ابي مساعدتكم الله يوفقكم ...

السلام عليكم ورحمة الله وبركاته ...



كيف حالكم ان شاء الله بخــــير ,,,




قدر الله علي وصــدمت بالهــنآدي :(




والحمدلله جت خفـــايف ....





ووديت السيارة للوكاله وللآسف الوكاله تآكلنا اكل ...




قالووا شغل يدهم 3000 الاف ولازم اجيب صدام جديد وجسر للصدام ..








وهذي صورتها ....



http://store2.up-00.com/Jun10/5kU15777.jpg









على هالآساس شلت الوكاله من رآسي ...



وابي اذا تعرفون ورشه ممتازهـ بالرياض ابي اضبط السياره عندهم ...



وابي خدمه ثانيه الله لا يهينكم الاسطب الليد انكسر



اقدر احصل حبه والا لازم طقم .....؟















والله يوفق كل من يـساعدني


ولا يوريه ربي اي مكــروهـ ...

اقتباس:

---

المشاركة الأصلية كتبت بواسطة الــبآرودي 99

السلام عليكم ورحمة الله وبركاته ...

كيف حالكم ان شاء الله بخــــير ,,,

قدر الله علي وصــدمت بالهــنآدي :(

والحمدلله جت خفـــايف ....

ووديت السيارة للوكاله وللآسف الوكاله تآكلنا اكل ...

قالووا شغل يدهم 3000 الاف ولازم اجيب صدام جديد وجسر للصدام ..

وهذي صورتها ....

http://store2.up-00.com/Jun10/5kU15777.jpg

على هالآساس شلت الوكاله من رآسي ...
وابي اذا تعرفون ورشه ممتازهـ بالرياض ابي اضبط السياره عندهم ...

وابي خدمه ثانيه الله لا يهينكم الاسطب الليد انكسر

اقدر احصل حبه والا لازم طقم .....؟

والله يوفق كل من يـساعدني


ولا يوريه ربي اي مكــروهـ ...

---

وعليكم السلام ورحمة الله وبركاته

الحمد لله بخير

الحمد لله على سلامتك .. وآخر الحوادث يارب

تراه بسطية يا رجال ... وش اللي شغل يد 3 الآف :eek:

انا مرة صارلي حادث أشد من سيارتك بكثير ( الصدام والشنطة تعفطن ,, والأسطب انكسر وراح فيها ,, والقزاز الخلفي تكسر ,,, والرفرف الخلفي تأثر شوي ,,, الخ ...)

المهم شريت بعض القطع من التشليح وبعض القطع من الوكالة

واتفقت انا والورشة بعد المكاسر والصياح :cray: << امزح بـ 2500 ريال شغل يد التعديل والسمكرة

+ يوزن الصدام الأمامي << لأنه كان متفكك شوي
+ يرش اللي تحت الأبواب ( لونها أسود ) مثل لون البدي بالضبط

والله يعينك ويوفقك

هذا اللي اعرفه واقدر افيدك فيه

الله يسلمك آخووووي ..



اي والله 3000 الاف من غير قيمة الصدام ..

ويقولون بنسوي تقرير ومدري وش حسيت اني جايب لهم السيارة تشليح ..





يعطيك العافيه على مرورك

إلي اآعـرفه إن نظـآم الوكـآله تغيير

يعني مايسمكر ولا يصلح أآي شي

أآي قطعه تالفه يغيرها بوحده جديده .. هذآ على حد علمي :d

وإلي أآشوفه أنك تروح للورش لأن صدمتك بسيطه جدا وماتستاهل ولا تكلف الـ 3000 << والله قاعد اناظر الصوره واضحك :d سسلامااااااات 3000





وإذآ تبي ورشه كويسه وأآختصاصيه في الهـوندآ تلقآهآ في الصناعيه إلي في ام الحمام ورشه رقم 20 لوحتهآ ( هوندا ) بالاحمر طبعآ

الوصف : وأنت ع شـآرع العروبه متجه غـرب تجيك اشـآره إلي تصير الصناعيه على يمينك ( الصراحه مدري وش اسم الشارع :d )

عموما مع الاشآره خذ يسآر امش شوي تجيك إشآره ثآنيه امش سيدآ وخش ع شآرع الخدمه وأآمش تقريبا 100 متر تلاقيها في وجهـك

الورشـه رقـم 20

وقبل لا تروح له حاول تاخذ فكـره في الورش الثآنيه :)

بلا 3000 بلا خرآبيط وترى نص الصدمه يبي لها تلميع :d

هذا الرد رديته على واحد قبلك أمس و نسخته ولصقته لك اسرع :d

الوكالة شغلهم أقل من عادي و تأكدت بنفسي بعض الأعضاء آكل فيهم مقلب فيه ورش بالصناعية أفضل من الوكالة

بألــــ1000ــــف مره طبعآ أفضل ورشة شفتها إسمها الإتقان ببريدة ورشة معروفة عمالة أتراك و الرياض الوفا بس غالي

وشايفين أنفسهم شوي و لكن راح أوصف لك ورشة إسمها التقوى بالصناعية مخرج 18 الدائري الشرقي كبيره مره

دليل على قوتهم بانوراما تسمكر عندهم و فيه سيارة لواحد من الشباب رش بابين بسعر معقول و شغل مرضي جدآ

وأشوفه أفضل من الوكالة

ياليتك تمر عليهم و تشوف عينات من السيارات قبل تدخل السيارة عندهم والكلام ينطبق على أي ورشة وتقتنع بنفسك

بغض النظر عن كلامي أو كلام أي شخص شار عليك بورشة معينة

أتمنى لك التوفيق و آخر الحوادث إن شاء الله

اتوقع ان الصدام يتعدل بدون ماتشتري جديد

والشخابيط السود هاذي هل هي بويه متقشعه

اذا كانت الاجابه لا معناتها اقرب محل تلميع يرجعها زي اول

لكن اذا كانت البويه طايره معناتها لازم رش

بالنسبه للورش افادوك الشبابا

بس بحذرك من ورشه هوندا اللي يقولها اخونا اكورد للابد او اكورد فور ايفر
لانها اسم فقط لكن شغلهم مثل وجيهم ونصابين في السعر انا مجربهم

الصناعيه خصوصا العروبه مليانه ورش لكن الافضل مااقدر افيدك فيها وان شاء الله الاعضاء بيفيدونك اكثر

الحمدلله على السلامة وبسيطة الحمدلله انا ياخوي صارلي قبل شهرين صدمت من الصدام وتمخش وانعفط شوي وصراحه غيرت الصدام كامل الامامي وصراحه تمام التمام ولاكان صار شى الورشة هي ورشة الكرامة الرياض _ الصناعية القديمة وهذارقمها الاخ ابو خالد رقم جواله(0503166307 ) وقله جايك من طرف ابو مجاهد راعي الااكورد واي استفسار واي شى انا جاهز

الحمدلله على السلامه وانا اخوك الدقه ماتستاهل المبلغ الخيالي ياحبيبي لو الجسر مكسور غيره والصدام الفنان يعدله انا قد عدلت فيبر مثل اللي عندك والرفرف الحكة اللى فيه خفيفة ماتستاهل رش تلميع وخلاص
يعني ادا كثرت غير صدام تشليح ولا وكاله والاصطب الخلفي مع تلميع ولا تشيل همها