قدر الله وجتني دقشه في السياره

بسم الله الرحمن الرحيم


السلام عليكم ورحمة الله وبركاته



قدر الله وجاني حادث البارح في الليل في الخبر ( الراكه ) عند مجمع أوتو موتو



جاني مصري من اليسار وخش يمين ودقني في الصدام والشمعه اليسار



حسبي الله ونعم الوكيل عليه



المهم ياشباب وش رايكم ادخلها على التأمين للوكاله عشان يسوونها لي


وهل إذا دخلتها الوكاله عشان يصلحوها أقدر آخذ القطع عندي عشان أخليها سبير لا قدر الله


وهل إذا طالبت التأمين عشان يعطوني حق الشغل اللي سويته في السياره زي حماية الوجهيه


هل يعطوني المبلغ والا لا ؟؟؟



هذي بعض الصور اللي صورتها للحادث



الصوره الأولى

http://www.almrfa.com/vb/uploaded/43_01263184714.jpg



الصورة الثانية

http://www.almrfa.com/vb/uploaded/43_11263184714.jpg



الصورة الثالثة

http://www.almrfa.com/vb/uploaded/43_21263184714.jpg





والله يكفينا وإياكم شر الحوادث يارب

لا حول ولا قوة الا بالله

الحمدلله ع سلامتك وماتشوف شر ان شاء الله

بسيطه بسيطه اهم شئ انك سالم

والحكه بصيطه ان شاء الله تروح

روح للتامين ومعك فاتوره الحماية في بعض التامين يتحملها وفيه بعضه لا اما بالنسبه لشركة الحماية يسون لك تخفيض 30%

ع ما تذكر واذا صلحتها بالوكاله كلم اللي بيستلم السياره وقوله ابي القطع اللي غيرتوها يعطيك اياها احسن من ماتنرمي وتستفيد منها انت


انا يوم الخميس صدمت بصبه بس كنت نايم :d

بس الحمدلله اللي تاثر بس الكفر انفقع ربي رحمني ولا كنت في تعداد الموتى :(

الحمد لله على سلامتك , واشكرك على وضع الصور

هذه بسيطة وكلها تلميع وتروح

انا لاحظت ان الشمعة تحركت بسبب الصدمه

مو مشكلة بعد ماتخلص اوراقك بالتأمين ويعطونك مبلغ التصليح

روح اقرب ورشة سمكره وخليه يصح الشمعة ويوزنها وبعدين توديها اقرب محل تلميع وانتهت المشكلة .. ^_^

شغل الوكالة صحيح انه كويس لكن راح ياكلك فلوس وهذه شغله ماتستاهل انك توديها الوكالة . لك حرية الأختيار !

الحمدالله على السلامه

وان شالله بسيطه ود السيارة لمحل تلميع يسوي لك الحكه ببولش

والنور اتوقع بيغاله وزنيه من جديد

وماتشوف شر ان شالله

وعليكم السلام

الحمد لله على السلامه وبسيطه ان شاء الله

جرب البولش الخشن وبعد ماتروح حط الناعم

:)

اولا الحمدالله على سلاامتك
يسويها اول شي شييك على قواعد الأصطاب من داخل مكسوره ولا لأ
ونفس الشي الصداام
واذا كل شي سليم
روح التأمين يعوضوونك
وحط فلوس التأمين في جيبك واخذ منهم للعازل الحامي الي حاطه

بسيطه يارجال

التلميع اتوقع يكفي

الحمدلله على السلامه وماتشوف شر



أخوي جربت التلميع !!

رح لأقرب محل زينه بخمسه ريال يلمعها لك وشوووف إيش يطلع معاك :confused:

الحمدلله ع السلامة
بس ماعتقد الشغله تلميع وخلاص لو دققتو في الصور كان شفتو الرفرف
تأثرت وزنيته
فؤاد اذا في تأمين حلل ابوه :d

حمدالله على سلامتك اخوي

و الحمدالله بسيطه

و سوي مثل ما قلك اخوي king

الحمدالله ع السلامة ..

تلميع الصدام
ولاترشه هذا أهم شي
وغير الشمعة إذا كان يحتاج وسولها وزنيه
ماتشوف شر

بالنسبة للتأمين فهم يدورون اقل سبب عشان يلغونه مثل ما صار معي مع ان التأمين شاااااامل
فاذا رحت لهم تأكد ان اوراقك كاملة تقرير المرور + تقدير قيمة الاصلاح من شيخ الورش + ......

الحمدلله ., ع سلامتك .,
وجرب التلميع ., أولا.,

ورح شف التأمين وش يقولك ., واذا عطوك فلوس .,

أذبح ذبيحتين .,عشانك سالم ., :aa_bye:
هع

سلامتك يابو زهرة
في الحديد ومعوض بخير

بسييييطه مرره لا تنكد على رووحك

انا صار لي مثلك بس اللي خش >جمس :p

اخوي الصدام امسحه بــ قطنه فيها شوية تنر

وان شاء الله ترجع مثل اول حتى يمكن ما تصدق انها صار فيها شئ

ويلا بالتوفيق .

شكرا لكم جميعا



والله يا اخوان انا وديتها للتأمين قالوا لي ضروري توديها للوكاله ولا تقدر تستلم المبلغ في يدك



ضروري تستلم المبلغ وتوديها على الحساب دايركت حق الوكاله



عشان البنك اللي شاري منه السياره مأمنين شامل على السياره



وضروري نرسل لهم تقرير بعد الحادث



الحمد لله على كل حال




الله يعينني الحين أستأجرت سياره لمدة أسبوع اليوم بـ 110 ريال :eek:



وش أسوي انا مسافر الرياض وابغى سياره زينه في الطريق


الحمد لله



لا وأزيدكم من الشعر بيت التأمين يقول ضروري تدفع 750 ريال مدري ليش :eek:




يالله الله يعوضنا خير يارب