فزعه يالغالين

يالربع صار لي حادث الله يبعدكم عنها والسالفه راح اقولها لكم علشان بس تعرفون ان عندنا عسكر الله المستعان لااخلاق ولاتواضع ولا تفاهم الا من رحم الله
السالفه يالربع امس المغرب اخوي خذا سيارتي المهم جاء بيسوي روتير شاف واحد بعيد قال بيمديني المهم صار راعي السياره كراسيدا داعس وجاي من الطرف الايمن على الطرف الايسر يبي يشطف اخوي على سرعته المهم الاخ ضرب اخوي بزاوية الهوندا من يسار وتضرر الصدام والاصطب وزاوية الشنطه بعدها وصل طال عمره وهو جالس بسيارته يخطط للحادث المشكله اقوله طيب تعال شف موقع الحادث شف السيارات وفيه شاهد شايف الحادث اسمع على الاقل وش بيقول الاخ مطنشي وجالس يسمع من الطرف الثاني والمصيبة حاط الخطا وبنسه 100%100 على اخوي قلت الله لايبحك ولا يحللك اذا انت او غيرك ظالمني .
كلمت ربعي بالمرور قال مو من حق العسكري يحملك الخطا كامل قدم اعتراض على التقييم وراح ينصفونك ..
سؤالي يالربع ابي افضل ورشه حلوه وشغلهم اوكييه بس مايكونون غالين الله لايهينكم واسف على الاطاله
والسلام عليكم ورحمة الله وبركاتة .. اخوكم ابو جمانة

17 مشاعده ولا واحد رد شدعوه :confused:

الله يعينك عى الظلم ولكن والله لا اعلم ومن قال لا اعلم فقد افتى

أولا : الحمد الله على السلامة

ثانيا : حدد المدينة التي تسكن فيها ؟

أول شي الحمدلله على السلامة

ثانياً ماقلتنا وين ساكن ؟؟

الله يعوض عليك اخوي
لكن ماادري شنو اقول الك
انت وين موقعك
ادا انت في الدمام اعتقد الخضرية تلاقي ورش كثيرة وشغلها نظيف

والله يكون في عونك

وين ساكن يا كابتن؟

الحمدلله على سلامتك ولو خليت خربت في بعضهم خلوقين
ولا تشيل هم كله في الحديد واذا انت مأمن راجع التأمين

وبالنسبه للورش اذا بالدمام انصحك في ورشه اسمها باسمير ممتاز شغلها والله يعوضك خير

في البداية اشكر كل من رد على موضوعي والله يسلمكم من كل شر امين يارب العالمين
وبالنسبة للي يسأل عن السكن انا موجود بالرياض ,,
بخصوص اخر تطورات الحادث كنت اليوم بمرور الغرب بالرياض بس ابي اشوف كم طلع تقييم المرور للسيارة الثانية
تصدقون طلع مبلغ التقدير 4700 ريال :mad: والله العلي العظيم الصدمه ماتستاهل كل هالمبلغ كلها صدام وشمعه وتعديل رفرف وكبوت وبوية والسلام اقول للعسكري وربي المبلغ مبالغ فيه مره قلت بقدم اعتراض على تقييم الحادث قال قدم شيك بالمبلغ المذكور وقدم اعتراض قلت اذا قدمت الشيك فهاذا يدل على اني راضي بالتقدير المهم بعد اتصالات منا ومنا قال اوكي قدم اعتراض وبتطلع لجنه من مرور الملز تشوف وتعيد الحادث وتحدد وقتها اذا انت غلطان او لا
وانا والله اخوي يحلف انه بعد ماخذا روتير عدل السياره مشي شوي الا راعي السياره ضاربه على يسار السياره في هالحاله تكون الصدمه من الخلف والتقرير حاط الضربه من على يمين من جد عش رجب تشوف العجب وربي طلم واضح حتى فيه سوري شايف الحاد يقول اخوي بعد ماديور مشى شوي الا والسياره الثانية ضاربته من ورا الظاهر شكل السالفه بتطول وهاذا الي ابيه وهاذي صوره للسياره
http://img85.imageshack.us/img85/475/67036786.jpg

طيب هدي شوي

ليه منفعل .. والله لو انا منك مايطلع ولا ريآل الا من رضآي يابو هي مو على كيف العسكري ولا الي فوقه .. هدي ولا تسوي شي آبد وهبل فيه ولا توقع على شي يخدعك .. قال هذآ ضلم وادخل على المدير وسبب لجه .. ولا بيوكل حقك ... والله عندي لك وآحد يدبرك .. بس المشكله حاليآ مسآفر

تحيآتي < :d

قدر الله وماشاء فعل والحمد الله على سلامة اخوكـ

وزين انها جات بالحديد ولابا اخوكـ

يا الغالي كونكـ بتعترض وتتظلم ماراح تطلع بنتيجه مع ها المتخلفين لن محملينك الخطاء 100% بمعنى راح تطول السالفه وتاخذ وقت وماراح تطلع بنتيجه الا اذا زبطت اموركـ ( واسطه )

الحمد الله على كل حال ومعوض خير ياالغالي

اقتباس:

---

المشاركة الأصلية كتبت بواسطة d7ooom2009

قدر الله وماشاء فعل والحمد الله على سلامة اخوكـ

وزين انها جات بالحديد ولابا اخوكـ

يا الغالي كونكـ بتعترض وتتظلم ماراح تطلع بنتيجه مع ها المتخلفين لن محملينك الخطاء 100% بمعنى راح تطول السالفه وتاخذ وقت وماراح تطلع بنتيجه الا اذا زبطت اموركـ ( واسطه )

الحمد الله على كل حال ومعوض خير ياالغالي

---

والله يالغالي الوضع بهالديره مايسر ظلم عيني عينك ماقول الا حسبي الله ونعم والوكيل ولا حول ولا قوة الا بالله :(

حادثي يالغالي نفس حادثك بالضبط من الركن اليسار مع اني دخلت الشارع واستويت بالخط ومشيت

وجا ودعمني من ورا على الركنيه اليسرى . . شافها حق نجم قال عليك 100 بالميه قلت سلاماااات !!

المشكله الرجال اثر الفرامل من بعيد ماسك كان مسرع ومع ذلك مااقتنع

طيب مشغلينك بنجم ومخك مجيم ماتعرف . . وقسم بالله انقهرت .. في ذمته الى يوم يبعث

اسف على الاطاله :)