اكورد 2009 مالها (شهر) معي والريموت خربان !!!

طلعتها من الوكالة قبل شهر ...

اكثر شي كنت فرحان فيه الريموت:d

بس خرب ولا صار يفتح السيارة الا الشنطة واحياناً يقفل !!

وش رايكم اروح للوكالة ؟؟؟ والا الاحجار خربانه ؟؟

حتى انا نفس مشكلتك في الشتاء يصير الريموت مره يفتح ومره مايفتح

والبطارية جديده كيف تكون خربانه دام سيارتك مالها شهر أكيد روح للوكاله

لاتسكت عن حقك والله يوفقك ..

لوول
غير البطاريات
لأنه مشوار الوكالهـ بيحسرك اكثر من سعر البطاريات
وشووف اذا ماتعدلتـ مالك الا عبداللهـ هاشمـ

صارت معاي بعد ما اخذت السياره من الوكاله بشهرين
قام الريموت يهنق وتجيه تتنيحات غبيه
وما يفتح الا بعد 6 الاف ضغطه
قلت بغير البطاريات يوم فكيت الريموت
طلع مرطب من جوا سويتله تنظيف
واللحين ولا احلى صار عاللمسه

والله انا خلاص نسيت الريموت
عمر ابو ام جده مافتح رحت الوكاله اشتغل يوم ورجع اخس من اول
والحين من الباب افتح واقفل

يا شباب كل السالفه ان هناك اعتقد وجود ماده عازله تكون موجوده حول بطارية الريموت ( زي الشحم )
مع الاستعمال تميع الماده وتسوي عزل بين البطاريه والريموت
( كل الكلام الي قلته موجود في المنتدى ابحث عنه )
* انا صارلي نفس مشكلتك بعد مده من يوم شريت السياره لكن سيارتي كانت على الضمان ورجعت للوكااله في
صيانة 10000 وضبطوها لي لكن من الفرحه ما سألتهم وش السبب ( فرحان انهم صلحوها على حسابهم )
المهم اذا كان عندك ضمان على طووول للوكاله اذا كان ماعندك ضمان اقرب
محل مفاتيح مضمون وتعرفه اسأله عن المشكله ويعلمك الحل او الوكاله وتحمل القيمه العاليه
* لا تتعبث في الريموت ترى قيمتة عاليه
تحياتي لك

الى الوكاله انطلق وخليهم يصلحوه وادا مو عاجبنك التصليح يبدلوه ...

أنا أخوي راح لهم والأكورد ماشية 70000 كم وماسوى لها صيانة إلا السبعين ألف ... وصلحوا له الريموت بلاش ...
يقول فكوهـ وسووا له تنظيف فقط ... وصار مثل العسل ,,,