لا تستحى ارسل فالحق لكم‎

http://img198.imageshack.us/img198/3...y4kmvtipx1.gif

( منقول من بريد اميلي)

بسم الله والحمد لله والصلاة والسلام على رسول الله

حاولنا ايجاد حلول وايصال صوتنا للملك و المسئولين

لكن الحال لم يتغير
والبطاله تزيد سنويا خريجين ثانويه وكليات وجامعات

ومكانهم البيت طبعا

وإذا توظفنا برواتب قليله لا تكفي للزواج وفتح بيت وعيش كريم للأسف


الأن يجب علينا جميعا المطالبه بحقوقنا


طبع اكبر عدد ممكن من الصور ونشرها على السيارات والمجمعات وكل مكان

ومن لا يستطيع ينشرها بالمنتديات و القروبات و الايميلات


يوميا ينشر اقل شي 10 مواضيع على الأقل


انا بإذن الله ومجموعة من الشباب راح نطبع وننشرها على جميع السيارات والمجمعات يبداء النشر من اليوم السبت ولمدة أسبوع

ومن ينشر يصوره المنشورات وهي على السيارات فيديو وصور


نريد أكثر عدد من الصور


اتمنى من الجميع المشاركه


انا بإذن الله راح أطبع أكثر من ألفين صوره بإذن الله تعالى ونشرها

نحن لسنا متطرفين او إرهابيين

نحن نطالب بحقوقنا

نطالب بعيش كريم







http://dc07.arabsh.com/i/00909/wlfs37z7brn4.jpg


http://dc07.arabsh.com/i/00909/tler7v8wcupg.jpg




http://dc07.arabsh.com/i/00909/b83wqwjo5ggs.jpg




http://dc06.arabsh.com/i/00909/wf3m2mjdx2ve.jpg


http://dc06.arabsh.com/i/00909/h6ov77x19zu5.jpg








http://dc06.arabsh.com/i/00909/dz8x5js0oyu6.jpg
http://www.ksaforsaudi.com/showthread.php?t=5460





نبيها تنتشر بكل مكان ...قهر الصراحهـ ..شي محزن نشوفه بهذا البلد بلد النفط بلد الحرمين ...عندنا ثروهـ ماحد عندهـ في العالم الصراحهـ ..خلوها على الله بس..،

من المسؤول حسبي الله عليهم

دولة غنية بالبترول والحمدلله ربي منعم علينا بنعمه وغانينه عن خلقه

بس من نقول ومن يسمع شهاده جامعية معلقة لا لها اي معنى مجرد اسم انك جامعي

ويقولون ويين عيالنا مانشوفهم !!

كله من سببكم ونتم والشروط اللي حاطينها

وان شاء الله ربي بيفرجها ونا قريب بركب الاصورة قريبا جدا ان شاء الله

^^^^

والله من جد قهر

انا اعرف ناس الى الان ماتوظفوا في التدريس لهم اكثر من 6 سنوات وهو يدرس بمدارس أهليه براتب 1800 ريال

وتشكر ع الموضوع الرااااااااائع

تقبل مروري,,^_^

فعلا شي يقهر نبي نتزوج ونبي ونبي لكن وش السواه
والواحد مايطرد الا ورا مصلحته
ولا وين الوزراء وروؤساء الشركات ماينظرون لحال ابنائهم
وزير العمل والله مافي راسه الا الكلام

مشكور مطنشهم وان شاءالله راح ننشر
قد مانقدر .. عساه يثمر بس

الله يعين بس

لو تلاحظون
في الماضي كانت موجوده
ثلاث طبقات من الناس
الاغنياء
المتوسطه
الفقيره
والحين الغينه بدت تتحلو الى الطبقه الاغنى
المتوسطه بدت تتحول الى الطبقه الفقيره
والفقيره بدت تتحول الى الطبقه الاشد فقرا
المشكله اصحاب الشركات والمؤسسات الكبيره
تفكيرهم واحد
((كيف تصبح غنيا))
والطريقه سهل جدا جدا
بدل ما اشغل السعودي ب5000 ريال(مع انو بهالزمن ما تكفي بس نرضى بالمعقول)
اشغل 6 بنغاليه وباقل من 5000 ريال
الحاجه الثانيه
هم عارفين ان انت يا السعودي
محتاج وظيفه عشان تعيش
وراح ترضى بالقليل
يعني اقدر اقولكم المشكله هي:
بسبب طمعهم بالمال يقدرو يصيرون اغنى
وبسبب سكوتنا ورضنا بالقليل
صارو اغنى واغنى
.
.
.
والي يقهرني
اذا الواحد متوظف لاقيه راتبه 2800 اساسي
500 بدل نقل (مع ان الوظيفه في اخر الدنيا)
700 بدل سكن
التأمينات تاخذ 300
المجموع 3700

ويجيك موظف قديم راتبه 25000
ويقولك حنا بدينا براتب اقل منكم احمدو ربكم
شنو تسوي فيه
يعني هو مو حاس بالدنيا وكيف صاير العيش فيها صار
جدا جدا صعب

يأإخي واللهـأخنقتني العبرهــ والقهرررر يومـ شفت الموضوعــ

الحين الواحد يخأفـــ يتخرج ولا يلقأإء وضيفهــــ صأإر (( رهأب عند الشباب وقل عطاهم لآدرأسهـ ))

ليتها جت على كذا القهرررر الاكبر تلقاء سوري ومصري وسوداني

على مكتب والمكيف على البارد وراتب لا يقل عن 10 الافـ وبدلاتــ بالالافـــ

وولد البلد يدور وضيفه ولا يلقاء ويطيح في التفحيط والمخدرات وغيررررررهـ << ما ألومهمــ

الواحد حاط في بالهـ أمال بيتزوجـ وبيستاجر

وأخرهـ مأإ فيهـ وضيفهـ هذأإ الغبنه جـد

انا أذا شفت الحملهــ بشوأرعـ وكثرت عهد علي لا أعلق على موتري << عشأإن ما أنكب الحالي :d

مشكور مطمشهم

للاسف اغنى بلد بالنفط والبترول وأغنى بلد بالتخلف يا شيخ والله اني خايف اتخرج من الجامعة وأجلس جنب امي :mad: الله يعين بس والله حاله ترفع الضغط لاكن ما نقول الا الله يكون بعوننا وحسبي الله على من كان السبب :( والله لو يدري ابو متعب انه ما يخلينا الله يحفظه لاكن وين اللي يوصله

بها الزمن

شهاده الماجستير يالله تتوظف

والبكالوريس لكثير من التخصصات حالها حال الثانوي

ماعدا تخصصات تنعد على اليد هي الي ماشي امورها

ومن ناحيه المدرسين

حالتهم حاله

والتعيين يحلمون فيه ههههههههههههه

خويي له 6 سنين مدرس بمدرسه اهليه والى الحين ماترسم وراتبه 2500 ريال

قسم بالله هذا راتب مايعيش كلب وانتم بكرامه

ايجار شقه - مصاريف - ووو مايجي اخر الشهر الا هو طفران

حسبي الله ونعم الوكيل

دنــــيـــا يا صــــاحـــبـــي ,,,

اقرب الامثلة
مطلوب في ادارتنا الهندسية
مهندسين بجميع التخصصات
مساعدين مهندسين بجميع التخصصات
رسام معماري
المطلوب في كل تخصص3 موظفين بسبب النقص الوظيفي
والمتقدميين تجاوزوا 14 ألف متقدم
واجمالي الوظائف المطلوبه 24 وظيفة
وكلهم تعينو بالواااااااااااااسطة
الله المستعان
الله معاكم