هذا ما حصل معي في الوكاله
السلام عليكم
أمس رحت الوكاله عشان أصلح المكيف طلع العطل كويل المكيف طبعا سعر 327 ريال خصم 20 % بس لازم تصلح بالوكاله قلت ما في مشكله رحت الصيانه قالو لازم تغير الكويل و الكلتش والمكرات الداخلية بقيمة (1200 ريال مع القطع واجور الاصلاح ) قلتله طيب عندي ( الكلتش والمكرات ) ما هي خربانه كيف أغيرها قال هذا سستم الوكاله
وبالصدفه أحصل واحد نفس المشكله اللي عندي بالضبط ومشو عليه الحركه
الشهادة لله علمته قبل ما يدفع قدام حق الصيانه والقطع اللي ما عجبه كلامي وسكته بعدين لأنه يقول مايجوز التحدث مع الزباين بأن هذا الرجل صديقي وانا ما أعرفه بس فزعة بس مشوو الحركه عليه
أخذت القطعة ب 368 ريال بدون خصم وشغل يد 130 ريال بدون ما يروح الفريون
بس أحس برودته شوي فيها ضعف والسيارة وهي واقفه يقل بشكل ملحوظ التبريد
أنا شاك إن الفريون مو أصلي لأني مر خليت أخوي هو اللي يعبي الفريون وشكلهم نصبو عليه
المهم أنا حصلت عدة أنواع للفريون وأبغا منكم تدلوني على الأفضل عن تجربه وهي كالتلي
1- فريون أمريكي ( مكسيكي ) 180 ريال
2- فريون أمريكي 100 ريال
3- فريون أمريكي عند محل اخر 140 ريال
4- فريون إنجليزي 100 ريال
5 - فريون فرنسي 100 ريال
6- فريون صيني درجة أولى 100 ريال
الرجاء منكم إعطائي أفضل الأنواع للفريون وهل نقص الفريون أو جودته تؤثرعلى التبريد
وشكراا لكم
ودمتم سالمين :)
