السلام عليكم
من فتره وانا اتابع هذا المنتدى المميز واحب اشكر القائمين عليه واشكر جميع الاعضاء اللي يطرحون تجاربهم
المهم مالكم بالطويله قدر الله علي أدخل سيارتي الهنادي 2007 اربعه سرندل للووووكالة قلت خليني أشوف
ضعف العزم وش منه وقالوا لي نكشف عليها كامله بـــ400 ريال قلت اوكيه
واتصلت فيهم من بكرهـ واثاري مابعد جهزت الورقه والقلم من كثر اللي في التقرير تهي تهي تهي:(
قلت للمهندس جعله الصلاح اسرد لي اللي تحتاج تغير
قال لي
طرنبه مويه
مساعدات أمامية
صوفه مكينه أماميه
فلتر بنزين
فلتر هواء
فلتر مكيف
شداد
سير
بلف مدري وش حقه؟
تغير الزيت والسيفون ضروري اذا انفكت الصوفه
يوم خلص من الحتسي
قلت كل ذا كم يكلف يا بش مهندس
قالي تقريبا 6000 الاف ريال وكسرووو من الصدمه مالحقت على الكسور هههههههههههههههه
المهم طالب فزعتكم اتوكل على الله اسويها عندهم كل ذولي
او اطلع سيارتي عند مركز الجنوب بس والله اخاااف يلعبون فيهااااا
والله يعينك ياماجد لو صااااابر على سيارة الزوله الكورلا مو احسن لك هههههههههههههههههه:cool: عب بنزين وامش:rolleyes:
تحياتي لكم جميعا
ولي طلب اخير اخي المباشر ممكن رقمك على الخاص ابي فلتر مكيف لاهنت يالغالي
