اكووورد 2010 جديد

السلام عليكم
هلا شباب هاذي اول مشاركه لي بالمنتدى مسجل قبل شوي
والله صراحه استمتعت معكم والنقاش رائع بالمنتدى والاعضاء اروع
:dاخلص وش تبي
والله شباب انا شاري اكورد 2010 سبيشل لؤلؤي (ماشاء الله)
وودي استشيركم وشلون اخلي سيارتي خقق:cool: من داخل وبرى لكن ابي احرص على الي داخل وش الاضافات
الي اقدر احطها
ياليت والله تساعدوني وعلى فكره السياره بتلطع الخميس من الوكاله
وتوقعون ابندم اني شريت الاكورد ولا ابستانس بها:o
صراحه انا معجبتني مره بس فيه واحد يقولي الكامري احسن وانا اقول الاكورد فرق عن الكامري
وش جاب القمر للبقر :p
وسلااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااام

اقتباس:

---

صراحه انا معجبتني مره بس فيه واحد يقولي الكامري احسن وانا اقول الاكورد

---

فرق السما على الارض

حبيبي قول حق الي يقولك هاكلام الاكورد يكفيك اسمها (هوندا) تبيع الكاامري وتشتريها ولا بعد يرجع الباقي :d

بالنسبه لي اشوف تركب لها لمسات مثل (زبنون + شرايح خلفيه + تجليد شوي من تحت الصدام + تهبيط خفيف)

خقق :cool:

نسيت عن اقولك مبارك فيها :)

مشكور اخوي سفيك
والله يبارك فيك وعقبال الجميع ان شاء الله
لكن تراي ما افهم بالسيارات ولا ادري وش تقصد بـ تجليد شوي من تحت الصدام والشرايح الخلفيه
وياليت تقولي وش التظليله الزينه لانه والله بالزلفي حررررررررررررررر:d
والتهبيط وش ازين طريقه لاني خايف عليها والله واخاف ابوي يتوطى بطني اذا جاها شي :(

اولاً مبروك ع السياره

يعطيك خيرها ويكفيك شرررها

اخوي ركب ازياق جانبيه ع الابواب

وركب مساكات البيبان نفس الففل

خلفية بي ام

زنون من كاكاشي << خراااااافي

وإذا معك ميزانيه زايده ركب شاشه

وانشاء الله الاخوان يفيدونك اكثر

مشكووور اخوي ناعس
والله يبارك فيك
بس لو تقولي اسعار الاكسسوارات هاذي بكم وابي محل زينه قريب انا بالزلفي اقرب شي لي القصيم
كان فيه محل بالقصيم زين ياليت تدلوني عليه

للرفـــع....

ماشاء الله :)
مبروك :o
والله يطعمك من خيرها ويكفيك شرها :cool:
حآفظ عليها وبتستانس مره :afro:

مشكوووووووووور اخوي شلهوب على النصيحه
والله يبارك في عمرك

موترك جديد ما شاء الله وحرام تحوس فيه من اولها

استمتع بوكالته قبل ..


اول شي :-

1- لوح طوال

2- تظليل حلو ورايق 01

3- زينون 4300 كلفن

ذي اول الاشياء الي ما تسوي صيانه 10 الاف ..

~

بعد صيانه 10 الاف :-

1- اسطبات ليد شرايح [ تلقاها بالغرابي سعرها من 600 الى 700 مع التركيب ]

2- شاشه لو حصل وسعرها [ 2600 ريال عند المشرف كاكاشي سن ]

~

بعد صيانه 30 الف :-

حول السيارة فل كامل .. !!

1- مساكات نيكل 80 ريال

2- انوار ظباب [ كشافات ]

3- جنوط يابانيه درجه ممتازه وتباع بالوكاله وسعرها 450 للجنط تقريباً



~


بعدين خلاص حافظ ع الموتر واذا مشيته 1000.000 كم بعه واشتر اكورد 2018 :d

طبعاً انا مااعرف الاسعار بالتمام بس بعطيك تقريباَ


ازياق جانبيه ع الابواب << 150 ريال

مساكات البيبان << 80 ريال على حسب كلام اخوي ac09

خلفية بي ام << سعرها في حدود 450 ريال

زنون من الاخ كاكاشي << 400 ريال

الشاشه << تقريباً 2500 ريال

مالي علم بمحلات الزينه بالزلفي او بالقصيم