السلام عليكم
كيف الحال ياشباب
ايهما احسن القير العادي او الاتوماتيك وماهي مميزات وعيوب كلاً منهما بالتفصيل
وشكراًاً
عرض للطباعة
السلام عليكم
كيف الحال ياشباب
ايهما احسن القير العادي او الاتوماتيك وماهي مميزات وعيوب كلاً منهما بالتفصيل
وشكراًاً
هذا يعتمد عليك اخوي اذا كنت راعي دوام ومن العمل الى البيت وماخذها على انها سياره توديك وتجيبك مالك الا التماتيك
لكن,,,
اذا انت راعي مقاومات وحوسه وفك وركب وحط وشل مالك الا العادي عشان ما يخبط وعشان اقوى وعشان..الخ
الاوتوماتك قوي جدا ومن اقوى القيور بالعالم والعادي اقوى واقوى
والله بصراحه انا جربت الاتوماتيك بس
اذا تبي ردوذ احسن انصحك بنقل الموضوع الا القسم المخصص
وشكرا
بصراحة انا عندي 2005 قير عايدي ممتاز لكن السيارة تفصل على 220 ما ادري هل الاوتمتيك تواصل للأخير 240 و إلا لا ؟
انا عندي هوندا اكورد 2004 جير عادي بالنسبة لي وعن تجربة سنتين وحسب ما اشوفها:
1)مميزات الجير العادي:
عيوبه:
- ما يستهلك الأقمشة والسفايف وايد.
- ما يصرف بترول حيث اني اقطع 600 كيلو متر في الاسبوع والحمدلله مريحتني.
- اكورد+جير عادي= حمار مكده (تكرمون)
- ما يعرف الكراجات
- تسمع هدير رائع للمحرك عند التعشيق، واداء السيارة تجول 6سلندر
- تحس بإثارة قوية واستمتاع عند تبديل الغيارات خصوصا التبديل العكسي خصوصا عندما تشغل اغاني خالد عبدالرحمن(حظ عيني لو تشوفك) او ميحد;)
- اسرع في الخطوط الطويلة وحيوية اكثر وسلاسة
وسلامتكم
- جديم يعني(out to date) وكل الناس عندها اوتوماتيك ويوم يسمعون ان سياراتك عادية يجزوها مع ان الدول المتقدمه يطالبون بان تكون الأكورد 6سلندر جير عادي حسب احد المصادر.
- يباله صبر واحتمال في الزحمة (ما يباله دلع)
- مالها جيمه عند اعادة البيع خصه عندنا في الخليج والحريم هابات هبه على السيارة ما تصدق الوحده تشتغل إلا خذت لها سيارة لدرجة ان الناس يصفون بعض السيارات انهن سيارات بنات مثل الكامري (ما يعرن يسوقن إلا اوتوماتيك)
- الهوندا ثجيله وايد تحسها اكثر في الجير العادي وخصوصا القومه من الثبات (الله يعينا عند الإشارات)
آسفين على الإطالة