تكفون تكفون يااهل الشرقيه...

السلام عليكم ورحمة الله وبركاته

كيفكم اخواني عساكم طيبين وش مسويين المهم مااطول عليكم :d
واحد من اخوياي اللي يعزون علي شرواكم معه هوندا 2009 عنابي
وراح للشركه يسدد ويوم خلص وطلع تخيلوا ماحصلها يعني انسرقت هو انهبل:eek: وماصدق وعمم عنها وسأل الشركه لايكون ساحبينها قالو لا ماندري عنها المهم انه له 3ايام الحين والله ياشباب انها ماتعدت ال30 الف كيلو يعني جديده وهو زعلان ومتضايق :confused:
فانا قلت مالي الا اخوناي اللي بالمنتدى وساكنين بالشرقيه كانهم شافوها يعلموني وهذي رقم لوحتها أ ل س 8027 لونها عنابي فل كامل وزنن مركب فيها حق لكزس والله انها يحبها تكفون ياشباب اللي يشوفها يبلغني والله لايهينكم وبيض الله وجيهكم مع العلم انها نسرقت بدون كسر قزاز او اي شي كييف ماندري ؟؟؟:(:(

اااه يكون في عونه ترى بعض الشركات عندهم مفتاح احتياطي للسيارات :confused:

اقتباس:

---

المشاركة الأصلية كتبت بواسطة جسوم البحراني

اااه يكون في عونه ترى بعض الشركات عندهم مفتاح احتياطي للسيارات :confused:

---

امين بس سأل الشركه هو قالوله لامااخذناها:confused:

مستحيل تنسرق بسهولة الا اذا مخليها تشتغل او احد عندة نسخة من المفتاح ومبرمج.. او مسحوبة اذا مطلعها من غير الوكالة

المهم سرقتها صعبة لكن ان شاء الله تحصلونها

كم مرة انزل من موتري واطفيه واشوف مواتر 2010 جديدة تشتغل ومافيها احد ،، متى تتعلم هالناس تطفي مواترهم وتاخذ المفتاح

يشتكي الوكاله

كيف تطلع من غير ورقة خروج , مين طلعها , مادام هي داخل مواقف الصيانه تعتبر السياره مسئوليتهم

ميشو الرجال يسدد ،، يعني يسدد القسط يمكن :)

اما اذا مثل ماقلت لا والله المسئولية مليون بالميه على الوكالة كيف تطلع بدون ورقة قبل التسديد ؟؟؟

شباب هو مطفي موتره والفتاح بيده ورايح يسدد القسط مو للوكاله للشركه التقسيط

والله غريبه !

طيب شركة التقسيط معروفه ؟ وهل الرجال يتأخر بالتسديد ؟

شي غريب صراحه ويقهر بقوة ,,

الله يكون بعونك ..

ياخي والله مادري ليش عندي احساس ان الشركه هي الي سرقتها بحكم ان عندها نسخه للمفتاح
والله يكون بعونه ويارب يحصلها بأقرب وقت
اميين يااارب

مايحصلها إلا عند الشركه

والله لوالي سارقها المارد

بدون كسر ولا شي

ومطفي السياره

لا حول ولا قوة إلا بالله ،

الله يصبر صاحبك

فعلا ظلم

بس بقول لكم شي يا شباب لو بتنزل 10 ثواني طف السيارة وخذ المفتاح

سؤال بسيط..

هو بلغ الشرطة؟؟

اذا ما بلغ.. وش ينتظر ؟؟

و اذا بلغ.. رح يصير تعميم.. و بيحصلوا السيارة.. واذا السيارة معاه مفتاحها وهو متاكد انه قفلها..

فاللي اخذ السيارة مليون بالمائة شركة التاجير اللي ماخذ عن طريقها السيارة..

نصيحة له..

لازم يبلغ الشرطة قبل كل شي..

حتى لو عرف ان الشركة اخذتها..

يعطيكم الف الف عافيه ومشكورين بس اكيد ومافي غيرها الشركه اللي ساحبتها بس اللي يقهر زياده انه راح لهم وقالوله ماعندنا شي..؟؟؟

مستحيل هذا الشي يصير

انا ابصم لك بالعشره اذاكانت السيارة تاجير انه الشركة هي اللي اخذتها وخله يروح الحوش حق السيارات حقت الشركة ويدور عليها

الله لايبارك في اللي اخذها

أخوي تأكد وبعدين ما جاوبت هل الرجال يسدد بإنتظام والا لا لأنه لو ما يسدد بإنتظام فتأكد إن شركة التقسيط راح تسحبها.. وودك تكون عند شركة التقسيط ولا مسروقة ويعدمها السارق..

وللمعلومية سحب السيارات المتأخرة اقساطها ممنووووووووووووووووع الا بالتنسيق مع الشرطة وغيره، واذا طلعو هم احلى شكوى عليهم واحلى تعويض ، وخله يبلغ اذا للحين مابلغ

اذا ما فيه تكسير قزاز ما فيه الا هم ماخذينها

هو متأخر شهرين بس وراح سدد لهم ويوم طلع ماحصلها والله انه مايدري وش يسوي...

غريبــــــــــــــــــــــــــــــــــة
لكن مثل ما قال واحد من الشباب روحوا الحوش حق سيارات الشركة
يمكن حمار سحبها ولا عطى الشركة خبر كل شي جايزززز.