عرض للطباعة
السلام عليكم ورحمة الله وبركاته
بإذن الله ناوي على الاكورد بس عندي كم استفسار يليت القى لهم جواب :
1- هل متوفر موديل 2009 بالوكالة ؟ لون عنابي ؟
2- طبعاً مااقدر على سعر السيارة كاش , فكم تطلع علي اقساط السيارة من شركة تأجير بدفعة اولى 5 اللاف ؟!
3- وش افضل شركة , نظام لشراء السيارة اقساط واقل فوائد ؟
تاجير حلوة ماعليها وتعاملهم مناسب من ناحية الفوائد بنك الرياض هو الاقلاقتباس:
المشاركة الأصلية كتبت بواسطة نارو11
بالتوفيق والله يكتب لكـ الي فيه الخير
هل انت متأكد ان اللون مو موجود ؟
ة^^
اكيد 100%
رحت انا باخذ قالي 2009 عنابي
من 6شهور مخلص من الوكالهـ< الشرقيه
ومستحيل تلاقي واذا لقيت
اسود يمكن بعد
باخذ السياراة من شركة تأجير , دفعة اولى 5 او 10 الاف , كم راح يطلع علي القسط الشهري والدفعة الاخيرة ؟
وهل اذا خليت بنك الاهلي يشتري السياراة وانا اقصدها عليه راح تطلع الفوائد علي اقل ؟!
حبيبي هاذي ماحد يقدر
يحسبها لك الا الشركهـ
لانه كل شركه لهم نسبه ربح:cool:
كم وصل سعر ال2009 ؟ وايش الالوان المتوفرة فيها ؟ + متى بينزل شكل 2011 ؟
معليه على كثرة الاسئلة ,
انا سالت قبل فترة عن القسط الشهري
وقالي 2300 ريال . . .دفعه اولى 10000
هذا اي موديل ؟ والتقسيط على اي شركة ؟اقتباس:
المشاركة الأصلية كتبت بواسطة yasser amj
قسط او خذ سيارة عن طريق اسرائيل
ولاتفكر تاخذها عن طريق بنك الاهلي نصيحة :mad:
بالتوفيق
1- هل متوفر موديل 2009 بالوكالة ؟ لون عنابي ؟
غير متوفر شريت سيارتي منذ ثلاثة اشهر و كانت الالوان الموجودة اللؤلؤي و الرصاصي و الفضي
2- طبعاً مااقدر على سعر السيارة كاش , فكم تطلع علي اقساط السيارة من شركة تأجير بدفعة اولى 5 اللاف ؟!
تقريبا الفايدة 11 في المائة
لسيارة اقساط واقل فوائد ؟
اخوي نصيحة لوجه الله وادري الحين بعض الاعضاء حيضاربوني
فكر مرة أخرى قبل تشتري هوندا فكما فهمت من كلامك انك انسان ماتبغا سيارة تتعبك وتخدمها أكثر من ماهي تخدمك
الهوندا سيارة كشخة ورزة لكن اللي يقولك حقت كرف ومشاوير والله العظيم غلطان وقطعها ناااررررررررر مقارنة بباقي الشركات
هذا غير غلاء الصيانة يعني بقولك قصة صارت معانا عشان اقربلك الصورة
صحن الكلتش خرب عليا بعد 180000 كيلو فقط وللمعلومية السيارة جير عادي وهذه تعتبر مسافة قليلة جدا عشان يخرب الصحن تخيل
انو كلفتني قطع بس حوالي 1700 ريال وطلبوا
بالوكالة شغل يد 2000 ريال وبهالملغ تشتري جيربوكس كامل حق فورد
في النهاية اذا انت مستعد للدفع اشتر هوندا واذا فلوسك على قدك وخر عنها
وعلى قولت المثل اسأل مجرب ولا تسأل ......
:rolleyes:
الله يعينكـ
بس كلـ شي يخترب بسبب
..
بس الحين من بعد ماصلحتها
ماتحس السياره تستاهلـ؟؟
المبلغ الي دفعته فيها
ا..
وصج غاليهـ القطع :p
بس شنسوي
والسياره عندي وماشفت شي الحمداللهـ رب العالمين
وانت الوحيد الي سمعت
الي صارت له هاذي المشكلهـ
وربي يكون بعونك
اول شيء اللي يقولك الاكورد مو حقت كرف هذا ماعنده خبره مع احترامي للجميع
طبعا الاكورد يسمونها في الصناعيه ( مرسيدس ياباني:cool: )
لاحظ انها نفس الفكره قطع غاليه بس تركب وتنسى
واصلا مايحتاج اخوض معك في مواصفاتها وقوتها لان الشباب في المنتدى ماقصروا
لو تبحث بتلاقي
الاهم / اذا كنت موظف لا تاخذها ايجار منتهي بالتمليك وانا نصحة كثير في هذا المنتدى ( ترى الموضوع مشكوك فيه وفيه تلاعب بين حلاله وحرامه ) انت حاول تاخذ قرض اذا كنت موظف واذا ماقدرت فخذها اقساط فهو اضعف الايمان حتى لو كانت الفائده كبيره ..
والله ياشباب اعرف كثير ومنهم اخوي راحت سيارتهم وبعضهم راحوا اهم وكلهم سياراتهم ايجار منتهي بالتمليك ...
لاحضوا ان فيه تلاعب في البنود وبدون مصداقيه ...
والله يوفقك
--( مجرد رأي )--
- هل متوفر موديل 2009 بالوكالة ؟ لون عنابي ؟
ج/ أنـآ الجمعه الي رآح بالوكـآله مـآفيه 2009 نهـآئيـاً طبعـاً أتكلم عندنا بالريـآإض ..
2- طبعاً مااقدر على سعر السيارة كاش , فكم تطلع علي اقساط السيارة من شركة تأجير بدفعة اولى 5 اللاف ؟!
إن كـآإنكـ بتشتريها بالتقسيط من عندهم على حسب الراتب ، وعندهم عرض أكورد بلس يمكن يعجبك ..
3- وش افضل شركة , نظام لشراء السيارة اقساط واقل فوائد ؟
أنـآ من رآئيي إنكـ تآخذ من البنك قرض أيسر لك ..
;) اجل ماعندناخبرة
اخوي حبيبي وين خبرتك يوم سيارتك 2009 ومالها معاك غير سنة ؟؟؟ اكيد حتقولي سمعت من اصحابي (يحليلك)
شباب عدوا معاي انواع المشاكل اللي واجهتني بالاكورد
1-تلف صحن الكلتش والديسك والفحمات
2- تلف لي زيت الدركسون
3- تلف علبة الدركسون
4-تلف كراسي المكينة
5- تلف البوري لاكثر من مرة وتراه مو رخيص ابو عشرة ريال زي الونيت
لسا السيارة ماشية تقريبا 180000 واللي يقولي هذا كثير والسيارة شي طبيعي تخرب عند هالمسافة اقوله حبيبي جربت
سيارات كثيرة وعمره ماحصلت هالاشياء خلال 3 سنوات بحكم انو السيارة ياباني 100%
ومع احترامي الشديييييييييييييد لبعض الاعضاء اللي مايستعمل سيارته الا قليلا وتلاقي ممشا السيارة شي بسيط ويدعي
الخبرة أكرر بعض الأعضاء
الله يستر من الجاي يا هوندا
ولكن لك احترامك :rolleyes:
اقتباس:
المشاركة الأصلية كتبت بواسطة غلطتي هوندا
معليش ياخوي ولد عمي معه 2007 وماشيه 220000وماشاء الله ماتشتكي من شي وكل شهرين ثلاث رايح جاي من جده للخفجي
انا ودى اشارك يا اخوان بها الموضوع صحيح هوندا لها تاريخ مشرف بالجوده والفخامه بس اسمحولى انا اوافق اخوى غلطت هوندا بالمبداء يا اخوان انا عندى اكورد 2008 جننت ام امى مشكله الهوبات وامرها هين مالنا الى خرط وقماشات ويالله الخراج لاكن انا عندى مشكله الرجه بالكفرات بالاصح بالدركسون ايش اسبابها ما ادرى لاحد يقلى ترصيص ولى كفرات ولى جنوط ولى عكوس ولى دوده ولى خلرابيط انا فحصت السياره با لوكاله وكمالن وديتها عند اطلق الورش بالرياض والدمام والخبر والبحرين والقطيف كلهم يقولون مايدرن وش العله اسف على الاطاله بس هوندا يبيلها واحد كريم يصرف عليها تقول كنا واحد من عياله ومافي احد طلع هوندا من 2008 ومافوق الى ويشتكى من البريكات واتحداكم والسلام ختام ؟
طبعا موجود في الوكالة اكورد 2009 والالوان الموجوده
ازرق فضي اسود سعر الفل كامل 89 الف والنص فل 81 الف
طبعا تطلع السيارة تاجير على خمس سنوات اذا كانت فل كامل
120الف اقساط دفعة 10الاف وكل شهر 1800 لمدة خمس سنوات
طبعا هذا تقريب للسعر والقسط والدفعة
ممكن تكون اقل او اكثر على حسب راتبك والدفعة
سيبك من اللي يشتكون
تلقا الواحد ياكل مطبات وحفر وغير الغشامه وعدم فحص السياره ويقلك الاكورد خرابات
اسمع انا معي اكورد 2009 خالي 2007 ولثاني سيفك 2006 وولد خالي 2001
والله انه موتر وكلهم يمدحونه ومحد اشتكالي منهم وانا قبل ما اطلع السياره سألتهم وقالولي توكل وماراح تخيب ضنك الاكورد
فتوكل اخوي وطلع الاكورد
تحياتي
طيب دفعة اولى 10 اللاف , ابي القسم الشهري اكثر شي ما يتعدى ال1600 هل فيه امكانية !؟ وهل بدفعة اخيرة او بدون ؟اقتباس:
المشاركة الأصلية كتبت بواسطة همس الامواج
السلام عليكم ورحمة الله وبركاته
اخوي راح اشرح طريقة البيع بالاقساط ( للموديل 2010 )
طبعا راح اشرحها شرح بسيط من واقع تجربه مع شركة ابو هاشم
بالنسبه للفل 4 سلندر ex مخمل
سعرها كاش 96500 ريال
اذا تبغاها اقساط راح يحسبونها لك دفعه اولى تقريبا 20 الف ريال
وراح يكون قسطك الشهري حوالي 2250 ريال+الدفعه الاولى بيكون الاجمالي مبلغ 128000
اي ان الفائده بتكون تقريبا 9% سنويا
وفي حال الانتظام في السداد راح يسترجع لك مبلغ 6000 ريال تقريبا تقديرا على حرصك في السداد (نقلا عنهم )
يعني لو انتظمت في السداد تكون الفائده 7% باجمالي مبلغ 122000
طبعا الله يعينك على الشروط الغريبه من أبو هاشم اللي بتخليك تدخل في حاله من الوسوسه
بحيث انك بتطلع تتأكد من اللوحه اللي برا ...انت في شركة عبدالله هاشم ولا في شركة الغسان جاي تشتري بنتلي لكن لاتستغرب من ابوهاشم وحركاته (وابشر بطول سلامه)
وانا والله ما انصحك بالتأجير المنتهي بالتمليك لانه من الناحيه الشرعيه عليه بعض المآخذ تأكيدا لما ذكره بعض الاخوان في الردود السابقه (ومن ترك شيئ لله عوضه الله خير منه )
موفق ان شاء الله
^^^^^^^^^^
من ترك شيئاً لله عوضه الله خيراً منه
المشكله انه كل شي عندنا سار ربوي
القرض لازم ترده ربا
والاقساط ربا
والتاجير ربا
أي قرض جر منفعه فهو ربا
الله يجيرنا من هالزمان
والله يكون في عونك اخي صاحب الموضوع
:(
اقتباس:
المشاركة الأصلية كتبت بواسطة memories
كلامك صحيح اخوي
اغلب البنوك والشركات اذا جيت بتاخذ منهم قرض قالوا لك نشتري لك حديد او رز ونبيعه لك ( على أساس يشعرونك ان تعاملهم موافق للشرع )
لكن انا في نظري ان افضل طريقه لأخذ قرض انك تطلب منهم اسهم بقيمة المبلغ اللي يناسبك بعدين يدخلونها في محفظتك وانت حظك نصيبك متى ما حبيت تبيعها بعها
يعني ممكن تبيعها بربح وممكن لا قدر الله بخساره
بس هذي تخرجك من مسألت الشك في شرعية قرضك
( اللهم اغننا بحلالك عن حرامك وبفضللك عمن سواك )
أأسف لخروجي عن الموضوع الاصل
دمتم بود
^^^^^^^^^
جزاك الله خير
قال صلى الله عليه وسلم " درهم ربا يأكله الرجل وهو يعلم ، أشد عند الله من ستة وثلاثين زنية " [أخرجه أحمد في مسنده والطبراني في الكبير عن عبد الله بن حنظلة]
( الربا ثلاثة وسبعون بابا، أيسرها مثل أن ينكح الرجل أمه، وإن أربى الربا عرض الرجل المسلم )
او كما قال عليه الصلاة والسلام
:)