محتاار بين اكورد وماكسيما

السلام عليكم ورحمة الله وبركاته ...
كيف حالكم ..؟ عساكم بألف خير يارب ..

بدون ما اكثر بالمقدمات الي مامنها الا وجع الراس ..
مثل ماهو واضح بالعنوان محتار بين هالسيارتين ..

اول سياره / اكورد 6 سلندر اكيد استاندر ..
سعرها لدى الكفاح بالاحساء 122 الف ريال كاش ..

السعر تم اليوم الصباح يعني فرريش ..

ثاني سياره / ماكسيما كامل المواصفات (شاشه - كاميرا - ...الخ) ..
سعرها لدى الجبر بالاحساء 128،500 ريال كاش ..

وشيء طبيعي السعر اليوم الصباح يعني الاسعار كلها فريش ..

ثالث سياره / اكورد 4 سلندر فل جلد ..
سعرها في الكفاح 102 الف ريال كااش ..

وللمعلوميه الاكورد 4 سلندر مخمل ب 98 الف كاش بالكفاح ..

طبعا ً انا ما حطيت الموضوع هنا الا لاني عارف انكم انحياديين ..
ولاهنتوا بعض الكلام صرت حافظه مثل (هذي رياضيه وذيك عاديه وفي فرق بينهم)

او (كل وحده تختلف عن الثانيه بالفئه) يعني عطني الزبده وش تشور علي ..
الواضح من المواصفات الماكس بس الاكورد تتفوق بالصناعه اليابانيه والجوده والقطع ..

وكل خوفي عمليه شد الوجه الي شيء اكيد راح تنعمل في 2011 ..
على العموم ماني مكثر كلام وانتظر ردودكم على الموضوع ..

ملاحظه بسيطه / انا عندي خلفيه بأغلب السيارات وهذي افضلهم ..
مقصد الكلام اني ما ابي تقولي سياره غير الموجود هنا ..



تقبلوا موضوعي واعذروني على صيغتي بالكلام ،،

والله انا اقول خذ الي يريحك وتحس انه ودك فيه

وانا اقول خذ الاكورد فل 6 بـ 122 ولا المكسيما فل

الماكس حلوه بس عيبها الوكاله ياكتر الشكاوي اللي تجي من الصيانه بجده انا شغال في الحمراني طبعا الاداره العامه وتمر عليا الشكاوي

reach the MAX level:sly: baby

أنا جربت الماكس من عند الوكيل
ومن تجربتي لها تستحق كل ريال
مواد قوية .. ديكور انيق .. محرك جبار .. مواصفات لا تعد من كثرها .. قيادة رائعة في التحكم وعزل الشارع .. شكل جديد فريش ومو متواجدة في كل لفة زي الأكورد
للحين اذا عبرت بالشارع الناس تلتفت لها أما الأكورد صارت عادي من كثرها
عيبها الوكيل للأسف مو ذاك الزود

الأكورد صح ياباني وهذي ميزة لكن فيها عيوب حالها من حال باقي السيارات
وعيبها أن سعرها أغلى من مستواها بواااااجد يعني لو 110,000 ممكن بس 122,000 مرررررة كثير عليها
لأن ما فيها مواصفات غير الحاجات العادية .. ولأن ما فيها شي مميز عن باقي السيارات
وانت شفت كيف 2008 كانت بـ111,000 وما تغير فيها 2010 الا حساسات وخلفية لو بتركبها برا تكلفك 1000 ريال بس

الزبدة .. ماكس وعيش حياتك
وتقدر تجربها عند الوكيل

نفس كلام محجوب

خذ لك ماكس وتوكل على الله :)

انا اشوف الماكس جديده ..وما بعد نعرف عيوبها عشان نقول انها خاليه من العيوب.. مع الفتره يبآ’ن كل شي
.. بس هذا ما يمنع اني ما اصوت لها
سياره ممتازه وسعرها فيها.. بعكس الاكورد سعرها جدن مبالغ

الماكس تعتبر من الطراز الجديد يعني الاكورد عام 2013 ينزل طرازها الجديد

والاكورد بتتغير بـ 2011 تغير بسيط بس ماندري وشو

^^^^
ترى الأكورد الجديدة نزلت 2008 صح ؟

الماكس في امريكا من 2009 نازل :) يعني الفرق بس سنة وحدة ! .. وأحسن من اللي عندنا بعد ;) فيه بانوراما وتحكم خلفي بالمكيف والصوت وتبريد وتسخين لمقعد الراكب كما السائق :rolleyes:

بصراحة رغم تحفظي لعده اشياء بنيسان بشكل عام والسيدان بشكل خاص

ارشح المكسيما :o

بالتوفيق وعليكـ بالا ستخارة

خذ الماكس

شكل حلو و جديد ,, عزم ,, مواصفات


وعيبها الوكيل وأنها خفيفه بالخط مو مثل الأكورد


والراي لكـ

ولاتنسى الاستخارهـ



تحيتي ..~

وانت قلتها يا محجوب الماكس في امريكا مو الماكس في السعوديه :d
وانت ادرى بمواصفات الاكورد في امريكا بغض النظر عن الدخول الذكي > مو جايب العيد غير هالدخول الذكي خخخخ
انا شفت اكورد كوبيه زرقا امريكيه طبعن موديل 2004 فيها تسخين مقاعد وشاشه بس بدون بانورما ~> لاحظ اتكلم عن 2004 :cool:
ع العموم الاكورد ينقصها الكثير عشان توصل ل مواصفات المكس مدري ليه احس هالنقص مستمتر حتى لو حطو مواصفات
يمكن عشان الاكورد توها تطور والسيارات الباقيه تطور اكثر من التطور الا هي تطوره > اهم شي وضحت الفكره :d

خذ المكس بدون ماتحتار

انا معي اكورد 2008 واخوي معه مكس 2010
المكس سياره اجرااام .. شكل .. قوه .. فخامه..مواصفات

والله لو تخلي مقارنتك مع الأكورد الـ 6 سلندر والمكسيما وتستبعد الـ 4 سلندر

الأكورد بحكم إنها 6 سلندر ويكفي إنها تحمل شعار هوندا وهندا غنية عن التعريف في الجودة

والمكس بعد مواصفات جباره بس معروفه إنها تتهربد وتتفكك بسرعه

إذا بتستعمل سنه أو أقل بكذا أرشح الماكس أما إذا بتطول معك أنصحك بالأكورد

والرأي الأول والأخير رآجع لك وبالتوفيق ..

اقتباس:

---

المشاركة الأصلية كتبت بواسطة Accord 2009 Coupe

وانت قلتها يا محجوب الماكس في امريكا مو الماكس في السعوديه :d
وانت ادرى بمواصفات الاكورد في امريكا بغض النظر عن الدخول الذكي > مو جايب العيد غير هالدخول الذكي خخخخ
انا شفت اكورد كوبيه زرقا امريكيه طبعن موديل 2004 فيها تسخين مقاعد وشاشه بس بدون بانورما ~> لاحظ اتكلم عن 2004 :cool:
ع العموم الاكورد ينقصها الكثير عشان توصل ل مواصفات المكس مدري ليه احس هالنقص مستمتر حتى لو حطو مواصفات
يمكن عشان الاكورد توها تطور والسيارات الباقيه تطور اكثر من التطور الا هي تطوره > اهم شي وضحت الفكره :d

---

أنا عارف بس انا جبت طاري المكس في امريكا لأن اخونا A-C-C-O-R-D قال ان المكس تعتبر حديثة بالنسبة للأكورد .. فـ رديت عليه بأنها أساسا نزلت بعد سنة فقط من الاكورد .. ومع انها ما نزلت عندنا بكامل مواصفات امريكا الا ان تفوقها على الاكورد واضح مثل الشمس
يعني المكس الامريكي يتفوق ع الاكورد الامريكي
والمكس الخليجي كمان يتفوق ع الاكورد الخليجي

أدري أن الأكورد في امريكا فيها شاشة وأوامر صوتيه وتسخين مقاعد
لكن المكس فيها مواصفات ابسوي لسته طويلة لو اقولها تقدر تراجع موضوعي عن نزول المكس في الوكالة فيه ردود لي ذكرت مواصفات الماكس بالتفصيل

اقتباس:

---

المشاركة الأصلية كتبت بواسطة abdelslam

والله لو تخلي مقارنتك مع الأكورد الـ 6 سلندر والمكسيما وتستبعد الـ 4 سلندر
الأكورد بحكم إنها 6 سلندر ويكفي إنها تحمل شعار هوندا وهندا غنية عن التعريف في الجودة
والمكس بعد مواصفات جباره بس معروفه إنها تتهربد وتتفكك بسرعه
إذا بتستعمل سنه أو أقل بكذا أرشح الماكس أما إذا بتطول معك أنصحك بالأكورد
والرأي الأول والأخير رآجع لك وبالتوفيق ..

---

شدعوه سنة أو أقل ليه شاري سيكل ابو 149.99 ريال ؟؟ :p

كان تفكيري زيك بس لما شفت التيما قريبي 2008 وليومك ما بها ولا صوت ومشيتها حلوة شلت هالكلام من راسي يمكن القديم صح أما الجديد غييييييير .. والكل يتطور الا هوندا :p .. عن لا اظلمهم كويس انهم ركبوا حساسات عام 2010

اقتباس:

---

المشاركة الأصلية كتبت بواسطة محجوب

أنا عارف بس انا جبت طاري المكس في امريكا لأن اخونا A-C-C-O-R-D قال ان المكس تعتبر حديثة بالنسبة للأكورد .. فـ رديت عليه بأنها أساسا نزلت بعد سنة فقط من الاكورد .. ومع انها ما نزلت عندنا بكامل مواصفات امريكا الا ان تفوقها على الاكورد واضح مثل الشمس
يعني المكس الامريكي يتفوق ع الاكورد الامريكي
والمكس الخليجي كمان يتفوق ع الاكورد الخليجي

أدري أن الأكورد في امريكا فيها شاشة وأوامر صوتيه وتسخين مقاعد
لكن المكس فيها مواصفات ابسوي لسته طويلة لو اقولها تقدر تراجع موضوعي عن نزول المكس في الوكالة فيه ردود لي ذكرت مواصفات الماكس بالتفصيل

---

بس لا ننسى ان المكس ليها سنوات تنزل برى وتوها تنزل عندنا :confused:
بس لا ننسى سعر الاكورد في امريكا ما يقارب 110 الاف > الفل كامل
وهالكلام مو من عندي ماخذه من هالموقع
http://automobiles.honda.com/accord-sedan/
ولما نروح للماكس ف سعرها الفل كامل في امريكا تقريبن 137 الف
وهم مو من عندي وهذا الموقع موضح فيه السعر
http://www.nissanusa.com/maxima/
يعني المقارنه بين الماكس الامريكا والاكورد الامريكا في منافسه بينهم حتى لو الماكس كانت مواصفات اعلى لا ننسى فارق السعر بينهم :eek:
اما المكس الا عندنا والهوندا الا عندنا .. زي ما وضحت في ردي السابق ارشح الماكس وبعنف :cool:
واتوقع قلت من قـبل الهوندا سعرها جدن مبالغ فيه ع المواصفات الي تعتبر لا مواصفات فيها خخخخ :confused:
تحياتي

انا ارشح وبقوة مكسيما الجديده صراحه قوة وشكل وتكنولوجيا ماهي موجده بالأكورد وسعرها مناسب جدا

ماكسيماا وانت مغمض عينك

:cool:

اقتباس:

---

المشاركة الأصلية كتبت بواسطة Accord 2009 Coupe

بس لا ننسى ان المكس ليها سنوات تنزل برى وتوها تنزل عندنا :confused:
بس لا ننسى سعر الاكورد في امريكا ما يقارب 110 الاف > الفل كامل
وهالكلام مو من عندي ماخذه من هالموقع
http://automobiles.honda.com/accord-sedan/
ولما نروح للماكس ف سعرها الفل كامل في امريكا تقريبن 137 الف
وهم مو من عندي وهذا الموقع موضح فيه السعر
http://www.nissanusa.com/maxima/
يعني المقارنه بين الماكس الامريكا والاكورد الامريكا في منافسه بينهم حتى لو الماكس كانت مواصفات اعلى لا ننسى فارق السعر بينهم :eek:
اما المكس الا عندنا والهوندا الا عندنا .. زي ما وضحت في ردي السابق ارشح الماكس وبعنف :cool:
واتوقع قلت من قـبل الهوندا سعرها جدن مبالغ فيه ع المواصفات الي تعتبر لا مواصفات فيها خخخخ :confused:
تحياتي

---

المكس في امريكا نفس مواصفات هنا (وزووود) هذا أولا
ثانيا الأكورد في أمريكا تشيل من لسته ايجابياتها الصناعة اليابانية لأنها هناك صناعة أمريكية ;)
ولا يكون الشباب يفكرون اكورد امريكا زي اللكزس ؟ :d ترى مواصفاتها هناك تزيد في اشياء وتنقص اشيااااااءااااات يعني مثلا:
الامريكية ما فيها اشارة في المراية !
وما فيها طي مرايات !
وما فيها غسيل انوار !
وما فيها حتى حساسات ! << تطلبها كاكسسوار فقط
وما فيها زينون !
وما فيها مكيف خلفي !
وما فيها خلفية البي ام اللي عندنا
طيب ايش اللي فيها يعني ؟ .. فيها شاشة (بدون ديفيدي وبدون كاميرا) .. وتسخين مقاعد بدون تبريد .. وبلوتوث .. وفتح كراج البيت ! << متوفرة في اقل السيارات في امريكا .. مازدا 3 على سبيل المثال لا للحصر
تستطيع ان ترى بوضوح ان لا مميز في الاكورد لا هنا ولا في امريكا على سواء السبيل .. اللهم في امريكا سعرها مناسب حبتين وهنا غالية بزيادة
أما الماكس وبالنسبة لسعرها هناك .. فـزي ما قلت سابقا ان هناك فيها نفس مواصفات الخليج وزيادة عليها :
سقف بانوراما
نظام تعليق رياضي بالكامل لفئة الفل الرياضية
هارد ديسك بسعة 9 قيقا تقريبا تحط فيه مقاطع الميوزك والفيديو اللي تبيها
تحكم خلفي كامل بنظام الصوت وبالتكييف الهوائي

كل هذا غير مواصفاتها الخيالية (الموجودة عندنا) من شاشة الى كاميرا الى ديفيدي الى حساسات قدام وورا غير الجنوط 19 الى محرك 290 حصان الى قير 6 تغييرات الى تحكم بالقير من المقود غير المفتاح الذكي وتشغيل بزر الى اسيات بذاكرة لحفظ الوضعيات الى الدركسون الكهربائي باربع اتجاهات الى كمبيوتر الرحلات الذكي غير نظام بوز الصوتي .. وأنا متأكد أني ناسي غيرها بعد كثير ..
فـ شي طبيعي جدا أن سعرها يكون فوق الـ130,000 ريال مع كل هالتكنولوجيا ;)

انا اقول خذ ماكسيما وانت مغمض.....
انا معي نيسان شركه جباره ماعليك الي يقولك يتفكك كله اشاعات وفلسفه .
وخاصه انك بتاخذ اكورد 6 سلندر سياحي وانا اقول المكس تستاهل كل ريال يندفع فيها.

الأخ محجوب كلامه ثقه من غير شي فما بالك و هو مجرب السيارة :)

السلام عليكم معك سعود القاسمي انا برايي اكورد ولا غيره لانه مكسيما تسوق سنه وبعدين تفكفك

الله يعطيكم العافيه جميعا ً على الردود ..
بكل صراحه ما توقعت هالعدد من الردود وتوقعت التطنيش ..

الف الف شكر لكل من رد او زار الموضوع ..
واخص بالذكر محجوب وAccord 2009 Coupe ..
بصراحه ولعوا الموضوع بردودهم ونقاشهم المحترم ..

بكل صراحه من البدايه في بالي الماكس ..
بس مثل منتوا عارفين كلام الناس ما يرحم ..

ما قصرتوا وبيض الله وجيهكم اكثر واكثر ..

المممممممممممممممممممممممممممممممممممممممممممممممم ممممممممممممممممممممممممممممممممكس ولا غير

انا معي اكورد وطفشان منها تنسم هواء ومافيها عازل ارضي ومقاعد حجر
ومع كذا انا ماادري عن المكسيما ايش عيوبها

اقتباس:

---

المشاركة الأصلية كتبت بواسطة Doabil

الأخ محجوب كلامه ثقه من غير شي فما بالك و هو مجرب السيارة :)

---

أشكرك على الاطراء اخ Doabil ..

لكن لازم اوضح ان كلامي كله عبارة عن حقائق بسيطة تقدر تشوفها في النت او كتيبات السيارات
ومن بعدها احط حبه من رأيي ووجهة نظري وتجربتي المتواضعه

يعني تراني انسان والخطأ بالطبع وارد في كلامي كما الصواب ;)

وفي الاخير اتمنى لأخونا (فوو سبورت وود) التوفيق في اختياره لشريكة قيادته :o وأهم شي الراحة النفسية :cool:

وأقول للكل جربوا المكسيما حتى لو ما تطيقونها ترى التجربة ببلاش :o .. وحتى لو مو ناوي تشتريها أعترف أنها سيارة جديرة بالاحترام :cool: .. واللي صنعها فكر صح :rolleyes: ..

أرق تحية .. محجوب ..