عندي مشكلة في القير .. وابي شوركم باسرع وقت!!

السلآم عليكم ورحمة الله وبركاته :-

مواصفات السيارة :
أكورد 2005
4 سلندر

باختصار لأنه بصراحة الصدر ضايق من هالسالفة :( ،،

اذا شغلت السيارة وبعد ما احمي
اعشق السيارة بالـ d تاخذ من ثانيتين الى 3 ثوان بعدين تشمي

طبعاً سير السيارة بطيء وما جربت اني اسرع
بعد مسافة 30 متر وقفت اجرب مرة ثانية ..
ادعس على البنزين على الآخر هي بالـ d كأنها بالـ n
حاولت مرة أخرى نفس الكلام

بعدين طفيت السيارة لمدة لا تتجاوز 5 دقائق وشغلت
وعشقت القير مشت معي وصار معي نفس الكلام اللي فوق

فما أدري يالربع وش السالفة

هل القير خلاص يبيله توظيب + أو في حاجة معينة مثل حساس او طرمبة

واذا أحد يعرف لي ورشة في الرياض
متخصصة في هذا الكلام فاتمنى انه يدلني عليها
ولكم خالص الحب والتقدير

هلا اخوي ... قبل مانجاوبك عطنا معلومات اكثر عن سيارتك

نوع زيت القير المستخدم .؟

فترات تغيير الزيت وكم ماشي العداد..؟

وشباب الرياض يفيدونك عن الورش

عساها خير ان شاء الله

بس سيارتكـ كم ماشية وياليت تذكر لنا شويه تفاصيل سيارتكـ

تحياتي لكـ

انا رحت صناعيه ام الحمام بـ تركي الاول هناك

لقيت ورشتين حقت هوندا بس اتوقع جيدين

وهذا الي اعرفه ولا انا ودي افيدك اكثر ..

تبي نصيحتي لك راسل بلال وان شالله راح يفيدك لانه ماشالله تبارك الله عليه انسان فاهم

وتقبل تحياتي

يا اهلا وسهلا عزيزي

تم الإرسال ع الخاص

تحياتي لكم

الله يعينك كلجات القير عندك خربانه صارت معي بالضبط بس انا عندي اكورد 07 سته سلندر ووضبت القير ف الوكاله ب 14 الف الله يعينك اخوي قيرك يبغاله توضيب

اخي الكريم طبق الخطوات في الرابط الاول ادناه ثم قم بتطبيق ما ذكر في الرابط الثاني وسيكون الوضع محلول باذن الله:

http://www.hondaarabia.com/club/showthread.php?t=24694


الرابط الثاني




http://www.hondaarabia.com/club/showthread.php?t=27104

ومن صباح الله خير بدأت المعاناة مع الوكالة والورش
طبعاً الوكالة قالوا توظيب قير وراح تكلف من الـ 9000 الى 14000 ( مبلغ جنوني )

طلعت الورش وطحت على روشة متخصصة في قير الهوندا
طبعاً مبدئياً قالي القير يبيله توظيب

طبعاً المختص قال مر علي يوم السبت واعطيك العلم الوكاد

فانا محتار بين آمرين ياخوان
والمثل يقول : ما خاب من استشار

الآمر الآول : اوظب القير وأتوكل على الله
بس اخاف ترجع علي نفس المشكلة

الامر الثاني : اروح التشليح واشوف قير مستخدم واشتريه
بس اخاف ما يكمل السنة إلا وانا في الورش
ويالله هاتك مشاكل وقلة حياء وفي الاخير يبيله توظيب

ولكم خالص التقدير والاحترام على هذا الاهتمام :)

تبي نصيحتي انا مجربها

وضبت القير وخسرني حدود 4500 ريال ومن طلعتها من الورشة وهي مهيب مثل اول تاخير في التغير وطقة عند الوقوف لدرجة ان الباكستاني فك القير 3 مرات وكل مرة يقول عندك شي خربان اخر شي اشتكيتة بالشرطة ووصلت للمحكمة وحكم علية الشيخ وقال عطة الفلوس المهم عطاني 2000 ريال وبعدها رحت للتشاليح وخذيت قير ب 3500 ريال والحمد لله القير ماعلية كلام ماشاء الله ونصيحتي ابعد عن التوظيب

اقتباس:

---

sarab

---

لآ هنت وبيض الله وجهك ..على النصيحة ،،

تحياتي لك !!

طيب أخوي وش أسباب الخراب القير
معليش يعني إهمال في تغير الزيت أو جاها تفحيط ؟؟؟؟؟
معروف أن قير هوندا قوي ويتحمل مع العلم أن سيارتك موديلها حديث
ممكن تعطيني أسبابها

اخوي المهاجر 333

ويني وين التفحيط !!

الا وانا أخوك الاهمال وعدم المبالاة
على ما اعتقد هي السبب الرئيسي

وآخر مرة غيرت زيت القير إلا لم تخني الذاكرة
في شهر 11 عام 1429هـ

لاتوضب وخذ من التشليح والله يعوضك

اقتباس:

---

المشاركة الأصلية كتبت بواسطة العمدا

ومن صباح الله خير بدأت المعاناة مع الوكالة والورش

طبعاً الوكالة قالوا توظيب قير وراح تكلف من الـ 9000 الى 14000 ( مبلغ جنوني )

طلعت الورش وطحت على روشة متخصصة في قير الهوندا
طبعاً مبدئياً قالي القير يبيله توظيب

طبعاً المختص قال مر علي يوم السبت واعطيك العلم الوكاد

فانا محتار بين آمرين ياخوان
والمثل يقول : ما خاب من استشار

الآمر الآول : اوظب القير وأتوكل على الله
بس اخاف ترجع علي نفس المشكلة

الامر الثاني : اروح التشليح واشوف قير مستخدم واشتريه
بس اخاف ما يكمل السنة إلا وانا في الورش
ويالله هاتك مشاكل وقلة حياء وفي الاخير يبيله توظيب

ولكم خالص التقدير والاحترام على هذا الاهتمام :)

---

اتمنى تشوف ردي قبل لا تستعجل وتشتري قير جديد او توضب سويه وزيد عليه بعد تنظيف الحساسات وان شاء الله يضبط معك ولا يكلفك 200 ريال

اخوي بلال أشكرك وكلمك ونصيحتك على العين والراس

بس السيارة ما تمشي الا مسافة بسيطة وتوقف .. طفتشني !!

ولمبة الـ d تأشر وبعد ما رصيت على دعاسة البنزين
اشرت لمبة المكينة وبصراحة خفت ان الخراب يزيد علي والمشاكل تكثر

حتى ريحة زيت القير كانه محترق بعد ما سحبت العيار

اقتباس:

---

المشاركة الأصلية كتبت بواسطة العمدا

اخوي بلال أشكرك وكلمك ونصيحتك على العين والراس

بس السيارة ما تمشي الا مسافة بسيطة وتوقف .. طفتشني !!

ولمبة الـ d تأشر وبعد ما رصيت على دعاسة البنزين
اشرت لمبة المكينة وبصراحة خفت ان الخراب يزيد علي والمشاكل تكثر

حتى ريحة زيت القير كانه محترق بعد ما سحبت العيار

---

انت سوي اللي قلت لك عليه وبعده سوي تنظيف للحساسات وانا اشك في الحساسات ونظام الكهرباء عندك بالنسبة لزيت القير وهو محروق قد يكون المشكلة لكن بدون يأس وبدون دفع مبالغ كبيرة جرب الحل هذا بكرى ان شاء الله وان شاء الله تضبط معك السيارة

اخوي كم ممشى سيارتك ؟

غير الزيت ونظف بالطريقة اللي ذكرتها لك فوق

1- غير الزيت والفلتر في القير

2-تاكد من تنظيف الحساسات ونظام الكهرباء عندك

ابشر راح اسوي الكلام اللي قلته بكره راح اطلع السيارة من الورشة
لأنه الا الان لم يتم فك القير


طبعا ممشى السيارة 160000

لمبة الـ d تأشر يعني عندك مشكلة في الحساسات وتحتاج فحص كمبيوتر للقير

ريحة الزيت طبيعي لانك ماغيرته من فتره طويله غيره مع الفلتر

أخي متصفح :-

هي مرة وحدة اشرت فقط ولمدة عشر ثواني
وبعدها طفيت السيارة ورجعت وشغلت وراحت بعدها

صراحة اني اندوخت من هالسالفة

يعني ودي بقد ما أقدر اني ابعد عن التوظيب

على فكره أنا رحت الوكالة وطلبت تقرير للقير ولكن بدون فائدة

طلبتهم قلت ابي اعرف وش سبب الخراب

قالوا القير عندك فيها مشكلة .. قلتهم انا داري أن القير في مشكلة

قالوا اكثر من كذا ما نقدر نفيدك .. بعدها قام المهندس يتفلسف علي ويقول عندك الكلتشات ويمكن الحاسات

بناء على التقرير .. واصلاً التقرير مو واضح فيه اي شيء

خسارة 120 + انتظار على الفاضي

لمبة الدي يوم تأشر معناها في مشكلة في احد حساسات القير والمفروض فحص الكمبيوتر

يحدد رمز الخطا ويعطيك المشكلة ... غريب امر الوكالة ..!!

للأسف اسهل كلمة تسمعها من الوكالة او الورش هي توظيب ... وممكن المشكلة تكون بسيطه

عموما طبق الكلام الي قالك عليه بلال ... (تغيير زيت + فلتر) وشيك على التوصيلات الكهربائيه للقير وان شاء الله تضبط امورك

العمدا الوكاله اللي رحتها وين بأي مدينه لو سمحت.....

اقتباس:

---

المشاركة الأصلية كتبت بواسطة درب الالم

العمدا الوكاله اللي رحتها وين بأي مدينه لو سمحت.....

---

في مدينة الرياض
وبالتحديد عبدالله هاشم اللي على طريق خريص