تنشيط المكينة .. !!

السلام عليكم والرحمه

انا صارلي فترة في المنتدى اسمع عن تنشيط مكينة ومدري شنوو

ولازم تمرن مكينة السيارة

وفي الغالب للي يقاوموون .. طيب انا ودي أعرف

كيف ؟؟ شو الفوائد والمضار ؟؟

تنشيط المكينه يعني ماتريح السيارة تمسك فيها خطوط وتمشي 180 كلم

وكل يوم لازم مقاومات وجكر لان كل ماتشد على المكينه خلاص تتعود على السرعه وتصير قويه

بعكس مكينه تلقى راعيها مايشغلها الافي اليوم مرة وحده بس ومن البيت للشغل بس

فوائدها تزيد قوة السيارة و تفرق مكينتك عن سيارات ثانيه

يعني لو تتجاكر انت واكورد مو ممرنه تروح عنه بالراحه

مالها اضرار انا سيارتي كارفها كرف ولي 6 سنوات ماشالله وتمام

بس نصيحه اخوي اذا انت منت حق مقاومات مو لازم التمرين هذا وحافظ على سيارتك

ان شالله اني افدتك وباقي الاعضاء ماراح يقصرون

لاتفتح على نفسك باب مسكر :)

اقول يالخوي ماودك تعقل بس

معك 6 سلندر وتبي تنشط ..؟؟ >> عطني اياها وأعلمك كيف التنشيط


بحووس امها خخخخخخخخ

ركب فلتر رياضي 380 ريال + بواجي رياضية + اسلاك بواجي رياضية

وشوف الفرق >> بتحب راسي خخخخخخخخخخخخ


لاتنشط ولا شيء خل التنشيط لي :p

اهجد واذكر الله لاتعدم موترك

وموضوع الخطوط هذه كلها علشان ماتكربن سيارتك من كثر السواقة داخل المدن ومثل ماذكر لك نحيب الاماكن ومثل مالها فوائد لها اضرار

اها يعطيكم العافية

شفيكم دخلتوو فيني .. ترى بس سؤال :p وعشان البقية يستفيدون بعد

خصوصا اني احب الدعس :d

بس تدري اش المتعة لما تنشط المكييينة
لما طبعآآ سيارتك ترووح فيها
يجيك واحد من الربع يتمصخر عليك يقول
سيارتك مكسرة
قولة على طوووول بدون تردد
صف جنبي ومع الهرن الثالث
ادعس وكلها ثواني
وانشوف مين الي يتمصخر أكثر:d:cool:



TeTo20

تمرين و تخريط كلام من واقع ميكانيكي صحيح و هي ان البساتم تتسع مداها و و و و
ولكن اخذلك سيارة مخصصة كالموستنج و مرن براحتك و لكن سيارتك حرام
انا كوبيه و لا احكر فيها عارف انه الفرق بينها و بين السيدان باب واحد فلذلك خلك في السليم:)