تركيب كشافات 2007

السلام عليكم

,
,
,
,

استفسـار لآهل الخبره والي عندهم تجربه :)

رحت الغرابي لقيت كشافات لـ اكـورد 2006 - 2007 بـ 160 ريال بعد الطقاق عشان ينزل السعر مع التركيب واخرتها ما ركبت :d

بس المهم خذيت منه سعر ,,

الزبده , التركيب يقول انه بياخذ سلك من السكن ويمده على الكشاف ,, هذي فيها تجريح اسلاك قلت له مابيها
والطريقه الثانيه يقول بركبها لك على الظفيرة وبدون اي تجريح ,,
بس في هذي هل تآثر على الظفيرة آو تخربها او اي شي ,, لآني الكشافات تجاريه

سؤالين هنـا :
س : هل ممكن تواجهني اي مشاكل مستقبلاً مع الظفيرة او كهرباء السيارة

س : الي مركب كشافات تجاريه الله لايهينه يكتب لنا تجربته وكيفها معه


,, :rolleyes: شاكر لكمـ مروركم على الموضوع

ومضة : وين مكان الموضوع فـ هالقسم والا الآكترونيات ؟ :D

هلا فيك ..

انا مركبها وموصلها مع السكن :)

والحمدالله ماشية معي تمام ..

المشكلة اللي واجعتني الانوار صينية وطفت علي .. وغيرتها لانها تجي حارهـ مرة اول مااركبها ..

وركبت كوري واقل منه حرارهـ وراح اشوف تبطي معي او لا ..

وفيه الماني .. بس دورت ماحصلت .. بس راح تحصل وهو كويس

انا اشوف لو تسوي لها فاصل احسن .. متى ماحبيت تطفيها تطفيها ..

التجاري ابعد عنه ماوراه إلا المشاكل

هو الآن فيه 3 انواع بالسوق ومن تجربتي للكشافات التجارية نوع كان فيه حديده على اللمبه نفسها وجدا ً فاشل

صحيح انه فيه وزنيه لكن كإنتشار مافيه !

نزل نوع ثاني نفس الأصلي لكن تجاري الفرق بين التجاري الاول والثاني هو الحديده إلي داخل الشمعه فقط

النوع الثالث والأخير هو المستطيل بدون وزن مثل حق الوكالة , كثير من الشباب ركبو منه 10% ماواجهو اي مشاكل

طبعا ً لكل من الأنواع الثلاث مايجي معاه اي فاصل مثل الوكالة وعلامة الطبلون ماراح تبين معاك إلا لما تركب عصى الكشافات حق الوكالة الأصلي

طبعا ً لو تقولي إختار راح اقولك الأصلي وبس وعن تجربة بجد , الشمعات انسى تحترق عكس التجاري إلي كل شهر وانت مغير اللمبه

وممكن البلاستيك او الزجاج ينكسر عليك او يصفر مع حرارة الشمعة

بالنسبة للتمديد ماانصح فيه ابد , يوم ركبت التجاري شريت عصى فاصل اصلي حول الـ 200 ريال او اقل

وارتحت من التمديد وتلفيق الزر او تشبكه مع السكن ( يعني قلق )

اقتباس:

---

وفيه الماني .. بس دورت ماحصلت .. بس راح تحصل وهو كويس

---

مجودي شوف العليان اعتقد عنده وسعرها حول الـ 35 ريال للحبه او روح شارع الكهرباء فيه محلات زينه دور عندها وإن شاء الله تحصل

اي سؤال انا حاضر :)

^^^^
بعد اذن صاحب الموضوع
طيب ياكنق انا موتري 2004 من وين اجيب كهرب؟


ثامر فيه نوع تايواني يجي قزاز واحد من الاعضاء مركبه ومبسوط منه ومسوي جرح بسيط من السكن

والمثل يقول ابعد عن الظفيره وغنيلها:)

اقتباس:

---

المشاركة الأصلية كتبت بواسطة slaitr

^^^^
بعد اذن صاحب الموضوع
طيب ياكنق انا موتري 2004 من وين اجيب كهرب؟


ثامر فيه نوع تايواني يجي قزاز واحد من الاعضاء مركبه ومبسوط منه ومسوي جرح بسيط من السكن

والمثل يقول ابعد عن الظفيره وغنيلها:)

---

تفضل ناصر إن شاء الله يفيدك

http://www.hondaarabia.com/club/showthread.php?t=20484

حبيت اوضح حاجة , الكشافات المستطيلة يبغالك تقص حواف فتحة الكشافات إلي على الصدام عشان يركب الكشاف

طبعا ً الحواف هي عبارة عن مكان لتثبيت كشافات الأصلي حق الوكالة او التجاري

وطريقة ترجيعها هي بالفيبر ماادري كم يكلف لكن الشغله متعبه جدا ً في وقت التغيير !

اقتباس:

---

بالنسبة لتوصيل الكشافات : يتم توصيلها عن طريق البطارية ( :mad:) يعني مثل الزنون مع الكتاوت هذي المشكلة لكن أنا مركبها لي الحين حدود الـ 8 شهور و الحمد لله شغاله تمام

---

الله يعطيكم العافيه ياشباب على الإفادة ,,

فكرة الظفيره ما اتقنعت فيها ,, بس شكلي بـ سحب سلك من السكن ,,

وكلمت راعي المحل يقول إذا بتركب زينون عليه بعطيك ضمان سنه كامله على المحولات والشمعات ,,

بس شاطحلي يقولي نوع فيلبس الي بـ 200 ريال موب زين ,, وعيوبه تطلع بعدين , وقالي على زينون صيني بـ 300 ريال عليها ضمان سنه المحولات والشمعات ,, رآيكم ؟؟

انا ماودي اركبه يقعد شهر ويخرب :(

بحكي لك حكايه ^_^

شوف الكشافات لما توصلها مع الظفيره (وفيه مكان لها اصلاً فيش ملفوف بلصق)
لما تشبك الكشافات فيه يكون دايركت مع السكن ..
وبعدين لو بتركب فاصل حق الوكاله امورك بتمشي تمام تمام
..

وسير علينا نركبها لكـ :d ونفيدك بالمفيد ..

اقتباس:

---

المشاركة الأصلية كتبت بواسطة محمد بن عبد العزيز

بحكي لك حكايه ^_^

شوف الكشافات لما توصلها مع الظفيره (وفيه مكان لها اصلاً فيش ملفوف بلصق)
لما تشبك الكشافات فيه يكون دايركت مع السكن ..
وبعدين لو بتركب فاصل حق الوكاله امورك بتمشي تمام تمام
..

وسير علينا نركبها لكـ :d ونفيدك بالمفيد ..

---

تركب عصا اكورد 2006 v6 على اربعه سلندر ؟؟

و كم سعر العصا