عــاجل .. ارجو المساعدة

المشورة يااخوان ....





لقيت في المعارض هوندا اكورد سبيشل 2009 على الزيرو وآخر سيارة عندهم 2009 ... ولأنها اخر سيارة حبّوا يصرفوها بشكل جيد وأضافوا لها كشافات الفل كامل من الوكالة طبعا + جناح الذيل الخلفي .. وبسعر جدا مغري ..
وانا اكلمكم عن سعر الوكالة 2010.. اكورد نص فل بـ 88 الف ...
في المعارض بـ84 الف ... وانا ماعندي استطاعة وصل المبلغ لهذا الحد ..

واللي لقيتها 2009 نص فل عالزيرو وسعرها اقل من 80 الف بالاضافه للكشافات والجناح وبقية مواصفات النص فل ....

فهل تنصحوني بها ؟؟
لأني متردد في حكاية انه السيارة لها فترة طويلة واقفه (يمكن 4 اشهر في المعرض واكيد وقفت في الوكالة فترة ) فهل هذا يأثر عالكفرات أو اي شي بالسيارة .........
:(
ارجو الافادة بأسرع وقت ,

هلا والله اخوي
والله انت استخر وشوف الاي يصلحلك
مع اني انصحك بـ 2010 نص فل
روعه والله
لاكن مساله توقفها 4 شهور في المعارض والوكاله فما ادري عن هالشي
بس ماظن يآثر
لاكن بقولك استخر وشوف الاي نفسك عليه
وتوكل ع الله

سلام عليكم

أول شي الله يوفقك بالسياره الزينه واللي تخدمك ..
والف مبروك مقدما ويعطيك خيرها ويكفيك شرها وشر العين ..

كوجهه نظر وراي شخصي ..

دامك وصلت لـ مبلغ اقل من 80 الف ريال كاش ..
خذ 2008 فل كامل ماشيه بحدود الـ 40 او 50 الف كيلو وممكن اقل ..
وممكن تلقى 2009 فل كامل بس ممشاها شوي كثير ..
بـ المبلغ الموجود عندك ..

واذا حاب شي يكون اصفار وعلى يدك ..
سعر النص فل 2009 جدا ممتاز صراحه ..

وللمعلوميه النص فل 2010 بـ 87 تزيد الف او تنقص الف ,
وفيها مكيف خلفي وحساسات : )

وبخصوص تاثير الوقفه على السياره ..
مالي خبره بالشي هذا ولكن كـ توقع شخصي مـ اتوقع تاثر ابدا باذن الله ..

والله يوفقك مره ثانيه : )

دمتـ بخير

توكل على وخذها ودام عليها ضمان لاتخاف مجرد رأي وانت شوفها وكيف تخزينها وهل فيها تهريبات او لا ؟ وبعدين ماقلت لنا اللون ؟

ما تأثر وقفتها ولا شي
شارين الموتر والصناعة من 7اشهر

نصيحتي خذها وبس>> اوفر 10الاف او اكثر ازين لك

توكل على الله وشي على يدك وجديد ماينعاف

بس حاول فيهم ينزلون لك من السعر بخصوص الكفرات 100% راح يطلع فيها شي بسبب الوقفه الطويلة

اقتباس:

---

المشاركة الأصلية كتبت بواسطة تركي القاضي

سلام عليكم

أول شي الله يوفقك بالسياره الزينه واللي تخدمك ..
والف مبروك مقدما ويعطيك خيرها ويكفيك شرها وشر العين ..

كوجهه نظر وراي شخصي ..

دامك وصلت لـ مبلغ اقل من 80 الف ريال كاش ..
خذ 2008 فل كامل ماشيه بحدود الـ 40 او 50 الف كيلو وممكن اقل ..
وممكن تلقى 2009 فل كامل بس ممشاها شوي كثير ..
بـ المبلغ الموجود عندك ..

واذا حاب شي يكون اصفار وعلى يدك ..
سعر النص فل 2009 جدا ممتاز صراحه ..

وللمعلوميه النص فل 2010 بـ 87 تزيد الف او تنقص الف ,
وفيها مكيف خلفي وحساسات : )

وبخصوص تاثير الوقفه على السياره ..
مالي خبره بالشي هذا ولكن كـ توقع شخصي مـ اتوقع تاثر ابدا باذن الله ..

والله يوفقك مره ثانيه : )

دمتـ بخير

---

+1 :cool: ,,,

الحمدلله تم شراء السيارة على بركة الله ....

المشروع القادم ... تركيب تظليل عازل ...وماحبيت افتح موضوع جديد بهذا الخصوص ولكن ابيك تفيدوني ..

تقريبا لفيت اغلب محلات العازل .. واستقريت على جونسون وكول كار ..
طبعا كول كار مسوي دعاية في المنتدى ب 900 ريال ...
وجونسون عرض عندهم تظليل + تشميع كامل السيارة للمحافظة على لون البودي ( لون السيارة اسود وانتم عارفين كيف حساس ) ب 1500 .. ومتأكد راح اعاندهم وبينزل مية ريال خصم ... فأيش الافضل برأيكم ( عن تجربة ) يعني اللي مجرب احد النوعين هذه يفيدني ورجاء لاحد يقولي في كول وزيبارت وجيوشيلد و3إم لأنهم معروفين انهم الافضل ورحت لهم اسعار نار وشلتهم من راسي..

وبالنسبة للتشميع هل منه فائدة ملموسة بالفعل ولا كلام فاضي .. طبعا الاكيد حسب كلام الموظف انه بعد 6 اشهر يصبح التشميع كلام فاضي ولابد تجديده او مسحه نهائيا .....

بيني وبينكم / صرت اقرف من كلام الموظفين في جميع الشركات لأن كل واحد له عمولة وكل واحد ينقط عسل وتحس انه يستغل السعودي وعارف ان السيارة جديده وخايف عليها بالذات الشامي والمصري < نفسي اقلته لما يجلس يبكش .

اضمن لك اخوي ان الكفرات محبلة ومنتهية وراح تضطر تغيرها
ولكن ما ادري ما اذا كانت الوكالة راح تغيرها لك بالراحة ولا لأ؟
لأنك راح تاخذها من معرض

اول شيء الف مبروك السيارة
والله يعطيك خيرها ويكفيك شرها
وبالنسبة للكفرات انا مثلك لحقت على آخر حبة ذهبي 2009 في الوكالة وفي تشييك الـ 1000 كيلو سجلت عند المهندس من ضمن الملاحظات صوت في الكفرات وعطاني ورقة للجفالي وكيل ميشلان وكشفولي الجفالي على الكفرات وطلعت منتهيه من كثر الوقفة في الوكالة لأني اخذت السيارة في الـ 2010 والسيارة طبعا واقفة عندهم من الـ 2009 ورجعت للوكالة وغيروها لي على الضمان والحين الحمد الله :cool:
اما بالنسبة للحماية فأنصحك وبقوة سواء البدي او الشمعات او مانع الصداء وان شاء الله ماراح تندم وبالنسبة للتضليل اذكر فيه واحد من الأعضاء يمدح V-cool ويقول مرة كويس خصوصا في عز الصيف وعاد لونك اسود يعني الله يعينك على الحرارة :d
آسف على الإطالة والله يوفقنا وياك