شق فتحة سقف للستاندر !! وش رايكم يا أهل الخبرة

*



السّلام عليكم ورحمة الله وبركاته

أنا إن شاء الله ناوي أشتري هوندا 2008 وقاعد أدور شيء نظيف ويناسب الميزانية
واللي يخبر له شيء ينصح فيه يسير عليهنا

غالب اللي ألقاها ونظيفة تكون ستاندر
وأنا مالي بالستاندر أبدًا يهمني في الأكورد ( الفتحة والجنوط )
والأكورد بدونها ما تعجبنيش خالص < --- أنفع مصري ؟ :d

المهم قال لي واحد ليه ما تشتري وحدة ستاندر تطلع عليك برخيص
وتشق لها فتحة من محل مدري وشسمة ( محل معروف ) يضمن لك 5 سنوات من التسربات والهواء والموية وكل شيء وقيمتها ب ألفين ريال وجنوط ب ألفين وعليها

وتوفر على نفسك مبلغ تقريبًا3 آلاف !

/


فحبيت أستشير أهل الخبرة أهل راي خوينا سليم وينفع
وهل أحد جرّب أو يعرف أحد جرب أو يعرف أحد عنده سلف ؟ :d


يا ليت أهل الخبرة يفيدونا بهالأمر
شاكر لكم ومقدر :o

وَ تَقْدِيْرِي :aq5:

بصراحه اخوي اذا بتوفر 3000 الاف ريال عشان تشق السقف

انصحك انك ما توفرها

لانه بصراحه فيها مجازفه اول شي

و ثاني شي مو هذاك المبلغ اللي بتوفره يعني لو فرق 10000 اقول معليش

و بالنسبه للفتحه في محلات تعطيك ضمان مثل ما قال خويك

و اشهرها حسن تنده في جده انا بتكلم طبعا و قيمتها من 3000 الى 3500 ريال

مافي شي اسمه 2000 يعني في النهايه بتوفر 1500 ريال فقط و غير كدا ما تحس انها وكاله

خذ الشي الاصلي افضل لك مليون مره

و لو نفرض لا قدر الله شقيت السقف و صارت مشكله بعد فتره و كل شوي و انت رايح للمحل و جاي من المحل

و لو غيرها لك الف مره على حسابهم بتتعب نفسيا من السياره و بتكرهها صدقني وقتها

هذا رأيي و الله يوفقك في اكورد بنت حلال ما تشق سقفها :d

حبيبي أنا يا اتحادي ... رأي سليم وتفكير أكثر من منطقي

اخوي مافيه شي يضاهي شد البلد

بعدين محد يسوي فتحة سقف إلا في سياره منتهيه خلاص , كرسيدا , تسعاوي , كامري قديمه

يعني هذي السيارات اما تشتري اكورد 2008 وتروح تشقق التنده مره مايصلح

والخيار لك بس مثل ماقال اخوي اتحادي إذا بتوفر 1500 << مايسمى توفير ذا

ومثل ماقلت اول الخيار لك

حرام تعطبها خذلك فتحة سقف وكال وريح راسك من التعديل والعلل

أخوي يا كثر الأكوردات المعروضة للبيع خصوصا من موديل 2008 وانت طالع دور وإن شاء الله تلاقي اللي يناسبك سواء سبيشل أو فل كامل وعندك موقع مستعمل وموقع حراج راح تلاقي فيه كثير وتاخذ لك سيارة بجنوط وفتحة أحسن وأريح لبالك..

انصحك لاتشق شيء والله ان تتعب اذا امطرت يدخل عليك ماء من فوق

غير كذا بيكون شكل الفتحه غريب مو طابق على الأكورد لأن بيجيبون فتحه مربعه خخخ

واصبر إن الصبر لمن عزم الأمور ودور على الاقل سبيشل ممشاها

حلو أهم شيء الممشى والصيانات أول بأول

*



تسلمون والله كلكم على هذا التفاعل والنصح

إتحادي
صدقت والله وكلام سليم جدّا
وفعلاً مافيه شيء يضاهي الوكالة
أشكرك على ردك الجميل يا جميل


أغار يا هوندا
حياك ربي وشكرا على مشاركتك ورأيك

ناعس الجفن
يعطيك العافية وكلامك واقعي ومتّزن شكرًا لك


أبو غيوض
حياك الله وشاكر لك ردك ورأيك


salamify
هي كثيرة لكن اللي في بالي قليلة ألقاها
الله يعين ويسهل ويرزقني السيارة اللي براسي


عبدالسّلام
صدقت , والله يعين ويرزق الجميع


/

شاكر لكم كل أبوكم :o
بارك الله فيكم

وَ تَقْدِيْرِي :aq5:

ياخي لاتشق ولاشي خذ تجربتي انا كان عندي سوبارو 2002 هي تجي بدون تندة وانا قلت لازم اسوي لها تندة ورحت كيلو 2 عند حسن تندة وسويتها وشوف كيف انواع المتاعب المطر اذا جاء غرقني من جو واذا غسلت السيارة لازم اقول اللي يغسل لايحط موية فوق واذا حط مويه شوف كيف انواع الغرق هههههههههههه بس الشكل غير شكل السوباروا اما اجودة مافي غير الوكالة وشغل الوكالة ولك تحياتي

اقتباس:

---

المشاركة الأصلية كتبت بواسطة اتحادي

بصراحه اخوي اذا بتوفر 3000 الاف ريال عشان تشق السقف

انصحك انك ما توفرها

لانه بصراحه فيها مجازفه اول شي

و ثاني شي مو هذاك المبلغ اللي بتوفره يعني لو فرق 10000 اقول معليش

و بالنسبه للفتحه في محلات تعطيك ضمان مثل ما قال خويك

و اشهرها حسن تنده في جده انا بتكلم طبعا و قيمتها من 3000 الى 3500 ريال

مافي شي اسمه 2000 يعني في النهايه بتوفر 1500 ريال فقط و غير كدا ما تحس انها وكاله

خذ الشي الاصلي افضل لك مليون مره

و لو نفرض لا قدر الله شقيت السقف و صارت مشكله بعد فتره و كل شوي و انت رايح للمحل و جاي من المحل

و لو غيرها لك الف مره على حسابهم بتتعب نفسيا من السياره و بتكرهها صدقني وقتها

هذا رأيي و الله يوفقك في اكورد بنت حلال ما تشق سقفها :d

---

والله انا احط راي مع راي الاتحادي بس انا اهلاوي :d ونصيحة لا تسوي فتحة:protest:

الاكورد لو مافي فتحة من فوق ويقصها حرااااااام قهر

فيه محل اسمه مجموعه السلام ،،،
في الدمام موجود بس ما اعرف اذا فيه لهم فروع في اماكن ثانيه ،،،
شغلهم اوكيه ،،، وضمان 10 سنوات ويسوون لك صيانه ،،،
عمي مركب من عندهم فتحه لفورد 2006 وله حوالي 3 سنوات او اكثر بعد ووالله ما شكا منها ،،،
حتى في السفر والله ما اسمع تنسيم فيها ،،،
وتحياتي ،،،

http://www.hondaarabia.com/club/imag...c/progress.gif

السلام عليكم
اذا تبي نصيحة أخ لخوه لايطري على بالك تقص تنده
واذا على كلامك الشكل بقولك عيب شرعي بالتنده الي يسونها بالمحلات
وهو لو تلاحظ اي واحد مركب فتحه تلقى المحل يحط جلده نفس البرواز
على حواف الفتحه يعني راح تلاحظ الفرق بينها وبين فتحة الوكالة كبير
واذا تبي تفهم وش سالفت الجلده رح لمحل الي يفتح تندات قل ابي
فتحه سقف من دون جلده بيقولك ماقدر لازم الجلدة
يازين تندة شد البلد بس