عبد الله هاشم ((يراويغ ويتلاعب )) فهل لنا وقفة
بسم اله الرحمن الرحيم
السلام عليكم ورحمة الله وبركاته
اخواني وأعزائي
حدثت معي قصة اليوم مع شركة عبد الله هاشم ((هوندا)) فرع المدينة المنورة بسبب الصيانة
بأختصار ( البطارية ) بها عطل ويجب أن تتغير والسيارة لها معي 10 أشهر مشيت عليها 54000 وكسور
رفضت الشركة تغيير البطارية على الضمان (( مع أن اصغر محل بطاريات يعطيك سنة ضمان على البطارية ))
ولها عدة اسباب حسب نظر الخبير مسعود مسؤول الصيانة:
1- سيارتك ماشية 54000 وخرجت من الضمان ((رديت علية وسكته وبلع ريقة وقال ))
2- قال شريتها من 10 اشهر خلص الضمان قلت له ((في الكتيب الضمان سنة على البطارية ))سكت شوي وقال .
3- ماتسوي صيانة دورية على السيارة آخر صيانة 10000 ((مع إن آخر صيانة مسويها 30000))
مع العلم أن الصيانة الدورية مايشيكون على البطارية.
4- لازم تسوي صيانه دورية عشان موية البطارية ماتخلص ((مع ان البطارية الكترونية ))
آخر شي قال راجع مدير الفرع
كلمت المدير سأل رجع سأل مسعود اللي بالصيانة
كلم شخص يقول أنه مدير الصيانة بالغربية
وبعد السلامات والسؤال عن الصحة والعيال
عرض علية المشكلة بالتفصيل طلب منه أن يكلمة مسعود
كلمة مسعود وجلس يحكي معه انجليزي وانا عارف اش يقول
المهم
مدير صيانة الغربية جاااااااااب العيد وش قال
((دخلو السيارة صيانة 40000 مع انها ماشية 54000 وكسور وغيرو له البطارية على الضمان ))
يعني تدفع تقريباً 500 ريال على الصيانة وبعد شهر تدفع زيها على صياية 60000 وتحضي بالمنحة الكريمة بطارية الكترونية سعرها 180ريال ))
طبعاً قلت كل اللي في قلبي لهم
ومع كذا ماراح اسكت لين أطلعها من عيونهم
والسلام عليكم
