ادخل وشاركني برايك

السلام عليكم ورحمة اله وبركاتة
كيف الحال
انا واعوذ بالله من كلمة انا بعد ما خلصت من الفرفره في المنتديات
قررت ان شاء الله اشتري اكورد 2010 v6 بس فيه شي مخوفني وقالقني
اللون والله مدري وش اختار الاسود عاجبني وكل ما قلت لواحد قال لامايصلح ويتوصخ ويتشمخ وياليت الي عنده لون اسود يقولي رايه
وفكرة في الابيض حلو بس منتشر مشاء الله بكثره في الشوراع

وسمعت انه في عرض بعد كم يوم هل صيحح هذا الكلام ويايلت الي عنده اي معلومه عن العرض ييدنا
والله يعيطكم العافيه

شوف بالنسبة للون الأسود صراحه خوقاااق ورسمي بصراحه

لكن مشاكله كثيييييييييييييييييييره

- يسحب حراره

- يتوسخ بسرعه

- المخوش تبان فيه أكثر

- يبي له عنايه وخاصة الغسيل الدائم


أنا انصحك باللون الؤلؤي لأنه أحسن وأكثر شعبيه

- الوسخ مايبان فيه بسرعه

- طارد لحرارة الشمس ويعتبر أفضل من اللون الأسود في هذه الميزه

- المخوش تبان فيه إذا راحت البويه مع المخش فقط لكن مخش صغير مايبان فيه




إحترامي

ووعليكم السلام ورحمه الله وبركاته
الحمدالله تمام
وانت؟؟

قرار:cool:


والله يالغالي
اناا مثلكـ
كنت باخذ
عنابي
بس ماكان فيه
قلت خلاص
فيراني(رمادي)
قالو الفل مافيه تخشيبه :p
وبعدين خذت اسود
وحمدت ربي اني خذت اسود
ماخذت عنابي
او رمادي
لأنه
اللون رووعه
كشخه
واي شي تضبط فيه يطلع حلوو
سلبياته
انه يتوسخ بسرعه بس من قريب يبان او من بعيد
اوكـ مافيه شي
ومثل كلام فءاد
الي فوق
بس
انصحكـ تاخذه
ماراح تندم
مو لؤلؤي << ليش لموزين :d
:cool:
ونشوف الباقي

مبروك مقدما السيارهـ
شوف اخوي
انا معي 2010 v6 واللون اسود
والله طالع خوقاقي عليهـ
بس يميلك عنايه فيه من ناحية التغسيل بسـ
ومن ناحية الوساخ زي ماقال عبادي
اذا جيت عنده من قريب يبان ولا من بعيد عادي
ونا واحد بالاسبوع الى الاسبوع ونص اغسله مرهـ
ويازينه لين غسلتهـ
:o
ومن ما احلى مايكونـ

ونت استخير ربكـ


تحياتي

يعطيكم العافيه على الرد السريع

والله أشوف تاخذا ذهبي .. شفه أنت على الفل شي مجنون والله

أو الفيراني حلو بعد


الاسود حار بصراحة .. لكن متميز
الابيض مريح .. لكن منتشر

يعيطك العافيه اخوي على المشاركة نورت

شوف استاذي الفاضل
صحيح ان الاسود له عيوب كثييرة
ولكن اذا كان هذا اللون هو النمبر ون بالنسبة لك
فالأفضل انك تاخذه ، افرض انك بكرة شريت اكورد واللون مثلا لؤلؤي ثم في فجأة تشوف في الشارع اكورد اسود ملمع واللون يبرق،بدون شك راح تندم وتقول ياليتني شريت اسود ويمكن تكره سيارتك.
فنصيحتي لك استخير ربك وشوف اللي ترتاح له .

والله انك صادق كل ما اشوفها تجيني رعشه خخخخخخخخخخخخخ
الله يعيطك العافيه على النصيحه

والله يالطيب انا معي اسود له سنه ونص ومحافظ على لمعته ومعتني فيه

ما شاء الله الى الان كأنه جديد

اخوي يعطيك العافيه من كم لكم الفتره الي تلمعه وكيف السياره مع الصيف وهل يحتاج اهتمام بشكل كبير ولا مجرد اهتمام عايدي من ناحية التلميع والغسيل
وهل بعد التلميع يرجع وكالة
والله يعيطك العافيه

الف مبروك مقدماً ..
أنا أحب اللون الأسود ومجرب اللون هذا فترة ماهي قصيرة الى الان ..(سيارتي الاكورد 2005)
السيارة تملا عيني إذا غسلتها ورحت من بعييد وجلست أطالعها بصراحة موتر يعجبك.. لكن إذا قربت أنواع الخرايط والدقشات الي تسد النفس وترفع الضغط..

ولو عندي قيمة اكورد 2010 v6 باخذ اللون الفضي أو الؤلؤي .

انصحك باللون العنابي أو الؤلؤي فقط:cool:

اقتباس:

---

المشاركة الأصلية كتبت بواسطة والله قهر

اخوي يعطيك العافيه من كم لكم الفتره الي تلمعه وكيف السياره مع الصيف وهل يحتاج اهتمام بشكل كبير ولا مجرد اهتمام عايدي من ناحية التلميع والغسيل
وهل بعد التلميع يرجع وكالة
والله يعيطك العافيه

---

الله يعافيك


والله المعه كل سنه من عند زيبارت مسوي عقد معهم

واذا جددت الحمايه عندهم يرجع احسن من الوكاله

بالتوفيق

مبروووك السياره مقدماُ
بس فكر بالعنابي ترى له نظرته
والاسود واللؤلؤي ما شاء الله الشباب ماقصروا معك كفوو وفووو

الاسود روووعة
لكن لو اني منك لاخذ اللؤلؤي خباااااااال واذا كان على الانتشار خذ عنابي قليل انتشاره وحلو مرره

السلام عليكم ..
الشباب ما شاء الله كفو ووفو ..

رأيي و انطباعي :
والله اللون يعجبك .. واتحدى لو ما يعجب احد ..
هيبه . له رونق خاص . مميز "لقله اللون الأسود ع الأكورد" . اشياء خفيفة تبان في السياره من تعديل او اكسسوارات رايقة .
لون بمعنى الكلمة [[ راائع ]]
[[ ملك الألوان ]]
انا بصراحة ما اهتميت فيه أو تقدر تقول ما اعطيته كامل الاهتمام ..
والحين ممخش للأسف , لكن بسويله تلميع قريب باذن الله .
الخلاصة :
اذا اللون عاجبك > استخير وتوكل .. والله يباركلك فيها ويعطيك خيرها ويكفيك شرها .
نـصيحة :
اهتم فيها , لا تغسلها عند اللي يغسلون بالشوارع , لأنهم بيعدمون عليك اللون ,
أو بيقضون عليه ان صح التعبير .
خذلك منشفة "مقواريز" تكلفك 50 ريال , وما تغيرها الا بعد فتره طويله نسبيا .
واذا مررهـ تبي شي خقااق يكون الموتر , خذلك شامبو و واكس , وخذها معك كل ما بغيت تغسل , او اذا عندك احد يغسلها بس يرشها مويه من قبل .
مراح تكلفك كل الأغراض 150
150 ريال ولا 5% من قيمة السيارة , وتستاهل الأكورد ان شاء الله

والله يكتب لك اللي فيه الخير

وآسف على الاطاله

اولآ مبرووك مقدمــإآ على السيــإآرة .. :A6rb.Com_36:

و نصيحتي لك ..

انت اكيد شفت الوآن الاكورد كلهــآ ...

لكن أيش اللون اللي اول مـآ شفته في الشـآرع دخل مزإجــك ..:eek: <~ هذآ هو اللون اللي بتآخذه صدقني ..

من نـآحية اهتمــآم و مـآ اهتمــآم ..
السيــآرة جديدة بتهتم فيهـإأ ولو لونهـإأ ترإأبي ..؟. :d

الله يعيطكم العافيه وماقصرتوا وزي ما قالوا الاخوان ان شاء الله اني بستخير والله يكتب الي فيه الخير