بسم الله الرحمن الرحيم
أرى في هذه الأيام كثير من الرسائل في الماسنجر تقريبا يقال فيها : أنك لا تملك وقتا لله سبحانه وتعالى وأنك إذا رأيت رسالة تتكلم عن الدين تحذفها ولا تكمل قراءتها ... والأمثلة طبعا كثيرة على هذه الرسائل ... طيب ماعلينا ... بس في بعض هذه الرسائل قريت أسئله منها :
1- لماذا يكون من الصعب جدا أن نقول الحقيقة ومع ذلك من السهل جدا أن نكذب ؟
أبحاول أجاوب على السؤال من الواقع الحالي ... أنا على افتراض إني اليوم طلعت مع أصاحبي ورحنا نلفلف وأتسابقنا مع ناس (مطارحة) واستهبلنا وكل شي ... وصار اللي صار ولا قدر الله جاء واحد ودخل علي وصار (حادث) وقدر الله ماشاء فعل ... أنا ما معاي رخصة (لاتقولي ليه تسوق ومامعاك رخصة وخلينا بمضمون السؤال) المهم لأن ما معاي رخصة هربت ما وقفت خوفا من المرور ويوم وصلت البيت جاء الوالد وشاف الحادث وسألني عنه ... كذبت عليه وقلت واحد صدمني وهرب ... صح إني أبدخل في متاهات كثيرة بس بالكذبة هذي أكون أنهيت أكثر من نصف الموضوع ... طيب لو قلت الحقيقة بأنو واحد صدمني وأنا اللي هربت ... حايجيك قائمة طويلة منها :
1- ليه هربت ؟ 2- ليه ما قلت لي من أول ماصار الحادث ؟ الخ ... ولذلك أنا كذبت علشان أصرف نفسي وأتجنب الأسئلة الكثيرة وكذا ولا كذا فيه توبيخ .
2- لماذا نشعر بالنعاس وقت الصلاة وبمجرد أن تنتهي نصحوا فجأة ؟
قبل الإجابة هناك ملاحظة بسيطة , أنا أشعر بالنعاس مو بس وقت الصلاة ... أشعر بالنعاس بالفصل والبيت وبكل مكان ... ومتى أشعر فيه ؟ لما يكون الجو المحيط حولي هادي ولا يكون فيه حركة أو أصوات كثيرة ... يعني الموضوع مو بس على الصلاة ... الموضوع يصير بكل مكان .
3-لماذا من السهل أن نحذف إيميل ديني ومع ذلك ننشر كل ما هو سيء ؟
من ناحيتي أشوف أنو الإيميلات الدينية وخاصة عندنا بالسعودية منتشرة وبشكل كافي ولله الحمد وما أعتقد أنو فيه إيميل يخلو منها ... ولكن الإجابة على السؤال حاتكون صريحة , الإيميل الديني هو نفس الموال ... يا يكون تذكير ولا علامات الساعة ولا شي زي كذا وأكيد نكون قد سمعناها قبل كذا ... أما الإيميلات الثانية ممكن تكون نكت ... اختراعات ... أخبار جديدة ... مو شرط إنها تكون سيئة وبعدين مو كلنا ننشر الإيميلات السيئة بالعكس بعضنا الحمد لله من أول مايشوف العنوان مايفتحها .
طيب غير الأسئلة ... في حركات مليت وأنا أشوفها بلإيميلات واللي هي ... أحلف عليك إنك ترسلها ... ولا بذمتك إذا ما أرسلتها ... وأعتقد أنو الناس يعاندوا وما ينشروا الرسالة علشان الحركة هذي ... ياحبيبي أيش عليك أنت لو نشرتها ولا لا أنا حر ... وأنت أرسلتها لي علشان أقراها مو علشان أنشرها .
عموما أعذروني أحس إني طولت شوي وحبيت أنبه بس لبعض النقاط وهذا مجرد رأيي الشخصي ... واللي ما يوافقني في بعض الآراء برضو من رأيه الشخصي وأنا أحترمه . :)
