عرض للطباعة
السلام عليكم ورحمة الله وبركاته
انا عارف ان موضوعي في وقت بايخ بس والله محتاج مساعدتكم خاصة اهل الرياض:o
ان شاء الله رايح غدا الصباح للغرابي بأركب خلفية البي ام :cool:
ويمكن اذا لقيت حاساسات رخيصة ب250 خذتها وممكن جناح الذيل
لذلك حاب استفسر هل لك من نصائح لي؟ ووش المحل اللي تنصحني به
وجزاكم الله خير
انا بالرياض وودي اساعدك لكن ان شاء الله الشباب ما يقصرون
ما عندي معلومات وااجد سيارتي كما صنعها المصنع ههههه
يعطيك العافية وما تقصر
بس والله خايف محد يرد لأن الناس في اختبارات
هههههههههههه
لكن اتوقع احسن محل انت اسئل اي واحد قول لهم وين المربع اللي بالغرابي اتوقع احسن المحلات هناك
اتمنى اني افدتك
وعليكم السلام ماطلبت شي يابعدهم
شف عندك الاقصى بالغرابي جيته قبل شهر اتوقع او اقل
يقول انه بينزل خلفيه البي ام الشكل الثاني اللي تجي النفس اللمبه كلها شرايح مو اللي تجي شرايح والباقي عاكس
شف اذا نزله خذه من عنده حلو المحل يجيب اشياء روعه وماتلقاها عند باقي المحلات
بس ترى ابو الشباب سعره اعلى من السوق دايم بس شغله تمام التمام
ورح للمربع اللي يجيك كله محلات اذا لقيت عندهم نفس خلفيه البي ام اللي قلتلك ركبها عندهم اذا لقيت فيه فرق بالسعر كثير لان الاقصى يصقعك بسعر يفرق كثير عن السوق بس ماعرف وش المحل الزين بالضبط انا شريت اسطباتي من محل على اليمين قبل اخر محل اتوقع تلقاه يماني عوارض سمين شوي :) << لايفووتك الوصف
واذا على الجناح والله ما اذكر بكم لقيته لانه ماعجبني ما اهتميت بسعره شكل الاكورد بدون جناح احلى وانت بكيفك
اتمنى اني افدتــك وعلمنا وش سويت :)
ابشركم رحت وركبت الخلفية بس باقي اروح اليوم عشان يركب اللمبة لأن ما امداه امس
وبأشوف الجناح كانه يضبط ولا كانه حلو مع الخلفية ركبته وسعره ب150 ريال مع الرش
اما الحساسات فصرفت النظر عنها لأن كلها صينية وتأثر على كهرباء السيارة
الله يباركلك فيها
وزين صرفت النظر عن الحساسات
اسدح لنا صوره الله لايهينك
ابو الشباب اذا الجناح مرشوش من جاهز لا تشتريه لان يتغير لونه مع الفترى اشتري الك واحد بدون لون ( اسود ) و وده رشه انت و ركبه بـ 3m
ابشركم رحت وركبت اللمبات وصارت خقاق كل مارحت لمكان كل الناس يشوفونك
اما الجناح ما ركبته لأن شكله بايخ مع الخلفية
والله ودي انزل موضوع عن الخلفية كيف تركبها ومصورها وودي اشرح بس المشكلة ما اعرف انزل الصور لو احد يعلمني على الخاص اكون له من الشاكرين
المربع
انا ماخذ جناح و خلفية بي ام من المربع اخر محل على يدك اليسار في الزاوية
انصحك تاخذه وترش لن الرش ابو كلب بعد شهرين يقلب اللون ما راح يكلفك رش الجناح مع الخلفية 150 ريال
ممكن صور بعد التركيب
واللله ودي انزل الصور مع الشرح في موضوع مستقل بس المشكلة ما اعرف انزل الصور
اما رش الخلفية << لون الخلفية الللي رشها لي مهب زي لون السيارة فيه اختلاف بسيط وان شاء الله بعد شهر او حوله بأرشها بس وين؟
اما موقع المحل فهو قبل الأخير على اليسار
الخلفية ب700 ربال
الجناح ب150 ريال مع الرش بس ما شريته لأنه ماينفع مع الخلفية<<كل واحد وذوقه
ولقيت حساسات كامري ماليزية<<على قوله يعني ما ادري هو صادق ولا؟؟ ب170 ريال بس ماركبتها لأني سئلت واحد يقول الماليزية ما تجي بأقل من 300
اتمنى اني افدتكم
بس احد يفيدني وين ارش الخلفية وهل تحتاج فك ولا على طول؟
بانسبه للخلفيه انشالله الشباب يفيدوك بورش كويسه..
ولازم تفك الخلفيه وترشها وترجعها..
واذا تبي حساسات..
راسل المشرف كاكاشي..
وانشالله مايقصر معك