مشكلة بالسي دي والكوايه

السلام عليكم ورحمة الله وبركاته

صباح / مساء ... الخير

ياشباب عندي مشكلتين واتمنى من اصحاب الخبرة يساعدوني

السيارة أكورد 2005

المشكلة الاولى في السي دي كان شغال تمام وبعدين صار ماعاد يقبل يدخل واللمبة الخضراء صارت شغالة بأستمرار

طبعاً السيارة سبيشل سي دي واحد .. رحت للكهربائي وقالي 80 ريال !! طنشت السي دي والكهربائي واشتريت

mp3 وشبكته بالكوايه واشتغل مافيه مشكلة جيت بعد ساعة شغلت السيارة ماصار يشتغل الام بي ثري ولا حتى الشاحن

حتى بالكواية اللي بالدرج ماتشتغل ..


وابتلشت اسمع راديو بس :)


اتمنى اللي عنده خبرة والا شئ بسيط يساعدني

اعتقد ان العدسة تحتاج إلى تنظيف , إذا كان السعر 80 ريال حق التنظيف اشوفه مناسب

وشوف لك اكثر من محل تحصل ارخص , إذا انت بالرياض روح الغرابي محل الحوشاني شغله نظيف ويمدحونه الشباب

لكن قبل لا تروح افصل البطاية لمدة 30 دقيقه آي نصف ساعة وارجع شبكها وشد على الأصابع لكن مش بزيادة عشان ماتنكسر

ورد لي خبر ,, بالتوفيق ^-^

وعليكم السلام
شوف بعض مشغل mp3 فيها فيوز تلقاها في الأمام تفك المسمار هي وراه
يمكن منه او شيك على فيوزات الولاعه<<<الي تسميها كواية

الله يعطيكم العافية ياشباب

بالنسبة للسي دي بروح للمحل وبشوفهم

اما الام بي ثري جربتها في سيارة ثانية واشتغل تمام يعني المشكلة من الكواية خخ

وين فيوز الولاعة ؟ ترى دجه فالسيارة والكهرباء

ساعدوني

تحصل الفيوز بالعلبة الداخلية , مكان الفيوزات عند القطعة السوداء عند الدعاسات البنزين والفرامل على اليسار

في ظهر الغطاء يبين مكان الفيوز ومرسوم عليها صورة دخان (سيجارة) هذه حقت الطفاية سعر الفيوز بالوكالة ريالين ..

هذه صورة غطاء علبة الفيوزات الداخلية

http://www.5vb5.com/up/up/5vb5_com_276627814.jpg

رقم الفيوز حق الطفاية A15
و
رقم فيوز المسجل A10

شيك عليهم إذا محترقات غيرها , والأفضل تشوف لك كهربائي يشوف وش المشكلة إلي عندك ..