عرض للطباعة
ياشبااب عندي مشكله بالزيت.ينقص ليه مدري
ينقص تقريبا من نص علبه الى علبه الا ربع.....
علمااا سيارتي اكورد 2008 4سلندر
وسئلت كذا واحد يقول في الرياااض لازم السياره تنقص زيت....
وانا بصراااحه خايف على موتري يكون فيه شئ خرباان
وانا ما صلحته............ معليش على الاطاله
اتمنى انكم تفيدوني......:mad::mad:
وش نوعية الزيت الي تستخدمه ؟
وشيكته بعد كم ولقيته ناقص ؟
وهل شيكت اسفل السيارة (صرة الزيت) فيها تهريب لو لا ؟
شوف الزيت ماينقص إلا إذا كان فيه ترهيب
مو معقوله يتبخر , وهو معروف ان الزيت يتحمل لدرجات عالية من الحراره ولا يتأثر
لكن احرص واهتم بصيانة الوكالة كل 5000 كلم حتى لاسمح الله صار شي بالتالي راح تعوض
وشيك على اسفل السيارة والجوانب ممكن يكون فيه تهريب او الصره ماتقفلت بشكل محكم !
(قبل لا تشيك على تهريب الزيت غسل السيارة من تحت حتى الزيوت تنزل ويبين معاك اكثر)
ينقص من سرعه زايد وان مجرب خفف سرعه وتشوف
في نقص طبيعي يظهر في كل السيارات ويسموه تبخير الزيت لكن تختلف النسبه من زيت لزيت اخر
في البداية شيك على اسفل السياره لاستبعاد وجود تهريب
ياليت تذكر نوع الزيت المستخدم
هل ينقص عليك بعد ممشى 3000 الآف أو 3500 كيلومتر ؟؟
هل تمشي دائمآ بسرعات في حدود 160 كيلومتر بالساعة
اذآ طبيعي جدآ اذا كنت تستخدم زيت خفيف مثل كاسترول وموبيل وحتى زيت هوندا
كل ماذكرته لك من واقع تجربه بنقص الزيت عندي حتى يوم السيارة كان عدادها 5000 كيلو متر وتوها جديدة :)
كل سيارة لها قدر محدد من النقص ..يكون في حدود الطبيعي
واذا زاد عن الحد هذا ..معناه في مشكله
واذكر في كتيب السوناتا مكتوب قدر استهلاك الزيت ..1 لتر لكل 1000 كيلو .!
فـ اكيد الهوندا بتكون في حدود هذا الرقم بحكم انهم يتماثلون في سعة المكينة
وعموما النقص الي تقول عنه يحصل بعد اي مسافه ...؟
وهل انت من النوع الي يدعس على السيارة كثير ..؟
وعموما اكيد بيكون في حدود الطبيعي ان شالله
وبالتوفيق ...
^^^^^^^^^^^
100 لتر كل 1000 كيلو !!!!
السياره ماتاخذ الا 4 لتر وعلى حسب نوعية الزيت تحسب المسافه
حتى لو فرضنا انك كتبت 100 بالغلط والمقصود واحد لتر
يعتبر كثييييييييير جدا جدا جدا
الا اذا كنت تقصد 0.1 لتر يعني تقريبا 0.5 لتر كل 5000 كيلو
النقص طبيعي بشكل خفيف زي ماذكر معظم الشباب
ولكن بعد مسافه واذا كانت القياده بسرعات عاليه
:)
:confused:
انا معي 2008 و 4 سلندر وماشي 90000 كم
ودايم امشي خطوط طويلة وسرعتي ما تنزل عن 180
وانا من الناس حريص على تشيك الزيت ودقيق في هالامور
ولامرة لاحظت نقص بالزيت
اغير الزيت بالوكالة كل 5000 كم ومرات كل 10000 كم
اخوي صاحب الموضوع
ممكن اتوقع يعني :d ما تغير الزيت بالوكالة
انا اشوف الوكالة لما تفك الصرة وترجع تركبها
يغيرون الواشر ( الوردة ) اما البناشر لاحظتهم ما يبدلوها ينظفوا القديمة ويرجعوها
ممكن في تهريب بسيط من هنا من هذا السبب
الله اعلم لازم تشيك السيارة و برأيي تأكد ان الوضع عندك مو طبيعي
تحيتي واحترامي للجميع
يا شباب الزيت بترووومين 20على 50
وشيكت على الصره طلعت سليمه والحمد لله
اما بالنسبه للقياده بسرعات عاليه انا اسرع بس مو مره حدي 140-الى 150
طبيعي طال عمرك
خلك على سرعة 120 لمدة 5000 الآف اذا قدرت وبدون دعس مفاجئ وشوف هل ينقص ولا لا ... واذا لاع معناها طبيعي والنقص عندك بسبب الدعس والحرارة يتبخر الزيت
ولتر واحد ينقص لكل 1000 الف كيلومتر / 625 ميل يعتبر طبيعي جدآ حسب رد المصنع في اليابان وحسب المكتوب بالكتيب ان معدل استهلاك الزيت يكون اعلى اذا كان المحرك جديدآ
راجع كتيب المالك في صفحة إجراءات عند الوقوف في محطات الخدمة
ياابو هادي انا استخدمت زيت الترا سفن (بترومين) لمره واحده فقط ولاحظت نقص بالزيت بعد 3500 كيلو واضطريت ازود الزيت
عموما في نقص بكل الزيوت شي طبيعي لكن يختلف النقص من زيت لزيت
ومن تجاربي لثلاث نوعيات للزيوت وهي الترا سفن وشل سوبر بلس والاثنين 20-50 وزيت موبيل اكس اتش بي 15-40 بعطيك الخلاصه
كلهم لزوجتهم ممتازه بعد مسافة 5000 كيلو لكن الترا سفن لاحظت نقص واضح بالمعيار بعد 3500 كيلو
شل سوبر بلس وموبيل مالاحظت نقص يستدعي اني ازود الزيت ...ولكن استمريت على موبيل لان لزوجته مثل لزوجة زيت هوندا
وسلامتك
السلام عليكم ورحمة الله وبركاته
انا قبل 6شهور شريت سياره هوندا2008 اربع سنلدر صارت معي نفس المشكلة كل ما غيرت زيت ينقص 2500 او 2800 اللاحظ النقص حاولي ثلاث مرات تتغير ثم رحت للوكالة غيرت عندهم الزيت وابشركم الان مشيت 4500 ولم ينقص شي يعني الفيمشكلة في
اللي يغيرون الزيت في البناشر مايعرفون المعيار الصحيح يعني رح غير في الوكالة احسن لك وتشوف الفرق السلام عليكم