عرض للطباعة
السلام عليكم ورحمة الله وبركاته
ارحب بالاعضاء كلا باسمه
استفسري هو عن زينون الاكورد اللي يجي عالستة سلندر
ابي اركبه هل الوكالة تركبه لي
علما بان سيارتي ازيرا 2009
وعدسات هل يركب ويطلع مضبوط
وكم سعره مع التركيب؟؟
اتمنى منكم يااخوان تجاوبوني
يعطيكم الف عافية يااخوان:)
٤٣٠٠ كلفن وصيني بعد وراح تذكرني بالخير .. وياليت تستعمل خاصية البحث يالغالي قبل كتابة اي موضوع ، لأن ن فيه مواضيع كثيره عن الزينون ،
غريبه أنا أخبر الأزيرا فيها زينون؟
بعدين انت عندك فكره كم سعر زينون الوكاله؟ مابين 6500 إلى 8000 حسب الموزع وحسب المنطقه اللي انت فيها
وثانين مستحيل يركبونه لك لأنه مايشتغلون إلا على هوندا
بعدين الاكورد شمعاتها عاديه مو عدسات بس الكوبيه يمكن
يقولون وكاله هونداي تبيع الزينون حق الازيرا بـ 1200 ريال
الله يجزاك خير واشكرك على ردك ياغالي بالنسبة لخاصية البحث مافكرت اجربها لاني حبيت تعرفون نوع السيارة والسعر تبع الوكالة يعني استفسار لكن مرة ثانية ابشر برضاك نبحث بالنسبة للشمعات الصينية ماتنفع قبل فترة ركبت زينون وغيرت 700 شمعة وماضبط الموضوع معاي وسيء جدا كان فالخطوط ظلام ودك تنزل تفك النور وتحذفه :mad: واشكرك ياغالي على ردك:)اقتباس:
المشاركة الأصلية كتبت بواسطة الهنادي راس مــالــي
حبيب قلبي تسلم والله عالمعلومات لكن احب ابينلك شغلة الازيرا اكثرة من فئة ومو كلها تجي زينون مثل اللي عندي استاندر مافيها زينون بعدين الزينون اللي يجي مع الازيرا 4800 كلفن جربته بسيارة واحد اعرفه ازيرا بعد وماعجبني بالنسبة للاسعار بالحيل مرتفعة وبالنسبة للشغل اعتقد انهم ممكن يشتغلون على اي سيارة لان قبل فترة كان في اكوردات وكوامري تجي تركب زينون عند وكالة هيونداي والله اعلماقتباس:
المشاركة الأصلية كتبت بواسطة saudiboy
حياك اخوي قلب الأسد
انا برضوه سمعت زي ماقال اخوي saudiboy
ان سعر زينون الهوندا في الوكالة في حدود الـ 8000
وانا اشوف انه غالي بصراحه
ولو تمر على التشاليح وتشوف لك زينون لكزس افضل ويمكن اقل سعر
للمعلومية سعر زينون الاكورد بالوكالة الي يجي با الستة سلندر بـ 9000 ريال!! سائل مره عنه ومتاكد
ووكالة هوندا ماتشتغل الا على سيارته هوندا فقط
شف التشليح بتحصل زينون بمختلف السيارات ولا ركب لكـ زينون الازيرا فل كامل سعره معقول مقارنه بغيره حسب ماسمعت
وبا التوفيق
صح طيب ليه ماتركب زينون الأزيرا العادي ؟
أخوي أنا متاكد أنهم ما يشتغلوان إلا على الهوندا
طيب ليش ما تاخذ من تايوتا لأن سيارات تويوتا الجديده عدسات
ابشركم ركبت محولات تجارية درجة اولى شبيها بالاصلي مع شمعات لكزس 4300 كلفن قيمة الشمعات 700 ريال
والمحول ب 500 ريال وشغل نظيف جدا بدون تجريح اسلاك ومضبوط عالاخر وقفت جمب لكزس مافي اي فرق بين الزينون حقي والزينون حقه وياشباب للامانة شغل المحل مضبوط اسمه دايموند في الاحساء بمنطقة الهفوف والمحل مشهور جدا ان ماي اي علاقة بالمحل ولاني مستفيد شيء لكن حبيت افيدكم بتجربتي واشكركم على اخلاقكم العالية وتفاعلكم مع الموضوع:cool:
اقتباس:
المشاركة الأصلية كتبت بواسطة قلب الاسد
بالعافيه عليك اخوي قلب الأسد :cool: ،، الله يهنيك فيه ويكفيك شره يارب ،