عرض للطباعة
السلاام عليكم ورحمة الله وبركاته ..
كيف حالكم
بس حبيت اسأل عن الفحماات .. متى يغيرن تقريباا ؟؟
انا معي اكورد 2009 وماشيه الحين تقريباا 30 الف
وفيه بعض الاحياان اصووات للفحماات اذا ضربت بريك
لكن ابي الطبيعي .. للي سواقته طبيعية .. كل كم يغيرهاا تقريبااا ؟؟
والله يوفقكم كلكم .. واللي عنده اختبااراات الله يساعده وييسر امره يارب ..
الله يجزاك خير
كأنك حاس تصدق بكره عندي أختبار الخميس>>> ولا بعد الساعه 1 الظهر
الله يعني بس
بنسبه للفحمات كل 30 أو 45 ألف
على حسب سواقتك
أخوي طبق نصيحتي وراح تدعي لي
إتجه للوكالة و خذ طقم فحمات أمامي و خلفي وأهم شي الخلفي وخلها بالشنطة أول ماتسمع صوت الحساس ينبهك بإهتراء الفحمات
أقرب ورشة وغيرها لتلافي أمرين
1 / إحتمال تنتهي الفحمات و أنت في وقت أو مكان لا يسمح لك بالسير لمسافات لشراء الفحمات مثلآ يوم جمعة الوكالة مقفلة
2 / لو مشيت على السيارة و الفحمات منتهية راح تظطر إنك تخرط الهوبات و كل ماخرطت الهوبات ينقص من عمرها و أضف
لمعلوماتك بأن الهوبات الخلفية نحيفة وليست سميكة مثل الأمامية .. يعني أول ماتسمع الصوت غيرها ولا تخرط هوبات أبد
بالنسبة للفحما الامامية تجلس على حسب رجلك يعني إذا كنت مسرف بالفرامل وتسرع حدها 40 الف و إذا سواقتك هادية تجلس
لل50 الف بالراحة أما الخلفية مابين 25 إلى 30 الف إذا كنت هادي خلافه 20 الف بالكثير ...............
أسعار الفحمات
الوكالة
الأمامية / 238 ريال
الخلفية / 234 ريال
النعماني على كلامه وكالة أصلية
الأمامية / 220 ريال
الخلفية / 180 ريال
من وجهة النظري الامامية خذها وكالة و الخلفية من النعماني راح توفر حق التركيب بالراحة لأن الخلفية تستهلك بسرعة حتى لو إنها
وكالة ... أتمنى أفدتك تقبل مروري
حلو ماشاء الله 30الف للخلفيه
انا كل 20الف مغير خلفيه
رغم انه سواقتي مره رايقه بس مدري اش الخلل بالضبط
الاماميه مشت معي ل40
شباب
انا مالي 3 شهور مطلع سيارتي من الوكاله
والحين ماشيه 7500 فقط
ولاضربت فرامل اسمع صوت صرصره صصصصصصصصص ثم يروووح
وش السسسسسسسسالفه
اخوي فيه فرق بين الصرصره وبين صوت الأقمشة الخربانه ..
صوت الاقمشه الخربانه يقعد معاك على طول .. وكل ما مريت من جنب واحد والا جدار تسمعه واااااضح ..
اقتباس:
المشاركة الأصلية كتبت بواسطة accord 2010.
انفخها هوا ممكن يكون داخلها غبار
واذا الفحمات خلصت راح تسمع صوت الحساس و صوت يبين لك انها مخلصه
السلام عليكم
كيف حالكم جميع ان شاء الله من احسن مايكون
اخواني ابي اسالكم عن الفحمات
اولا انا اذا مسكت بريك وانا مسرع شوي ابدا احس برجه غير طبيعيه في الفحمات وكان الكفر يرج !!!
ثاني ابي اسالكم عن مكان يبيع لي الفحمات بالقصيم غير الوكاله التعبانه
ثالث شي اسمع الناس تقول فيه حساس ينبهك اذا الفحمات خلصت وين مكانه الحساس ذا !
الرجاء الرد على استفساراتي وجزاكم الله خير
^^^^^^
الحساس في نفس الفحمات
زي السيارات الأمريكيه
كأنه في شي يحك في الهوب ويطلع صووت مزعج زي الصفير
اما الرجه فهي طبيعيه في الهوندا بسبب سوء الهوبات والأقمشه
بالنسبه ليا الأقمشه الخلفيه غيرتها عال ٢٠ او ال٢٥ الف
وغيرت معاها هوبات اماميه عالضمان
:)
نعم اخواني وين مكان الحساس اللس ينبه بإنتهاء الفحمات
على فكره معناه بان الشركه تعلم تماما عن هذا العيب ووضعت هذا الحساس
للتنبيه وإلا ولاسياره فيها حساس لإظهار إنتهاء الفحمات
بسرعه ردو ياشباب واليت بالصوره أحسن
اللي يقول فيه زر يعلمنا وين يطلع الزر ولكم ودي
اقتباس:
المشاركة الأصلية كتبت بواسطة alessa
أخوي مكان الحساس بنفس الفحمات عبارة عن قطعها نحاسية صغيرة عند إهتراء الفحمات تبداء القطعة هذي تحك
بالهوب إنذار بأن الفحمات أوشكت على النهاية سارع بالتغيير ....
أما من ناحية بأن الشركة حطتها بسبب علمها بالخلل فهذا الكلام مغلوط و إنما تعتبر ميزة و هذي موجودة بجميع
السيارات الفخمة و بعض السيارات العادية مع العلم الأكورد توجد بها الميزه هذي من فترة ولكن يصعب علي تحديدها
هناك ملاحظه هامة
تأكد من تركيب القطعة ( الحساس ) عند تغيير الفحمات لأن بعض العمالة ينساها طبعآ بعض السيارات يتم تركيبها
بالفحمات التي تجي من المصنع أما الفحمات إللي تاخذها من الوكالة لا تتوفر بها هذه القطعة يجب عليك فكها من القديمة
و تركيبها بالفحمات الجديدة و تستمر هكذا و الأكورد بصراحة ما أذكر هل القطعة متوفرة أم لا يفيدونك الشباب
^^^^^^^^^
في السيارات الأمريكيه متوفره الميزه دي من الثمانينات مش من الأن وفي الالمانيه كومبيوتر
وفي السيارات اليابانيه والاسيويه عموما الحديثه اصبح الحساس عن طريق الكومبيوتر بدون القطعه النحاسيه
لأنه بصراحه قمه في الازعاج حساس القطعه النحاسيه التقليدي
:)
والله على حسب اذا طلعت معك رجه واصوات غيرها
شف انا غيرت الفحمات الخلفية قبل اسبوعين تقريبا ,,,
طبعا صوت الفحمات هذا طبيعي ولكن راح يطلع لك صوت عالي وواضح حتى وانت ماشي بدون ماتضغط على الفرامل وبعد ماتضغط على الفرامل يزيد الصوت ويختفي ويظهر لك بعد اي مطب حتى لو كان خفيف وحصلي هذ الموقف ورحت للورشة وكشف على الفحمات الامامية حصلها كويسة وكشف على الفحمات الخلفية وصارت المشكلة من الفحمات الخلفية وطالعه حديدة في الفحمات والحديدة هذي تحتك مع الهوب ويطلع لك هذا الصوت وهذا الصوت يسمى منبه الفحمات حسب كلام صاحب الورشة وغيرت الفحمات الخلفية وراح هذا الصوت المزعج ولله الحمد ,,,
هذا بخصوص موقفي مع الفحمات الخلفية ,,,
شبآب ترآ الفرآمل الخلفي آذآ خلص يطلع صوتـ مميز
كآنكـ جآيب ملعقه بلآستيك وتحكهآ بزفلت < كيف التشبيه :d
وبلعآدهـ تغير الخلفيه كلــ 20 آلف
بس لا تغيرهآ الا لمآ يطلعلك الصصوت