عرض للطباعة
اولا السلام عليكم ياشباب ... ومساكم الله بالرضا والعافية
بخش بالموضوع سيده ...
انا ودي اظلل سيارتي عازل من اللي موجود عند حقين الزينه .. في نوعين كوري بـ 80 ريال وفيه امريكي بـ 150 ريال ... بس مدري هل بيفرق معي ولو 10 % من الحراره ؟؟ ... لاني بصراحه ماني مآمل واجد لكن مع هالحر الله يكفينا الشر .. اليوم الساعه 8 الصباح :eek: .. والمكيفات شغاله قسم بالله حسيت يبيلي سطل .. على شان كل شوي افصخ الفنيله واعصرها من العرق .... :d
ولكم مني جزيل الشكر :o
انا مركب الكورية اللي تقولها 02 اسود
والله من ناحية العزل تحس فيها عزل ولكن ما ينفع معي لان الموتر جلد وانا ما فكيت القراطيس من المراتب
ولكن بدون شك فيه نتيجة.
اذا كانت ميزانيتك محدودة ركبها افضل من ان تركب وحدة ب1000 وزود وانت منت متأكد انها صدق عازلة
انا مركب عازل بـ 300 ريـال كامل السياره بما فيها القزاز الأمامي وممتاز جدا
اذا كنت من جده انا مركبه من كيلو 2 محل اسمه اسماعيلي
انا مركب عازل من سولار جارد ., 01 كل السياره ., ما عدا الاماميه 00
ومركب 02 مخلوط اسود ونيكل , لجميع السياره .,ما عاد الاماميه بدون .,
والنتايج مرضيه :)
طبعا لو اوقفها بالشمس ., أحط الشماسيه ., << فاديدتها كويسه .!
انصحك برتكيب الامريكي .,لآن الكوري عن تجربه .,اللون يخف مع الوقت .,!
اقتباس:
المشاركة الأصلية كتبت بواسطة abu abdullh
طيب يالغالي كم لك فترة مركبه ؟
وكم .. % عزله ؟
تحياتي
الله يبيض وجيهكم يالربع ... الشماسمه موجوده ولكن ماعاد تنفع والله لا صكتك الشمس على جبهتك تعرف ان الله حق ... على الملك فهد والا على الدواير ... على العموم انا توني رحت جربت القزاز الامامي وابي اجرب الوضع .... :d
والله الأمريكي يمدحونه
وفي محلات في الغرابي كثيره
وسعرهم من 100 _ 150 ريال
وعلى فكره الأمريكي يجي رول (( يعين لفه طويله ))
مو الكوري يجي لفه صغيره
أنتبه
صح والله يابو نايف .. انا شفته زي ماتفضلت رول كبير ... ومكتوب على العلبه made in U.S.A وبعدين المحل شغله نظيف ماشاء الله عليهم .. انا مغيم من اول اسود كاتم ... اليوم غيمت الاماميه01 ... بس ياني حسيت اني خفاش من الظلمه:d
انا مظلل سولارد جارد الخلفيه 02 والجوانب 01 والاماميه 00 شفاف ومظلل عليه تظليل كوري 01 من بره الجوانب والسياره توقف في الكراج يعني لو جيت اطلع الظهر احس ان المكيف يبغ له دقيقه ويكون بارد بالمستوى المطلوب
ادا كنت ناوي تظلل كوري ظلل الجوانب 02 والخلفيه زيرو ون والاماميه الله يعينك عليها
الله يعين يااخوك
وعليكم السلام والرحمة
تبغى نصيحة من مجرب لا تركب الا الاصلي
الاصلي قيمتة ما بين 1800 الى 1600 واي شي اقل من هالسعر تضييع فلوس
ادري ان المبلغ كبير مقارنة ب 80 او 150
بس احسبها صح
ظلل مرة وحدة ب 1600 وارتاح من الحرارة بنسبة 50 بالمية وفرق واضح
خصوصا في هذا الوقت من السنة
والصيف بالسعودية 6 شهور مو ثلاثة علما ان التظليل ضمانه لا يقل عن 5 سنوات
يعني ركب وانسى
واحسب المبلغ من قيمة السيارة مثلا السيارة قيمتها 80000 + 1600 قيمة التظليل
وريح بالك
ولا يخدعوك محلات الزينة برخص السعر بالعكس التظليل الملون يمسك الحرارة بالزجاج ويزيدها
وتصير تحتاج تغير التظليل كل فترة على حساب زجاج السيارة وبلا فايدة
في حل ثاني ع شان تخفف على نفسك المبلغ انك تظلل الامامي والخلفي من العازل الاصلي
والابواب من التجاري
لان الزجاج الامامي والخلفي يعتبر اكثر مدخل للحرارة على السيارة
والاخص الامامي
وكذا بتكلفك تقريبا 500 + 40 الابواب ويكون عندك نسبة عزل محسوسة
هذه نصيحتي لك والقرار بيدك
تحيتي لك
الله يبيض وجهك يالغلا عز الشور الطيب