صووت غريب..أعتقد الكثير مر عليهـ بس أبي اعرف سببهـ والحل..!

السلآلآم عليكم..

اخبآآركم يا حلووين..:d.؟.؟

ابداء بالمشكلهـ بدون لف ولا دورآنـ..

طبعاً انا معي اكورد 2008 ..6 سلندر..

المشكله هي ..لما اكون واقف واحط القير ع (D) ..وانا ضارب فرامل يعني السياره واقفه ..تطلع صوت حننننه قويه شوي..

ولما امشي بعض الاحيان ..يطلع بالسياره حنهـ الي راكبينـ يحسون فيه ويحسون ان السياارهـ ثقيلهـ من صوتـ الحنهـ..

ولما ازيد السرعهـ شووي تروح الحنهـ.!!..!!

والشي الثاني لما اكون واقف واحط السياره بي (D) تتحرك خفيف بعدين تزيد السرعه شوي تقل تنتع وانا ما دعست بنزين ولا شي ..يعني ما تكون السرعه ثابتهـ تزيد وتقل فيه نتعهـ..!

ياليت تقولون لي حل يا شباب ..واعتقد السيآآرهـ ما عليها ضمآن يعني لو فيه ورشهـ زينه والشغل مضبوط والسعر منآسب لا تبخلون علي وانا اخوكم

بالعلم ان موقعي بالرياااض..

انتظركم..!:(

اخوي كان معي مونديو2003 تزيد السرعه الى 40 سالت الورشه قالو عادي لان السياره بارده

حيآآك الله حبيبي..

انا باردهـ ولا حارهـ نفس الشي تمشي ثانيتين بعدين تزيد السرعهـ تقل نتعهـ ..

والحنهـ معذبتني تعذييييييييب

أخوي عالي مستواه
لاتعب عمرك ولا شي علطووول للوكالة على الضمان
وريح عمرك

هلابك اخووي..

بس اعتقد سيآآرتي ما عليهآ ضمآن ح ان ممشآهآ 60 ألف..

بس انا ثالث مستخدم لهآ واللوحآت حقآتهآ متغييرهـ ثلاث مرآت يعني ..الي مسجل بدفتر الضمآن غير اللوحآت..

ولو صآر فيهآ..ضمآن ..كم تبي تجلس بالوكآلهـ وكم تبي تكلف .؟! لاني محتآآج السيآآرهـ..

ضمان سيارتك الى 100.000 كيلو

والله يعينك , مالك الا تمر الوكاله وتشوف وش يقولون لك

:)

روح للوكالة معاك دفتر الضمان والأستمارة وقولهم انا شريت السيارة وابي احدث المعلومات في الكمبيوتر عندكم علشان الضمان

و10 دقايق وأمورك تمام

انا بدلت لوحاتي ورحت معي دفتر الضمان والأستمارة الجديدة ودق رقم الهيكل بالكمبيوتر وضبط رقم اللوحة الجديدة وعدله بدفتر الضمان وقال لي خلاص ..

وضمانك الى 100 الف ... اغتنمها وحتى لو قالك دخلها صيانة معينه وتدفع مبلغ 300 او 500 ماعليه انت الكسبان

مالها دخل اللوحات عليهم من رقم الهيكل

مالهم دخل باللوحه

اخوي الظاهر والله اعلم
عندك كراسي القير او المكينه يبي لها تغير

او عنـدك المساعدات انا انصحك توديها الوكاله
وتشوف ان كان السياره على الضمان او لا


تحيتي

سيم سيم

انا كذا ومدري وش الحل وربي

نفس حاااالتك بالضبط

رحت اليوم لم ورشهـ وقبل يفحص عليهآ قالي يا المشكله من الشكمآن مرتخي ولا من كراسي المكينهـ..

يوم فحصهآ قالي المشكله بسيطهـ اصلحهآ لك بـ 150 وضمآن اسبوع عليهآ..

قلت وش المشكله قال ما اقدر اقولك بعدين تروح لمحل ثاني وتصلحهآ عندهـ وما يتعب هو ولا شي..

يقول اذا جيت تصلحهـ عندي قلت لك وش المشكله وعليهآ ضمآن اسبوع بـ 150..

وصصلحها بنص سااعه ..

لاني مو فااضي للوكاله وكم تجلس عندهم يوم..

انتم وش رآآيكم.!؟!.؟

اقتباس:

---

المشاركة الأصلية كتبت بواسطة عالي مستواه

رحت اليوم لم ورشهـ وقبل يفحص عليهآ قالي يا المشكله من الشكمآن مرتخي ولا من كراسي المكينهـ..

يوم فحصهآ قالي المشكله بسيطهـ اصلحهآ لك بـ 150 وضمآن اسبوع عليهآ..

قلت وش المشكله قال ما اقدر اقولك بعدين تروح لمحل ثاني وتصلحهآ عندهـ وما يتعب هو ولا شي..

يقول اذا جيت تصلحهـ عندي قلت لك وش المشكله وعليهآ ضمآن اسبوع بـ 150..

وصصلحها بنص سااعه ..

لاني مو فااضي للوكاله وكم تجلس عندهم يوم..

انتم وش رآآيكم.!؟!.؟

---

من حقه وحق تعبه بعد

ودام انه قال لك ضمان اسبوع يعني يتكلم بثقه

واتفق معه اذا رجع الصوت ترجع له

مشكوور حبيبي المبآشر ع المرور..

ما قصرت يالغلا..

انا برووح لمهـ وأشوف وان شاء الله خير..

روح وأعطهـ دام أعطاكـ المشكلهـ والضمان ... شكلهـ بهذلوهـ الشباب هذا العامل ,,,:d

طيب اخوي علمنا ان شاء لم تصلح المشكله علشان غيرك يستفيد تكفى لاتنسى

حتى انا عندي نفس المشكلة :(
اخوي ياليت اذا عرفت وش المشكلة تعلمنا

اخوي عالي مستواه ياليت يابعدي تقولنا وش المشكله

وربي انا بعد نفس الصوت ونه تذبح لها فتره

واخوي انت وين ساكن عشان توصف لي الورشه الله لايهينك

الحين الظمان يصلحها بلوشي؟!!

ياليت تجاوبيني

وش الي يغطيه الظمان؟؟!!
وش الي مايغطيه؟؟!

تقريبا نفس المشكلة اذا حطيتها في d وضغط فرامل تبدأ تنتع فقط

علما انها ماحصلتلي إلا بعد ماغيرت البواجي والفحمات

فياليت تقولنا وش المشكلة ياخوي...

ابشششروا..

ما طلبتو ..شي بس ان شاء الله خلآآل هاليومين برووح لمهـ واخليهـ يصلحهآ ويقولي المشكلهـ من أيش..

واجرب الموتر بعد ما صلحهـ..

الضمآن يقول خلآآل اسبوع ما يرجع لك الصوت والحنهـ..

وانآ سآآكن بالرياض..

وان شاء الله مو نآآسيكم ..

بيض الله وجهك يابعدي

ماتقصر

ياشباب انا كانت عندي نفس المشكله وصوت حنة غريب مع انه سيارتي 2008 اسبيشل ولمن وديتها الشركة اكتشفت انه في تهريب زيت من طرمبة الدركسون فالرجاء افتح الكبوت وشوف اذا في تهريب زيت ولا لا ووديها الشركة ترى عالضمان ويغيرولك اللي برضو

اتمنى اني افدتك

اي صح اذكر قالولي هالخراب من قبل وشكله منه

والله كل وآآحد وله كلآآم..

شبآآآب انا رحت لم الرجآآل الي قآآلي اصلحهآ طلع ما عندهـ سآآلفه وخف الصووت شوي بس..

بس مع الفحص ويمين ويسآآر قالولي ان الخرآآب الأكيد من كرآآسي المكينهـ..وفيها عيب مصنعي من الشركهـ..

ومرت عليهم المشكله اكثر من 50 مرهـ..

وياليت تقولون لي كرآآسي المكينهـ بالوكآآلهـ عليهآ ضمآآن.!؟

وكم تجلس عندهم السيآآرهـ لو عليهآ ضمآآن.!؟

والي يقول من تهريب الزيت ومدري كيف ..وش دخله بالحنهـ!؟

يعطيك العافية
وبالنسبة للضمان عليها ضمان كراسي المكينة واتوقع انها عيب مصنعي الان اكثر اللي ردو معه اكوورد 2008 v6 ونفس المشكلة
وبالنسبة للمدة اتوقع بين ثلاث ايام الى اسبوع