المشاركة الأصلية كتبت بواسطة المباشر
اذا عندكم فرع لمحلات العضيب عندهم ترصيص داخلي وفيه هنا في الرياض محلات العضيب يسوون ترصيص داخلي ما ادري الصراحة كيف بس جرب الطريقة هذه
ياصاحب الموضوع شيك على اصابع البطارية ونظفها وشدها مضبوط
يمكن مرتخيه ويصير ضعف في الكهرب على سرعات عاليه وانت تحس بنفضه
المباشر : نفس السالفه صارت لي
رحت رصصت للمره الثالثه عند محل ممتاز وقديم ولكن لازال فيه شويه نفضه بسيطه عند نفس السرعات عندك
رفعت هواء الكفرات الى 35 وتقريبا راحت النفضه
تأكد من كراسي المكينة يا أخي الكريم
أنا كان عندي تفتفه وتعبتني ولاكن هذا الحل بإذن الله :
1 / تروح الشركه وتسوي برمجه للسياره .
2 / أول ماتستلم السياره تروح على الخط السريع وتتوكل على الله وتشد بس لاتمشي أكثر من 190 أو 180
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ
ملاحضه [ أول ماتسوي برمجه إحتمال كبير تكون التفتفه باقي موجوده ولاكن , لازم بعد ماتسوي البرمجه تشد بالسياره ويومين إن شاء الله والسياره تمام التمام ]
أنا سويت نفس الشئ ألي قلتلك عليه والأن الحمدلله مافي أي تفتفه .