عرض للطباعة
السلام عليكم
اخبار الشباب .............. ما راح اطول عليكم بس عطوني رايكم المتواضع..
انا ابي اغير كفرات وعندي اكورد 2009 فل الاربعه
ومتردد وش اغير من كفرات وضاربه في راسي القودير بس ما ادري وش المميزات والعيوب حقته ...
الله لا يهينكم وعلى فكره انا حق خطوووووووووط يعني ابي شي مرييييييييح....:cool:
:203:
أنا مجرب التويو وممتاز مريح
والشباب مجربين البرجستون ويمدحونه
إذا كنت حق خطوط عندك الميشلان >> وتحمل قساوتها
والقودير ممتاز لاكن قاسي
السلام عليكم ورحمة الله وبركاته
الله يا اخوك انا لي شهر وانا ابحث في نوع الكفر وتبي الصدق الشباب في المنتدى ما قصروا واخص العضو ابو نايف ..........
طبعا انا مثلك كنت ابركب قودير ورحت للموزع الراشد في مخرج 15 المهم قالي موجود صناعة فرنسي وانا بحثت ولقيت ان افضل شي الامريكي ثم الالماني بس منزلين فرنسي وانا تبي الصراحه بطلت ....
المهم : قلت ما لها الا تويو رحت لمحل اسمه رد كاب وكانوا الاخوان موصين عليه وهذا الكلام اليوم المهم مسوين عرض ركب 3 كفرات وخذ واحد مجانا طبعا سئلت عن تويو مقاس كفري 215 / 60 / 16 قالي لا يوجد ليه ما تركب غير تويو قلت لا المهم متى يوصل قال احنا طالبين وننتظر ....
نصيحه / انتبه من تاريخ الكفر لان بعض العروض تصريف للبضاعه القديمه ...
المهم مشيت ورحت محل اسمه اطاري على شارع الضباب / قلت ما لها الا ميشلان سئلت عندهم مقاس كفراتي قالوا طالبين وننتظر والظاهر تبي توصل قريب طبعا سئلته عن السعر قالي متى ما وصلت نعلمك ... اخذت رقم الرجال وانتظر ...
طبعا نيتي غدا اني اروح للوكيل ( ميشلان ) في طريق خريص واسئل .. طبعا الشباب يقولون ان ميشلان يطلع صوت وهذي المشكله بعد نصيحه من الاخ ابو نايف يقولك الشركة تفادت هالموضوع في نوعيه hd وانا راح اسئل عنها ... واعلمك ...
الزبده / بعد تفكير وشهر زمان وانا ابحث قررت الاتي :
ابركب ميشلان .
تمنياتي لك بالتوفيق
مثلكم والله انا ابي اركب كفرات بس مو مستعجل فيها عمر شوي كفراتي بس عيبها تطلع صوت ابي اركب وشكلي اما تويو او برجيستون
والله حتى انا ودي أآغير الكفـر
ما قد غيرته من يوم طلعتهـآ من الوكـآله .. يعني قبـل سنتين و 8 شهور :d
..
بس أآهم شي أبيه في الكفـر إلي إن شآء الله اآركبـه .. إنه يكون مريح و مـآ أبي أسمع شي إسمه
مطبـآت وعيون القطط
صصرآحه البردجستوون شوي لك عليه من ناحيه اصوات المطبات وعيون القطط ..!
السلام عليكم
يا اخوان انا سيارتي اكورد 2008 جنط 17
طبعا الوكالة يحطونلك ميشلان
المهم اول ما طلعتها قبل تقريبا سنة و7 شهور قعدت اسبوعين والا الكفر طالعبه صعرووور كبيير
رحت للوكالة قالو راجع الوكيل رحتلهم قعدت يخربط علي بس الي فهمته
ان الجنط 17 وفوق مايصلحه كفر قاسي مثل ميشلان ودانلوب لان المسافه بين الجنط ونهاية الكفر سخيييفه
وتعرفون خاصه الرياض وبعض مدن السعودية ما تمشي الا وتلقى حفره هذا شي طبيعي غير المطبات الي كل يوم وحده
الزبده
بعد فتره صارلي حادث الله يكفيكم الشر وتفقعت كفراتي الي قداام
وغيرتها ميشلان داري اني دلخ بس الشكوى لله
المهم مع مرور الزمن ياخي حسيت برسواة غير قبل ولا عاد احس لا بعيون قطط ولا حفر كني راكب كابرس تسعاوي
بعد هالسالفه انا تاكدت مافيه شي اسمه هذا الكفر ازين شي لان عندنا بالسعودية يعيدون تصنيعه بمصانع محلية ويغشونك
فانت وحظك اذا ربي وفقك ولقيت لك شي اصلي
وانا انصح ببعض المحلات
مركز الطيار له اكثر من فرع بالرياض كفراتهم ثقه وتركيبهم جيد
وعندكم محل اسمه ايطاري هذا بعد يمدحونه
ياخي خلونا نكسر سوق ابو يمن
والله شفطو دمنا لييين ماعاد خلاص طفر الواحد
اسف عالاطاله بس كنت فاضي وودي اوسع صدوركم
شكرا
عن تجربه سابقه ..
كنت مركب ميشلان " كفرات الوكاله " .. وغيرتها بـ تويو ..
بصراحه حسيت بفرق كبير بالخط من ناحيه الهداوه والاصوات وكفرات هاديه ورايقه جدا ..
وبالنسبه لي فضلتها عن ميشلان بصراحه ..
عموما موفق خيو ..
ولا تستعجل ..
في حفظ الرحمن
يوكوهآمآ يآخي عليهآ رسآوهـ ورآحه بالخط آووهـ كلام كبيرر
وعندكــ تويو مشـ بطآله
يعطيكم العافيه شباب يا حلوين بس يقول المثل اسأل مجرب ولا تسأل خبير فانا ابي اهل التجربه
التويو يمدحوه بس اعتقد انه بعد فتره يحبل يعني اشيل فكرة القودير
غلطان اخوي الالماني افضل من الامريكي و ايضا ازيدك في صناعه ياباني للقودييراقتباس:
افضل شي الامريكي ثم الالماني بس منزلين فرنسي وانا تبي الصراحه بطلت ....
و احب انوهـ نقطة مهمة بالنسبة للقوديير الالماني .. تراها راكبة على البي ام دبيليو 2010 الفئة السابعه ( افخم فئة )
و تقدروا تروحوا الوكاله و تشوفوها و البي ام ما اختارت القوديير الا لأنه نوعية ممتازة و مريحه و يتحمل
وانا الحمدلله 10 شهور معاي ممتااز و راسي بالخطوط و المنحنيات
بالتوفيق :)
السلام عليكم ورحمة الله وبركاته
اليوم كالعاده اخذت جولة مريت شركة برجيستون في طريق خريص لقيت منزلين نوعيه جديده ويقول انها اهداء وارسى ... المهم رحت لوكيل ميشلان شركة الجفالي على خريص وقال والله ما عندنا مقاس كفرات سياراتك انتظر 10 ايام بتوصل قلت طيب .....
طبعا انا قبل كذا رحت لمحل ايطاري على شارع الضباب وعلى كلام الناس يمدحونه وشكلي ابمرهم ...
والله يا جماعه الخير ما ادري بس قالي الموظف في شركة ميشلان ان يمكن النوعيه الجديده الجايه تكون صينيه وانا والله ما ادري تخوفت زياده والله حبايبنا الصينيين ما عليهم قصور ...
بصراحه والزبده شي يحير ..........
يعطيكم العافيه ما قصرتوا وبعدين انا احترت ما بين قودير وتويو شكلي بركب اثنين ورا اثنين قدام عشان ما احتار الله لايحرمنا من ارائكم
عندك هانكوك كوري ممتازة جداً ولينه ومريحه على الخط
اقتباس:
المشاركة الأصلية كتبت بواسطة حبيب هنادي
نفس الكلام وعن تجربة يوكوهاما وإرفع يدك
اقتباس:
المشاركة الأصلية كتبت بواسطة أحب هنادي
انا مركب هانكوك " أصلي كوري من وكيل هانكوك + تاريخة جديد "
جيد جدا وبسعر معقول
معروفة الهانكوك ( بليونتها وسعرها المعقول وجودتها " الجيدة " ) :rolleyes:
وهذي كلمة حق لازم تنقال
انا مركب هالنوع
لي أكثر من 6 شهور تقريباً
http://www.pneutesty.sk/hankook/opti...ptimo-k406.jpg
http://www.vissauto.lv/img/products/...ptimo_k406.jpg
تويو انا مركبها ممتازه جدا
هلا شباب
أكثر موضوع مثير للجدل في كل منتديات السيارات هو " الكفرات " ... حيث لم أجد موضوعا لا أتفاق في الرأي حوله مثله
سيارات " مازدا " تستخدم " بريدجستون " و الشباب يقولو قاسي
" أوريون " تجي بكفرات " يوكوهاما " و الشباب ما سبو شي كثرها و يمدوحو كفرات " ميشلان "...
" أكورد " تجي بكفرات " ميشلان " والاخوان يقولو قاسي
و الله حيره , كنت ناوي لما أجي أغير أركب " ميشلان " بس لما دخلت هنا , قلت شكلي غلطان , بس واحد صاحبي غير الى " ميشلان " و مبسوط حيل , ولما جربت قيادة سيارته , حسيت الكفر حلو و ما سك في المنعطفات , لكن صوت الازفلت قوي و مرتفع , لما سألت قالو لأن الكفر جديد ...
و واحد ثاني ركب " هانكوك " و الله لما سقت سيارته حسيت أن الشارع مفروش سجاد من نعومه الكفرات :cool:
شخصياً , أعتقد أن أنظمة التعليق و عضلات السيارة تلعب دور كبير في الراحة داخل السيارة و في تركيب الكفر المناسب
يعني ممكن الكفر " س " يناسب سيارتي 100% لكنه ما يناسب سيارة أخوي الهوندا اللى مركب الكفر " ص " اللى أنا عانيت منه و أخوي مرتاح معه...
في النهايه و بشكل عام أفضل شي بالسوق
ميشلان / بريدجستون / قودير هذا غير الكفرات اللى أسعارها فلكيه
SAMiR
انا جربت كذا نـــــوع
ووقفت عند (برجستون - تورنزا)
صحيح قسي شوي لكن شــــــــــــــــــي
شـــبـــآب لي عووودهـ آخررر
آنــآ الحين معي سيآرتين وبنسآفررر فيهمــ
وقآعـــد آجررررب كفررر كفرررررر .
الحين مشيلان آثبت فشلهــ من نآحية ( القسآوهـ , الاصوآت , التحبيل ..الخ )
تويو مآشئ حآلهــ بسسس (( يتمسح ))
والحين جربت يوكوهآمآ (( حليووو ))
مجرب هونكوك وقآعد ع السيآرهـ سنه
بس مآشآء اللهـ لينهـــ مع المطبآت وعيون القطط مريحه من نآحية الاصوآتــ ولا فيهآ آي عيب حتى سعرهآ مو غآلي
عشآنــ كــذآآ
آرشحـــ : هونكوكـ وبكل جــدآرهـــ ع فكرة ردي الي فوق كآنت آقصـد هونكوك وكتبت يوكوهآمآ