السلام عليكم ورحمة الله وبركاته
مساء الخير
انا اللحين اكتب هالموضوع من الوكاله في مدينه الرياض فرع خريص
والسياره عندهم اللحين والله الي شفته الى اللحين استقبال ممتاز وترحيب جميل وخدمه حلوه لاكن كل شي يبين بعد الفحص
نبغى كل واحد راح الفحص المجاني يقول موديل سيارته وشو الخربات فيها الله لا يقولها
وانا بخبركم بعد ما استلم السياره وكل شي صار معه
والي شافني قاعد على الكمبيوتر لايعلق الحلاقه امس الحلاق خرب شعري الله يسامحه :p:p
نتمنى التفاعل :)
انا اتكلم عن نفسي
وديتها يوم الأربعاء اللي راح لوكالة الجبيل
بصراحه استقبال أول مره اشوفه اول ما استقبلنا الموظف عن البوابه الخارجيه
فتح الباب وقال تفضل انزل بعد مانزلت
حط لي الورقه اللي تجي في الأرضيه وكيس على مرتبة السواق
وطلبته وحده وحطيتها على مرتبة الراكب الأمامي <<< ببلاش :d
بعدها دخلت الإستقبال جبت من عندهم ورقة التشييك وأعطاني كاس عليه إسم هوندا
مساكين اللي ماراحوا راح عليهم الكاس هع هع هع
شوي دخلت على الرافعه شيك على السياره من تحت كل شي تماااام :cool:
شيك لي من داخل الكبوت تماااام :cool:
شيك لي على الأنوار الخلفيه والأمامية كاملة تماااام :cool:
قال يا الحبيب أنت عندك مشكلتين بس وكل أبوها بسيطه وعاديه جدا لأنها أشياء إستهلاكيه
قلت عطنا مافي جعبتك <<< حلووووه صح :d
قال عندك بس البريكات الخلفية وزيت القير يبغالهم تغيير بس
قلت الحمد لله
شوي الا ويجي ذاك الرجال ويمسح ركن الزجاج الخلفي ويحط ذاك الإستكر اللي يحبه قلبك
زي اللي يقول ابن امك تجي ثاني مره ترانا عارفين ( هـ ـ ـ ـع )
بعدها جاني حق الإستقبال وقال خلني أعطيك التسعيره
عطاني التسعيره تقريبا ( 1100 ) حق زيت القير والبريكات الأربع حسب طلبي طبعاً
هذا ماحصل معي في يوم الأربعاء 21/05/1431هـ
بوكالة هوندا الجبيل خلال فترة التشييك المجاني
إحترامي لكم جميعا
^^^^^^^^^^^^^
يعطيك العافيه فؤاد باشا
طيب بالنسبه للتقرير الفني هل يعطيك برنت بالتقرير ولا مجرد كلام شفهي!!!
:)
ياشبـاب
متى يخلص الفحص
ابي الحق عليه قبل لا ينتهي
أخوي الشامخ بالنسبه للفحص في الرياض ينتهي الثلاثاء او الأربعاء فرع خريص فقط
ميمو هلا والله يا الخوي
وين الناس ما اشوفك بالقروب امس من المغرب للساعه 11 وانا بالقروب انتظرك يادب
الموهيييييييم بالنسبه للتقرير يا الغلا
هو اول ماتوصل للوكاله بيطلب منك تروح الاستقبال حق الصيانه عشان تجيب من عندهم ورقه خاصة
بالتشييك هو يعبيها ويعطيك الورقه البيضاء بس
هذا كل مافي الأمر بس انت اطلبهم الكاسه لا تنسى حلوووه ازرق ومكتوب عليها هوندا بالانجليزي بالأبيض حلوووووه
يااخوان كم ساعة اخذت وقت من ساعة الوصول حتى اعطاء التقرير
هل هناك انتظاااار طويل؟
^^^^
ماتكمل ربع ساعه
,,,,,
انا الصراحه اول مارحت ويدخلوني ويخلوني انزل من السيارة ويحطون علي مقعد السواق كيس والارضية ورق للراكب والسواق
وقلتله شيك ع الهواء
وشيك ع البوري والانوار كلها مع الفرامل والتعشيقات والمكيف وبعدين رفعها ع الرافعه وشيك عليها من تحت وقال ماشاء الله مافيها شيء
وبعدين نزلها وفتح الكبوت وشيك عليها
وزاد الناقص في موية اللديتر
وانا سيارتي سبيشل شيك ع كشافاتي ^_^
ايه وعطوني كوب كبيييييييير هههههه لونه اسود وكتوب عليه honda بالابيض ^_~
الموهيم قلت للمهندس الكبير
قلتله ابيك تشيك ع الدركسون فيه صوت
المهم اخذ فيها لفها وانا وخوي معاه وقال هذا عادي بالنسبه للأكورد
وقلتله طيب اصوات ديكور المسجل قال هذي نسويها في جده <<< ياحظ اللي بجده "ماشاء الله " هههههههه
قلتله وش تسوون فيها قال نزيد الحشوة ولا يصير لها صوت ابد ابد
قال ان شاء الله تسير علينا هناك ونسويها لك قلتله ببلاش قال ايه ^__^
وقلتله طيب صوت الباب لما اخذ مطب
قال لازم تشحيم وكل شهر او شهرين شحمه
وبس ^_^
ايه صح قالولي عندك الأقمشة شبه منتهية والهوبات يبيلها خرط
>>> ومعليش طولت عليكم ^__^
^
طيب شغالين العصر ؟
^^^^^
اكيد
الين صلاه العشاء
معليش تأخرت عليكم
المهم الحمدلله استلمت سيارتي تقيمي للخدمة جيدا جدا وتعاملهم ممتاز وانصح الي ما راح يروح مادام الدعوة مجااني انا طلع في سيارتي البطاريه والكفرات والأقمشه الخلفيه ومنفاخ كرسي السائق خربان اما غير ذلك الحمدلله
الفحص ينتهي 6 -may- 2010 للرياض والدمام وجده
والسيارة تاخذ تقريبا اذا دخلت الورشه نص ساعه ومسموح الدخول لك عشان تشوفها بنفسك
واي خدمه حاضرين
وين التفاعل يا شباب :(