نهر الفنون-الابداع للتخشيب

يامرحبااااااا يامرحبااااااااااااا نوركم غطا على الكهربا:d
ياهلا والله واخباركم وعلومك.... الخخ;)
الكتاب واضح من عنوانه:)
والله العظيم تعبت من كثر ما سالت وبحثت عن التخشيب:(
الي يذم نهر الفنون والي يمدحه ودخت بينهم:a0221:
انا معي اكورد سبشل وابي اخشبها كامله ولا ادري وين اخشبها فيه
نهر الفنون اتفقت معه بالجوال على سعر (الخط الي بالطبلون+البيبان+المساحه الي عند القير والادراج+القير يرشة فضي نفس الفل كامل+ازرار القزاز والبيبان المساحه السودا )كلها بـ900 ريال ومدري اشوف السعر مناسب اذا كان الشغل مظبوط والله اعلم
والابداع والله ماعندي عنه اي معلومه علما اني مو بالرياض ولا كان رحت اسعر
الابداع ابي اعرف طريقة تخشيبهم لصق ولا رش ولا وشلون
وياريت تعطوني سعر التخشيب بالابداع ووشلون طريقته:)
تكفوووووووون لا احد يدخل ويطلع وعنده معلومه ماساعدني:A6rb.Com_78:

معقوووووووله محد رد علي
والله سجلت بالمنتدى قلت الاخوان ماراح يقصرون
غريبة الي اشوفه بكل المواضيع متفاعلين

انا مخشب عند الابداع بس ديكور القير لان سيارتي مخشبه وكاله فل

الي خشبته ديكور القير عند الابداع بـ 400 ريال ضمان 5 سنوات

ونوع التخشيبه رش بويه هو احسن شي تقريباً

اخوي انا مسوي التخشيب عند واحة الابداع والشغل ممتاز
الي سويته انا (الديكور اما الطبلون - البيبان - ديكور القير)
كلفتني الشغلة 500 ريال وضمان 7 سنوات

اقتباس:

---

المشاركة الأصلية كتبت بواسطة accord-09

اخوي انا مسوي التخشيب عند واحة الابداع والشغل ممتاز
الي سويته انا (الديكور اما الطبلون - البيبان - ديكور القير)
كلفتني الشغلة 500 ريال وضمان 7 سنوات

---

يعطيك الف الف عافيه حبيبي بس كيف شغلهم من ناحية اللون نفس الوكالة يعني مو نفسه نفسه لانه صعب نفسه بس راح يكون قريب منه يعني محد يلاحظ

اقتباس:

---

المشاركة الأصلية كتبت بواسطة a-c-c-o-r-d

انا مخشب عند الابداع بس ديكور القير لان سيارتي مخشبه وكاله فل

الي خشبته ديكور القير عند الابداع بـ 400 ريال ضمان 5 سنوات

ونوع التخشيبه رش بويه هو احسن شي تقريباً

---

طيب وكيفها معك الحين كم لها يعني واذا كان لها مده طويلة تغير اللون او تتقشر ولا كيف

لها سنه تقريباً الحين اللون ابد ما تغير ما شاء الله

بس تمشخت شوي وبلمعها وتضبط

والله اخوي اللون مو زي الوكالة وكنت ضايق لم اخذت السيارة لنه كان غامق
بعد يومين تفتح اللون
والحين كل من شافه قال احلا من حقت الوكالة

اقتباس:

---

المشاركة الأصلية كتبت بواسطة a-c-c-o-r-d

لها سنه تقريباً الحين اللون ابد ما تغير ما شاء الله

بس تمشخت شوي وبلمعها وتضبط

---

طيب اشوف سعرها غالي شوي بديت اشك بشغل نهر الفنون انه مش ولا بد لانه يقول الي عند القير احسبها لك 200

اقتباس:

---

المشاركة الأصلية كتبت بواسطة accord-09

والله اخوي اللون مو زي الوكالة وكنت ضايق لم اخذت السيارة لنه كان غامق
بعد يومين تفتح اللون
والحين كل من شافه قال احلا من حقت الوكالة

---

شكلي بخشب كل قطعه عند محل وبقلبها تجارب على سيارتي ههههههه
يعطيك العافيه يالغالي

والله يالطيب ما ادري عن شغل نهر الفنون بس بقولك شغله

ترى الابداع ماخذ مقلب يعني سمعته اكبر من حجمه معليش يعني

صحيح انه دقه وشغلهم نظيف

بس في محلات شغلهم مقارب لهم وارخص بواجد

اقتباس:

---

المشاركة الأصلية كتبت بواسطة a-c-c-o-r-d

والله يالطيب ما ادري عن شغل نهر الفنون بس بقولك شغله

ترى الابداع ماخذ مقلب يعني سمعته اكبر من حجمه معليش يعني

صحيح انه دقه وشغلهم نظيف

بس في محلات شغلهم مقارب لهم وارخص بواجد

---

اي والله صدقت من ناحية السمعه هذا الي مخوفني اني ما اروح لنهر الفنون لان سعره مره عاجبني
ياريت احد مخشب عند نهر الفنون يعطيني معلومه لاني بكره بروح للرياض واتوكل على الله تخشيب

انت اذا رحت بكره الغرابي رح كل محلات التخشيب الي هناك تقريباً في 4 محلات

وشوف النماذج عندهم هناك

وبعدين قرر وش تسوي

اقتباس:

---

المشاركة الأصلية كتبت بواسطة a-c-c-o-r-d

انت اذا رحت بكره الغرابي رح كل محلات التخشيب الي هناك تقريباً في 4 محلات

وشوف النماذج عندهم هناك

وبعدين قرر وش تسوي

---

يعطيك الف الف الف عافيه والله ماقصرت
ايه ماعندي مشاكل الف لو 10محلات بس المشكلة وين الي يضبط النماذج

شوف ذي المواضيع يمكن تفيدك

http://www.hondaarabia.com/club/show...CA%CE%D4%ED%C8

و

http://www.hondaarabia.com/club/show...CA%CE%D4%ED%C8

اقتباس:

---

المشاركة الأصلية كتبت بواسطة a-c-c-o-r-d

شوف ذي المواضيع يمكن تفيدك

http://www.hondaarabia.com/club/show...ca%ce%d4%ed%c8

و

http://www.hondaarabia.com/club/show...ca%ce%d4%ed%c8

---

تسلم لي والله حبيبي ماقصرت
ايه يارجال الحين اروح لنهر الفنون وانا مرتاح
تسلم لي ياغلاهم

يا شباب الله يخليكم انا عندي اكورد 2008 ابيي اخشبها انا عندي مخشبه تخشيب الطبلون بسس ويين اخشبها و المحل ياليت يكوون في الخوبر

شباب صار لي فترة احترنا من كثر الكلام ابي تخشبه وماشفت حد ينصحني بالشي الافضل ويكون مجرب ياليت تنصحوني تكفووووووووون

اقولك السعر لا بس منه مناسب نوعا ً ما لكن ما يهم السعر اذا كان الشغل مزبوط

انا بالنسبة لي خشبت هوندا 2007 مع اخوي وكان التخشيب جداً رائع . ولها تقريبا 3 سنوات ولا فيها اي شي

لكن أنتبه واعرف اختار لون الوكالة .
تحياتي لك واتمني لك تخشيبة ممتعة .

اذا تبي تخشيبة صح ..بس تنزل سيارتك وانت مغمض وتفتح عيونك بعد ماتستلمها تحصلها فل كامل :d

رووح للابداع .. يعرف لون تخشيبة الوكاله .. مايحتاج تقوله ..

انا مخشب عندهم وفي قمة الروعه

السلام عليكم
هلا والله اخواني
اسف والله انا ما دخلت نت من كم يوم ولا كان ردينا يااخووي
اللى احب اقوله انا سويت السياره عند نهر الفنون والسياره زي سيارتك
والله شغلهم حلو مررره وسعرهم مو غالي ولا شافو انفسهم مثل الابداع
وانا ما اقوول لك هذا الكلام اللى من تجربه انا سويت السايره كامله مثل ما سويت في سيارتك ومثل هذا السعر او زياده خمسين ريال بس السياره لها معاااي سنتين ولا صاار فيها شي الا مره انقشرت مني ورحتله وصلحها على الضمان
واللى خلاني وشجعني ارووح له انك تفك القطع عنده وتاخذ السياره معااك مو مثل الابداع تخلي السياره عنده وانا ما احب اخلي السياره عندم لأنهم يمكن يسوون فيها شي او يقضي علها مشواار ولا همته السياره يمكن رصيف او حكه ولا همه مثل صااحب السياره
ــــــــــــــــــــــــــــــــ
هذا اللى حيت اوضحه واسف على الاطاله

اخوي انا مسوي عند الابداع يشيل القطعه بس وتاخذ السيارة

حتى انا

شلت القطع وخذيت السيارة