تكفون صارلي هذا الحادث ممكن تشوفون الصور وتقدرون تساعدوني

حياكم

أنا اليوم صدمت صدمه قوية شوي بعد ما طلعت من الوكاله مباشرة
طبعا بعد ما رشيتها وضبطتها جاني واحد ملحوس وصدمني
ممكن تقولون لي كيف اقدر ازيل بعض الخدوش اللي فيها
الصور

http://files02.arb-up.com/i/00061/sl159xwn5z7o.jpg

http://files02.arb-up.com/i/00061/3rqgcfnv8dkz.jpg

http://files02.arb-up.com/i/00061/0u8ek2buav3j.jpg

http://files02.arb-up.com/i/00061/m5asfj1njkzd.jpg

اتمنى ما احد يسحب علي لاني متضايق منها وراح ادعي للي يساعدني في ازالة المقدور عليه بدون ورشات

الله يعينك في مصيبتكـ ..والحمد لله علي سلامتك //

الحادث واضح ان اصلاحة لابد لة سمكرة خفيفة جداً عند شخص متمرس ،، + بوية بالتأكيد ..

ادري انك خسران كثير وطفشت من الوكالة ..

اذا لك نية تجي غرب الرياض ادلك على ورشة كويسة وشغل نظيف وسعرها مرررة معقووول<<< واخوي الحين يصلح سيارتة فيها << ما سوا حفلة ابداً في ميدان القاهرة ..

واذا انك مررررة طفران .. شوف محلات التلميع .. يوخرون لك كل هالعلامات السودا ( المخوش ) بسهولة .. اذا ما كانت البوية هي المقشورة ..

الحمدالله ع السلامة ..

توضح الصور ان تقشر البوية في اطراف ( الحواف ) الرفرف ..

والباقي كله تعفطات في البدي مع بعض السواد بسبب احتكاك السيارة بسيارة اخرى ..

<< تكفى يالتحليل :d

الموهيم ياعزيزي ..

سو لها تلميع ب10 ريال من اقرب محل زينة او ورشة ..

وخل الصدمه فتره بعدين صلحها ..

ممكن عين .. وهذي دفعه الصدم دفعه عين وبلا ..

مثل كلام مجود
لمعها بتروح واجد من الحكه
بتبين بس خفيف خلها
احسن عشان العين
:p
حطها فتره وبعدين عدله وما توقع تبين واضحه

لمعها وبيروح السواد لكن الطعجات هي اللي بتبقى :(

حاس بمعاناتك توك مستلمها من بعد غيبه وتنصدم على طول الله يعيينك

آخووووي خلهآآآآ فترررة .....

وآذآ عليكـ آختبآرآتــ لا تخليهآآآ تآخذ تفكيركـ وآكبر همكـ ....

يا هلا فيك أخوي
أمرها بسيط جدا أنا أقترح عليك تروح أقرب محل زينة وتأخذ منه ملمع واكس وتلمع هذي الحكوك وراح تروح بكل سهوله والملمع سعره رخيص بــ 10 أو 15 ريال وخلها كذا فتره ولو أنت بالقصيم دليتك على ورشه بعنيزة أختصاصهم التعديل ويرجعها لك من أحسن ما يكون بدون رش بوية ولا سمكرة وشغلهم مضمون وإذا تعرف أحد بعنيزة اسألة عن ورشه أبوفهد إلي عمالته الباكستانية وشف وش يقولك .

لاحول ولا قوة الا بالله الله يعينك في مصيبتكـ ..والحمد لله علي سلامتك :(

اول شي وسع صدرك والي صار صار وهذا مقدر
فيه محل في شارع الضباب اسمه العنايه الذكيه مر عليهم وشوف وش بيقولك
فيه سوداني اسمه يوسف انت ادخل واللخمه قل انت يوسف عشان نحسسه انك تعرفه
عشان يخفض لك بسعر
وان شاء الله كل الامور تمام وحسبي الله ونعم الوكيل

الحمد الله ع السسلآمه , وسهآلآت يآرب ,,