بعد مرور اول ثلاث ايام من شراء الاكورد.. ابرز الملاحظات و المشاكل ! ابي نصايحكم

السلام عليكم جميعا

وامطار خير ان شاء الله على جده و مكه

شريت الاكورد فل مخمل 2009 يوم الاربعاء الماضي و ماشاء الله تبارك الله السيارة من اروع مايمكن رزه و فخامه و هدوء ومتعة قيادة

اول يوم و انا طالع من المعرض سمعت صوت طقطقة البيبان مرة وحده فقط ورحت البيت
ثاني يوم مشيت 100 و للاسف احس برجه في الكفرات صراحه رجه ملحوظه و يحس فيها السايق و هو ماسك الطاره بس ماهي الرجه اللي ممكن يلاحظها الراكب !
صوت البيبان و صوت الشنطه بدا يطلع ثالث يوم مع المطبات بشكل واضح
امس كان فيه مطر بجده و مسكر الفتحه و الاربع شبابيك و مع ذلك و الله العظيم احس برذاذ خفيف داخل السياره ماقدرت احدد اذا كان الرذاذ من شباك و الا فتحة السقف و الا من المكيف و الا بس المهم حسيت فيه اكثر من مره ..

وش تنصحوني هل اروح الوكاله الان و الا انتظر الى صيانة ال1000 كيلو ؟؟
علما بان السياره ماشيه تقريبا 130 كيلو فقط( ثلاث او اربع ايام )

هل الملاحظات اللي ذكرتها مرت عليكم ؟؟؟؟

انا قلت يمكن بسبب و قوف السيارة لمدة سنه كامله في المعرض تصير هالمشاكل؟؟؟ السياره 2009 اصفار و ماخذها من معرض مو وكاله

اول شي الله يعطيك خيرها ويكفيك شرها وشر الحاسدين
صوت البيبان وصوت الشنطه فيه موضوع مثبت للاخ كاكا كاتب فيه حلول الاصوات هذي بالنسبه لموديلاتكم وسهل مره التخلص منها تقدر تشقر عليها
اما بالنسبه لرذاذ المطر انا احيانا ادخل جو مع المطر في السياره واحس برذاذ لكن موب حقيقي يتهيأ لك
لكن يمكن اذا انك مشغل المكيف وحاط تهويه خارجيه يمكن مدري.
والضمان يشملها سنتين او 100,000 كم
بالنسبه للرجه هذي اكيد ترصيص واذا مانفع يمكن من الكفر من طول الوقوف حبل لكن قبل كل شي جرب رصصها كمبيوتر

والله يوفقك

روح للوكاله .. علشان ما يجوك بعدين ويقولوا سء استخدام وماني عارف ايش,,,
وراجع موضوع كاكا ...

شباب لو حطيت فازلين او شحم ثقيل لحل مشكلة البيبان و الشنطة هل الوكاله راح يمتحنوني لاني فكيت مسمار و شديته وحطيت شحم ؟؟؟؟؟؟



اقصد حلة مشكلة البيبان و الشنطه بطريقة احد الشباب اللي مثبت موضوعه هل يؤثر على الضمان والا لا لو لاحظوها الوكاله؟؟؟؟

^^^^^^^^^

والوكالة كيف تعرف انك سويت الشي هذا :)

انا لا تنكب نفسك ولا عليك :d

وميأثر ع الضمان :)

هدى الرجه هاتختفى على طول انا لسه شار من 3 اسابيع وافتكر راحت بعد 3 او 4 ايام
الله يعطيك خيرها ويكفيك شرها
وتريليون مبروك الملكة

ولا تسوي ولا تشحم ولا هم يحزنون ..

انتظر صيانة الـ 1000 كيلو واتجه للوكاله بعد حجز موعد لان جده زحمة دايما وممكن يأخروك ,,

طلع الي بقلبك للمهندس قوله على الرجه والطقطقه وكل شي وبإذن الله مايصير خاطرك الا طيب ..

المهندسين محترمين ويقدروا وضعك ولاتشيل هم ..

واذا سمعت اصوات في الهوبات لااوصيك سجلها عندهم ,,

واكيد عندك حذفه ع اليمين ( اغلب اذا ما كان كل الاكوردات نفس الشي ) كلمهم عليها لاتنسى ..

يسولك ميزان مجانا فقط في الـ 1000

وكل مشاكلك طبيعيه وماعليها خلاف ان شاء الله ,,

اصلا اسمها ملاحظات مو مشاكل :)

وتوقعاتي انهم راح يغيرولك الكفرات بطقم جديد ان شاء الله( اذا مانفع الوزن ) والاصوات بترووح اسبوع وبترجع ثاني مره الين ماتسويها بنفسك ,,

فرصتك الوحيده هيا صيانة الالف انهم يغيرولك اي اي شي مجانا حتى الكفرات

لذلك لاترحمهم :d

وعيش وانبسط ولا تعطي هم لشي

واستمتع بالملكـــــة ;)

لا تسوي فيها اي شي
رح للوكالة يفحصونها لك ويرصوصون الكفرات كان فيها مشكلة ويوخرون الاصوات

طيب لو الكفرات حبلت من كثر الوقفه في المعرض هل يشملها الضمان وهل تبدلها الوكاله
سؤال نيابة عن صاحب الموضوع:cool:

الرجة اخوي هذي من الوقفة الكفرات خلاص .......

أخوي طع شووووووري
زين نفس كلام العضو Pink Dream

الملاحظات اللي واجهتها أنا وواجهها الكثير (( أكورد ☻2009 )) .. وطلعت بعد ما اخذتها من الوكاله بعشر أيام تقريباً هي :-
- صوت الشنطه
( خلهم يرشونه لك ببخاخ الصداء ويروح خلاص )

- صوت البيبان واللي تحس كأن السيراه تتمغط
( مع تشحيم البيبان يروح .. أنا سويتها أكثر من مره عادي تسويها عند أي ينشري ويروح الصوت )

- صوت بالفحمات إذا هديت وانت تمشي بسرعه أعلى من 100 وأيضا مع رجه بالطاره
( خلهم يغيرون لك الفحمات على حسابهم ولا يخرطون الهوبات ولا حاجه .. أنشب لهم يغيرون الفحمات وإذا مازالت الرجه موجوده تعال بتشييك 5000 وخلهم يغيرون الهوبات لك .. لاتتعدى 5000 عشان مايجلسون يتعلثون عليك )

- حذفه بالطاره ..
( خلهم يسوون لك ميزان ضروووري )

- صوت الحزامات اللعين
( مافيه أحد من الأعضاء حلها سوا بالوكاله أو برا الوكاله )

ألف مبروووووك أخووووي

أذا تبي نصيحتي أن كانك مطلعها من معرض فلاعاد تعودها وطلع من الوكاله أزين لك

سيارتك ودها للوكاله أذا كان فيها كل هالأمور فأنا لو منك والله لأخليهم يغيرون لي سيارة

وهذا من أبسط حقوقي دامني دافع لهم فيها أنا مطلع من عند عبدالله هاشم عام 2005 هوندا أكورد

والحمد لله مو مدحا في شركة هوندا أو في عبدالله هاشم بس الصدق ينقال أنا السيارة ماشية معايه لحد يومك

والحمد لله ماقد غيرت فيها ألا أمور روتينية زي زيوت وفلاتر وأقمشة وكفرات وعشان تكون بالصورة الأقمشة والكفرات

ماغيرتها الا بعد 100000 والله على ماأقول شهيد وبعد 100000 وديتها الوكاله وغيرت فيها كل شي يحتاج له تغيير فأنا ولله الحمد

أتمنى من كل واحد يملك مثل هالسيارة أنه يحافظ عليها ويحتفظ فيها للذكرى وبس مع العلم أني أشوف كثير ناس يشتكو من قطع غيارها لكن

أنا أشوف أنك لارميت فيها قطعه فهي تخدمك فوق 5 سنين ماتغيرها وهذي وجهة نظر وصدقني أبيلك الخير ياأخ خالد فأزين شي تسويه انك

تروح ألين وكالتها وتطالبهم بتبديلها دامها سارية الضمان ....والله يعطيك خيرها ويكفيك شرها ....