عرض للطباعة
سـلامن عليكم
بدون مقدمات انا نويت اتزوج كح < غلط مطبعي
اقصد نويت اشتري سيـارة
سيـارة اسمهـا
ALTIMA 6V
وش رايكم فيها بدون تعصب للهوندا او لغيرها من الشركات
ابي رايكم في الالتيما ..
ومشكورين
وعلى فكرة كان ودي بأكورد بس قطع الغيار <=- مشكله :p
ومتشكرين :rolleyes:
اولا مرحبا بك (حلوه)
انت فكر ليش بتشتري التيما
عزم اوكي طيب وبعدين =تشليح لاقدر الله طبعا من السرعه وعدم وجود ميزات للامان
مظهر الصراحه بدون تعصب هوندا
في الرساوه على الخط وخصوصا بعد الـ140 هوندا
وكلام عن مجرب...;)
قطع الغيار للنيسان غاليه نوعا ما ولا كن تبقى هوندا الاغلى
بس ماشالله ركب القطعه وانساها
واحين باعطيك الخلاصة:
انا قبل كان معاي زوووم 6 وملغمه وكنت مجنون سرعة ( احس اني طولت)
اونقلبت بها والله اني اعترف بسبب السرعة ماقدرت اسيطر على السياره وهي حابسه علي..
جلست 3 شهور بدون اي مبالغة ادور لي سيارة متوسطة وكاملة المواصفات
والحقيقة مالقيت
اخرتها وكالة نيسان مع منتصف 2006 تقربا اتفقت مع البنك الاهلي باقساط جدا ميسرة
فرحت الوكالة شقت الاتيما والدليل انو كان لونها اسود وما كان في الى فل بدون جلد
انا قلت اوكي طلبت اللون الاسود و6 سلندر وقير عادي ...:p
وتاخر الرد من البنك اي الموافقه على الطلب فترة اسبوعين لاني ايضا موظف في بنك اخر فقامو يتزققو:eek:
ويوم الثلاثا وانا طلع من الدوام قلت خلني ادق عليهم وكما توقعت ما في رد
ووكاله هوندا بجنب وكاله نبسان في طريق خريص
قلت خلني اشوف الهوندا (وقتها والله اني شايلها من راسي كنت ابي دزه وبس)
شفت السياره والله اوكي داخلية دلع ورايقة
والي اغراني سبب رئيسي انه قيمة الاربعه سلندر طلعت علي بـ85000 فل
والاتيما طلعت علي او بالحرى كانت بتطاع على بـ82000 6 سلندر بدون جلد
فكرت والله ليش الفرق هذا هذي 4 وهذي 6 سلندر
وبعدين انا كلها سنة وباذن الله وباتزوج اقعد اقحص (ادعس)وزوجتي معي:mad:
واستخرت ربي وقمت يوم الاربعاء ومافي راسي غير هوندا
وفي 3 ايام استلمت سيارتي
وانا اقولها لك اذا رجلك حاره ابعد عند الهوندا:d
والحمد الله الله وفقني في اختيارهااا
وسلامتكم...;)
اولاً الحمد لله ع السلامة ،،
ثانياً والله اني عارف ان الهوندا سيارة حلوه لكن بحكم خبرتكم بالسيارات بغيت رايكم في ( الالتيما )
يعني ابي عيوبها ومميزاتها
ومتشكرين اخوي الطبل على الرد الحلو ..
بصراحه أحب أعطيك الكلام إللي سمعته :
سمعت إنها تتفكك بسرعه و فيها مشكله المساعدات على طول تتفقع و ناس كثيره يشتكون منها و في واحد من الشباب بصراحه إنه محافظ ولا هو براعي سرعه ولا شي الولد بالزبده حق بنات في خلال سنه غير مساعدات مرتين على الضمان .
والله أعلم و الله يوفقك بالألتيما أو الأكورد
انصحك بالاكورد
موتعصب
بس الالتيما تتفكك وجودتها ماهي زي الاكورد
نيسان خذ لك ددسن غيره لا تاخذ
<<لاحظ بدون تعصب بس الفرق واضح
اخوي بقولك حسب معلوماتي
1) من ناحية قطع الغيار من قال ان هوندا اغلى من نيسان صح ان الهوندا غالية بس ترا نيسان مثلة يعني مثلا فحمات الاكورد طقم قدام ووراء ب400 وشوي والماكسيما 500
والصدام الامامي الاكورد 700 وشوي والماكسيما قريبة من القيمة
والرفرف الواحد الاكورد 400 والماكسيما 600 والكبوت الاكورد 1050 والمكس 1000 يعني قطع الهوندا والنيسان قرريبة من بعض والفرق ان النيسان ماراح تكون جودته مثل الهوندا ويمكن تقول ان هذي قطع المكس بس لا ترا النيسان كل قطعهم غالية .
2) الالتيما تطيح حول نص قيمتها اذا جيت تبيع وماحد يرغبه .
3) بعدين الاكورد ماتقارن بجودته ولا بشكله الاليم ولا وسائل السلامة ب(الكامري ولا المكس ولا الالتيما )
استخير و اتوكل على الله وانصحك بالالتيما
شوف بدون تعصب أو ميول ,,
اذا تبي شكل خارجي فالألتيما ..
اذا تبي شكل داخلي اكورد ..
اذا تبي دعس الالتيما ..
اذا تبي رساوه اكورد ..
اذا تبي جوده اكورد ..
اذا تبي رخص قطع التيما ..
اذا تبي توفر بنزين أكورد ..
اذا تبي سعر بعد البيع أكورد ..
اذا تبي تمشي ولاتفكر بالخرابات أكورد ..
اذا تبي أكثر أرسل على الخاص ;)
بدون تعصب انصحك بالاكورد..
أول شيء تستمتع و انت تسوق ..تشعر بلذه ..و رساوة و قوه جبارة .
الالتيما تتهربد بسرعه :)
و اكثر الشباب مترددين بين الاكورد و الكامري و الالتيما ...بس في الاخير يشترون اكورد ..
الاتيما حلوه ورهيبه و قويه بس نيسان لك عليها ...تاريخها ليس كتاريخ الهوندا ..
و اذا كانت نفسك تبي الالتيما لاتحرمها :)
وبعدين اسمحلي انت داخل عندنا هوندا و تقول ايش رايكم بالالتما ....سياره معفنه .:mad:
أخوي الألتيما سياره بسكويت يعني أي شحفه فيها يتأثر البدي وسواقتها مومريحه صح أنها V6 لكن وضعيه السائق مومريحه وتحس أنهم سوها من غير دراسه يعني الجوده في لسياره سيئه وأنت أختار أذا ماكان عندك مشكله خذها ولاتتردد ترا محركها من أحسن المحركات في العالم وتتحمل الكراف.
اقتباس:
المشاركة الأصلية كتبت بواسطة الـــظـــل
والله هذا اللي سمعته من 2 راعيين التيما .... تقولك تتفكك المساعدات والجامبينات والاذرعه ...
والله اعلم