بخصوص دخان الاقزوز

مرحبا شباب

عندي اكورد 2001 6سلندر

المشكله عندي

في القزوز

يعني رائحة العادم جداً غريبه

قويه ولما تجرب من السياره
تحرق العين من الانبعاثات الطالعه


ف ابي اعرف سبب هذي الرائحه الغريبه والقويه؟؟

احس ان فية مشكلة بالمكينة // كيف عزم المكينة معكـ ؟ هل صارت لك مشاكل في المكينة قبل ؟

والله هل المضوع من زمان يعني

فمادري
العزم تقريباً زي ماهو ولو انه مو عاجبني
وبس
والمكينه الحمدلله ماصار لي مشكله داخليه للمكينه

ياليت تشرح لنا اكثر

بس على اللي فهمته منك يا بداية شمبر او جلد بلوف

واتمنى تشرح بالتفصيل عشان افيدك احسن لان هذا اللي فهمته من كلامك

يعني السياره شغاله
هناك انبعاثات من الهادم
شي طبيعي

لكن انا عندي رائحه غير عن الطبيعي
يعني تحس انه شي سام ولما تكون قريب يصيدك حرقان في العين

قد صارت لي مشكلة //
كان في تنسيم بالرديتر وخلصت موية الرديتة ( التنسيم خفيف والموية خلصت بعد فترة طويلة ) المهم ان الحرارة ارتفعت ولا دريت انها ارتفعت الا بعد فترة <<< يعني ماشي ولا ادري الا لما ناظرت الامبير وطلعت الحرارة مرتفعة .. تم التصرف مع الوضع وعبيت موية وبالقوة اشتغلت السيارة .. وانا رايح للورشة افحصها // قلت لة السيارة بالقوة تشتغل ، وفية دخان ابيض خفيف من الشكمان ، وريحة غريبة، وعلمتة سالفة الحرارة واني مشيت عليها واجد والحرارة مرتفعة : قال // عندك راس المكينة ضرب !! طلعت من عندة وانا اضحك وش اللي راس مكينة ضرب !!

طلعت من عندة ابي مشوار بسيط ،، ما امداني اكمل ولا ١٠ كيلو الا الحرارة ترتفع مرة ثانية ( التنسيم من غطا الرديتر وقيمتة بحدود ٣٥ ريال ) وقفت السيارة ، رح شريتة من الوكالة ورجعت ركبتة ورجعت الورشة قبل ما اوصل الورشة بكيلو بالضبط .. الدخان الابيض من الشكمان كثثثثيييير كأنها سيارة رش مبيدات :d، العزم مافية عزم ، احلى شي في الموضوع .. مكينة السيارة توفيت تماماً عند الورشة بالضبط ..

وتحولت الـ ٣٥ ريال قيمة الغطا اللي كان فية التهريب الى ٣٥٠٠ ريال قيمة مكينة من التشليح ، والسيارة ولله الحمد للحين تمام وصرت كل ما اصير فاضي افتح الكبوت وشوف وش الجديد فية :)

المفيد // الدخان الابيض والريحة اللي تقول .. دليلين على ان مشكلتك مقاربة لمشكلتي لكن الفحص هو اللي يحكم .

مالك الا تروح ورشه وتشوف الوضع !
لآنه حسب ما قريت وفهمت معقده المشكله ويبيلها فني :(

الا اذا الاعضاء عندهم راي ثاني

انا المشكله بالريحه

وفي الشتا يبين الدخان

^^
في الشتا في الجو البآآآآآآآآرد عاااادي كل السيارات تطلع دخان ابيض <<< شي طبيعي دخان مدري بخار حاااار والجو بارد .. ( حتى انت بنفسك في الجو البآآآآآرد يطلع من فمك بخار لما تتنفس ، وفي الجو العادي والصيف ما تشوف هالبخار )

المحول الحفاز او دبة التلوث لا تعمل بكفاءه catalytic converter وهذا شي طبيعي مع الوقت.

وظيفته تحويل المركبات الضاره بالبيئه الناتجه من عملية الاحتراق مثل اكسيد النيتروجين والامونيا

الى غاز ثاني اكسيد الكربون ومع الوقت تقل كفاءته .



ملاحظة: اذا سيارتك تحتاج وزن بلوف او تغيير بواجي او اي صيانة بتكون الريحه قويه جدا يعني

اذا ودك تقلل الريحه لازم تحافظ على المحرك عند افضل عزم..


تحياتي

^^
كلام منطقي .. ولكن ..! // قبل فترة شلت دبة التلوث وحطيت بدالها ماصورة // ولا طلعت ذا الريحة اللي يقولها // بس ازعاج والعزم طايح // في النهاية رجعت ركبتها ..

هلا اخوي B useful

اذا شلت المحول الحفاز تتغير ريحة العادم ولو بجزء بسيط ويمكن الواحد مايلاحظها بسهولة على حسب ضروف الاحتراق داخل المحرك..

اذا عملية الاحتراق داخل المحرك ماكانت بالشكل المطلوب والضروف المثاليه تلاحظ ريحة

العادم تتغير بشكل كبير وتتحول الى رائحه نفاذه واذا السياره قديمة المحول الحفاز مايساعدك كثير..

ومن العوامل الاساسية الي تساعد على ضبط عملية الاحتراق عند افضل درجة حرارة وبالتالي اقل

نسبة نواتج احتراق ضاره هي وزن البلوف ووبلف الحرارة وشرارة البواجي..


معلومة اخيره وهي ان المحول الحفاز يبدا عمله عند درجة حرارة عاليه يعني اول مانشغل السياره

وهي بارده مايبدا عمله الا بعد 3-5 دقايق تقريبا وخلال الفتره هذي نلاحظ ريحة العادم تكون واضحة

ومزعجة وتختلف قوتها على حسب جودة الاحتراق وبعد ماتسخن السياره تختفي الريحة المزعجه...
ولو استمرت الريحه يعني المحول الحفاز قلت كفاءته بشكل كبير

تحياتي

انا شاك بـ catalytic converter


بس الاخ قال ان شالها ومالاحظ ريحه قويه


المهم

انا ان شاءالله ابدل البواجي واشوف الفرق

اخوي سيارتك ان شاء الله ما فيها شي
يبيلك تصفية مكينة (( بواجي سيور و و و )) و بخاخ تجي كاملة مع التصفية
٢٠٠١ لازمك تصفية و لا تخاف تراها عبارة عن صيانة .......:)

ان شاءالله مافيها شي

وشكرا شباب على مروركم :)

ماقصرتو