عرض للطباعة
السلام عليكم أعضاء منتدى محبي هوندا
تحية طيبة لجميع الأعضاء..
السيارة هوندا أكورد 98 يبيلها توضيب قير وفكرت أوضبها بقطع غير أصلية
أبيها استخدام سنة قدام ، وقالي شغل ايد بعد الخصم 1200 ريال
والقطع تقريباً 1000 ريال والمجموع 2200 ريال
وشرايكم القطع الغير أصلية تمشيني سنة قدام ولا لا ؟
بما اني أطلع خط من الدمام للرياض تقريباً كل 3 شهور
أتمنى تفيدوني وتقبلوا تحياتي،،،
دام اصليه وكاله وانت محاضظ تكمل اكثر من 3 سنوات
ياحبيبي أذا الأصلي ما مشاك أيش الي يبي يمشي؟
بس قريبه ألف ريال قطع القيار بس ! أتماتيك هي ولا عادي
ليش ما تشوف التشليح تخذ لك قير مستعمل يركبونه لك وبعد يضمنونه شهر
واكيد بيكون أقل من توضيب القير , وبلأخير انت اعرف بالي يناسبك ...
والله با ابو فيصل
انا رائي من رائي الشقاوي
تاخذلك قير ياباني مستعمل واصلي ونظيف
اظمن لك واريح لك
والله يوفقك يارب
ياجماعة الخير انتوا فهمتوني غلط
القطع اللي بشتريها ما هي أصلية (( صيني ))
أبو غيوض - الشقاوي
شاكر لكم مروركم .. والله يعطيكم العافية
تقبلوا تحياتي،،،
اقتباس:
المشاركة الأصلية كتبت بواسطة titw
إن شاء الله بسمع بشوركم وآخذ قير ياباني مستعمل ونظيف
على بركة الله ،، بس مادري كم سعره تقريباً الله يجزاكم الجنة
شاكر لك أخي الكريم على نصيحتك وتوجيهك
تقبل تحياتي،،،
انا انصحك بتوضيب القير و اتخد قطع اصلية
خالي عندة اكورد نفس مديل سيارتك وضب القير قبل 5 سنوات و الى اليوم القير زي اللوز
اقتباس:
المشاركة الأصلية كتبت بواسطة ابو علي
أشكرك أخي أبوعلي على النصيحة
تقبل تحياتي،،،
السلام عليكم
مثل ماقالوا الشباب خذ قير استعمال ياباني استعمال حشمه واقل تكلفه من التوضيب وبيكلفك تقريبا 1600 إلى 1700 ريال ضمان شهر معطه تمعيط عشان تشوف كان فيه عيوب وغالباً الاستعمال الياباني نظيف والسبب نظامهم في السير
واذا بغيت عندي لك محل يعطيك احسن سعر
في قطع أمريكية اسمها ترانستار وسعرها نفس سعر الصيني اللي تقول عنه وجودتها مقبولة وتمشيك اكثر من سنة باذن لله لكن على الكلام على اللي بيوضب هل هو فاهم ولا يجيب العيد انا رايي من راي الشباب غير من التشليح احسن لك وبالتوفيق.
شوف حبيبي
اذا انت ساكن في الرياض بوصيك على ورشه في الصناعيه القديمه
انا موضب قيري عنده ركب لي قطع امريكي وضمان 6 شهور
وبصراحه شغله كويس والسعر الف وسبع ميه
اسمها ورشة الشمال تلقها قريبه من العضيب
ركب قير يباني وانس انا مركبه لي 4 سنوات زي الحلاوه بس غير زيت اصلي والله العن جده مقال شيزمان كان 2700
الحين 1800 ضمان 3شهور