افضل تأمين .. [ مهم ]

بسم الله الرحمن الرحيم ..


اخواني .. امس فتحت الدرج ولقيت ورقه ..

المهم انا دايم املى الدرج اوراق وقلت خلني اقرا يمكن شي ناسيه او زي كذا < دايم ينسى ..

المهم و اناظر الورقه الا وهي الـتأمين ..

المهم تأميني سلامه .. والله مدري عنه اشوف شروطهم واجد .. وماهضمتها ..
الزبده ناظرت التاريخ لقيت لها شهرين منتهيه :)

تعرفون القشعرررريره اللي تجيك اذا نسيت شي مهم .. < دايم تجيه ..

اقول لكم .. تخيلت اني صادم والا شي وش بيصير فيني :( .. بدفع فلوس التصليح + حجز اسبوع كامل على ذمة الدفع + اصلح سيارتي بفلوسي ..

< التأمين نعمه ..

والله وعلى طول بدون تفكير احط بـ d و للتعاونيه لكن للأسف مسكرين ..

المهم قلت عاد اخذ مشورتكم .. بأفضل تأمين شامل .. وكم سعره ..

احتريكم يالربع..

اخوي سلامه قفلت يقولون , وانا تاميني بينتهي بعد 3 ايام

وودي بـ ضد الغير

افضل تامين التعاونيه
ممتاز مره واذا ما خاب ضني شامل 850
وضد الغير 350 هذا المعتاد بس انا لم راحت بامن قال لي ضد الغير 375
وانا انصحك با التامين
لني صار لي موقف وزين الله ستر وكان التامين باقي عليه 8 ايام
عندي جمس بسم ابوي الله يحفظه
وكنت جاي من الكليه وتدري لم يصير الجمس موجود
تجي العربجيه ومعي الشباب وطربان بعد واسرع
ولا اصدم الى في مرسيدس واجلس واطلع با الدرج الى الله ستر وباقي على التامين 8 ايام
واسال الى صدمة بعد ما ثمن السياره كان يقولي التثمين الله يسلمك 14000 من وين ادفعهم وانا طالب
بس انا اقول التامين زين لا احد يطوف يوم ما تدري وش يصير صحيح الامر بيد الله عزه وجل
بس انصحكم با التامين

التعاونيه تمام

هلا فيك اخوي

بالنسبه الي قال التعاونية شامل 850 غير صحيح
لاحظ ان سياره الاخ موديلها 2009
انا اعرف واحد توه مأمن بالتعاونية شامل
طلع عليه تقريباً 2000 وحاجه ومخلي قيمه التحمل 500
طبعا كل ماخليت قيمه التحمل اكثر كان نسبه الدفع اقل هذي نقطه وثانيا تعتمد على تحديدك لقيمه المركبه ايضا خليتها غاليه يطلع التأمين اغلى
حبيت انورك بهالنقطة

تحياتي لك

أنا أفضل تأمين التعاونية
و هوالتأمين المشهور و المعتمد و محلاتة منتشرة في كل مكان

أنصح بالتعاونية ..
وعلى طاري اخوي [[ أميير ]] انه بـ 2000 ريال "الفين" >> الرجاء التأكد !
لأني مأمن التعاونية شامل وما صكيت ذا المبلغ ! بس ما اذكر كم كان حقه !

الله يعافيكم اخواني .. رحت اليوم للتعاونيه ..

سألته كم الشامل .. قال كم موديل سيارتك ..وعلمته و بكم شريتها و كم تسوى الحين ,,

الزبده قال لي التأمين يطلع عليك بـ 3600 ريال ..

طلع لي قرنين ..

المهم قلت وش دعوه قبل سنه قايلين لي بـ 2000 و غالي ..

والحين زاد .. المهم الولد حبيب خششني منا ومنا الين دخلني على تأمين ( سند بلص ) ..

قال لي هذا تامين لك و ضد الغير .. < زي الشامل ..

بس اذا كان الصدمه ( حادث مروري ) مهوب محترق شي او كارثه او زي كذا < تدخل في الشامل ..

و حدي في تصليح سيارتي 10000 اما اللي صادمه الى مالا نهايه < 5000000000 << مدري :>

المهم قلت اخذ لي وقت افكر

طبها الشامل شلته من راسي 3600 لو معي طقيت شاشه ..

المهم باخذ لي فتره افكر .. والله يكتب اللي فيه خير. .

طيب يا شباب التأمين الشامل من التعاونية كم مدتها

^^^^^^
سنة زيه زي بقيه التامين

التعاونية ما نكر افضل الموجود ولها زمن

بس الفترة الاخيره صارت مو مثل اول صارت اجراتهم تاخذ وقت((مماطله على الفاضي) تمر اسابيع عشان تاخذ فلوسكـ

معلومه حبيت افيدكم فيها كل ما زاد عدد الحوادث زاد مبلغ التامين مثلا (( مامن 350 وصار لكـ حادث بالمستقبل يزيد عدد التامين بنسبة قيمة اصلاح الحادث يصير مثلا 550 )) او ما يسمى بنسبة التحمل وبعض شركات التامين قبل ماتامن عندهم يشوفون عدد الحوادث الي عليكـ

لاكن الشكوى الله شي لابد منه

والله يكفينا ويكفيكم شر الحوادث

يمدحون (( ملاذ ))

تعاملهم طيب ونسبتهم معقولة نسبيا .. ياخذون 2% من القيمة اللي تحددها

التعاونية الحين صاروا يماطلون ويتعززون .. صار لواحد من اخوياي حادث والله يا تقروشنا معهم قروشة واخرتها مصلحينها في بالبيد اللي بطريق خريص !! وهي bmw !

انا التعاونية لاكن شكلي بغيره لا انتهى لان ولدد خالتي صددم بالتيما 2008
وقعد يمكن 4 شهور ما عطوه القيمة

وش رايكم في المتحدة؟؟

اقتباس:

---

المشاركة الأصلية كتبت بواسطة abdulrahman naf

أنصح بالتعاونية ..
وعلى طاري اخوي [[ أميير ]] انه بـ 2000 ريال "الفين" >> الرجاء التأكد !
لأني مأمن التعاونية شامل وما صكيت ذا المبلغ ! بس ما اذكر كم كان حقه !

---

متأكد عزيزي من كلامي 100%
لانه صاحبي مأمن عندهم

عموما هو يروح ويتأكد بنفسه

سند بلس تمام

انا مسويها

شكل سند بلس روعه


بس بكم ؟؟

سند بلس بـ 750 ريال واذا بتضيف الركاب الأربعة راح يوصل بحدود 1022 او زيادة شوي

طيب وين موقع تأمين سند في جدة ؟