المســـاعدة يـــا شبــــاب !!!! عااااااجل !!!!!
الســــلام عليكم ورحمة الله وبركاتـــه
صبــــاااااح الخيـــر ع الجميـــع
انا توني جديد على نادي محبي الهوندا وان شاء الله اننا نستمتع مع بعض
وانا ( واعوذ بالله من كلمة انا) عندي مشكلة كبيرة وباختصرها لكم
انا شريت هوندا اكورد موديل (2007 ) اللون لؤلؤي (4) سلندر فل كامل بتاريخ 13/11/2006 والحمد لله كانت ماشية معاي من احسن ما يكون لا وتراني مدلعها بعد اوديها الوكالة واغسلها يعني محافظ عليها بشكل غير طبيعي لأني من جد حبيت سيارة اسمها هوندا اكورد وبعد تقريبا ثلاث شهور يعني بتاريخ 10/2/2007 كنت ناوي اروح المطار اوصل واحد من الشباب عشان يبغى يسافر بس قال خلنا نمر عند فلان عشان اسلم عليه والله انها كانت خيرة اول ما وقفت السيارة إلا اشم ريحة زي الحريق وشوي إلا والدخان يكثر جيت افتح كبوت السيارة إلا عيا يفتح واحاول ولا فيه فايدة وشوي إلا ولعت السيارة حريقه وحاولت اتلاحق السيارة لكن بدون فايدة وكلمت المطافئ وجاوا بسرعة اول مرة يجون بسرعة والمشكلة ان السيارة كان بنزينها فوق النص قلت الله يستر لا تولع بالسيارات اللي جنبها ربكم ستر كسروا الشبك عشان يطفون النار راحت تقريبا نص السيارة وجلست افكر وش اسوي الحين انا طبعا اخذت السيارة عن طريق البنك الأهلي وعليها تأمين قلت بس خلاص التأمين بعوضني غيرها من بعد الله ومن يوم احترقت السيارة وإلى يومكم هذا وانا اراجع ما بين البنك والتأمين كل يوم يقولون اصبر اصبر إلى متى نصبر .
وازيدكم من الشعر بيت تدرون وش سوى التأمين قبل تقريبا ثلاث اسابيع اتصل علي واحد من البحرين يقول ان التأمين مكلفهم يكشفون على السيارة وطبعا جاء الرجال اللي من البحرين وكشف على السيارة وصورها وقالي ترى بأخذ قطع من السيارة اللي وصلها الحريق قلت له ليش ؟ قال عشان احلل القطع !! انا هنا استغربت من كلامه قلت خلاص خذ الي تبغى من السيارة بس سألته قلت له متى ترسل التقرير للتأمين قال خلال ثمان ايام قلت ok وما زلت استنى الرد من التأمين طبعا الشركة اسمها ( التعاونية للتأمين ) حنا اغترينا فيها وااااجد وطلعوا ما عندهم سالفة , ياليت يا شباب اللي عنده حل حق مشكلتي أكون مديون له بعمــري اسف اني طولت عليكم وان شاء الله بكرة راح احط صور للسيارة عشان تتأكدون من صحة كلامي هذا واللي عنده أي حل يراسلني على الايميل NAMS116@HOTMAIL.COM
أو رقم الجوال:0552616335
والســـــلام عليكم ورحمة الله وبركاتـــــــه .......
